Јавна седница пред Апелација: Колкава треба да биде казната за Васил, кој ја прегази Фросина? - Канал 5

Македонија

Јавна седница пред Апелација: Колкава треба да биде казната за Васил, кој ја прегази Фросина?

Обвинителството бара повисока, одбрана пониска затворска казна за Васил Јованов кој пред пет месеци беше првостепено осуден на 12 години затвор за прегазувањето на Фросина Кулакова.. 

Јавна седница пред Апелација: Колкава треба да биде казната за Васил, кој ја прегази Фросина?

Обвинителството бара повисока а одбрана пониска затворска казна за Васил Јованов кој смртно ја прегази 22 годишната Фросина Кулакова на булеварот Партизански одреди во јануари годинава. Јованов првостепено во мај беше осуден на 12 години затвор, а на висината на казната пред скопскиот апелационен суд се жалеа и обвинителството и одбраната. Кривичниот суд ги преценил олеснителните околности меѓу кои и признанието на вина, тврдеше вишата јавна обвинителка Фатиме Фетаи и побара аплеација да ја преиначи казната а на Васил Јованов да му определи повисока казна. Според неговиот адвокат признанието е искрено а казната е превисока во споредба со досегашната судска пракса за вакви кривични дела.

Јавната седница пред Апелација ја следеше и семејството на Фросина Кулакова. Очекуваат повисокиот суд да му изрече максимална казна а најавија и кривични пријави против судијката од Кривичен, Снежана Марковска и судијката Даниела Алексовска Стојановска која го судеше предметот за трговија со дрога против Васил. Ќе поднесат и претставки за нивно разрешување до Судскиот совет.

Васил Јованов на крајот од јавната седница уште еднаш изрази жалење и каење. Голема грижа на совест имам за тоа што се случи и болката што ја предизвикав, рече обраќајки се на семејството на загинатата Фросина. На чело на петорката апелациски судии која треба да одлучи по жалбите за висината на казната на Васил Јованов е судијката Лирие Елези Ајрулау. Судија известител по предметото е Александра Ристеска, а во советот се и судиите Габриела Гајдова, Осман Шабани и Јусуф Ајрулахи.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Ѓоковиќ се забавува во Лондон- пред Вимблдон отиде на концерт на Бед Бани (ВИДЕО)

На само два дена пред почетокот на Вимблдон, Новак Ѓоковиќ реши малку да заборави на тенисот и да се опушти со музика.

Ѓоковиќ се забавува во Лондон- пред Вимблдон отиде на концерт на Бед Бани (ВИДЕО)

Српскиот тенисер се појави на првиот лондонски концерт на Бед Бани, и се фотографираше со популарниот пејач.

Ѓоковиќ на социјалните мрежи објави фотографија на која позира со музичката ѕвезда од Порторико. Според странските медиуми, Ѓоковиќ во текот на вечерта не само што се фотографирал, туку и танцувал во латино ритам и убаво се забавувал во пресрет на еден од најважните турнири во сезоната.

Бројни ѕвезди на концертот

Првата вечер од турнејата на Бед Бани во Лондон привлече голем број други познати гости. Меѓу публиката беа Адел, Џо Џонас и други ѕвезди кои не сакаа да пропуштат еден од најочекуваните музички настани во Лондон.

Тагови: Новак Ѓоковиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Филипче ќе ја распродава Македонија на рати оти мисли дека така ќе си купи премиерска фотелја

Филипче со месеци се обидува да ја изгради својата јавна слика врз европски вредноси, но само кога тие принципи можат да се употребат за да ја критикува сопствената држава.

ВМРО-ДПМНЕ: Филипче ќе ја распродава Македонија на рати оти мисли дека така ќе си купи премиерска фотелја

Тоа најдобро се гледа во неговиот однос кон бугарски провокации и постапки што директно ги засегаат македонските национални интереси.

Филипче доследно молчи на секоја бугарска провокација која ги засега македонскиот идентитет, јазик и историја.

Тој го премолчи и овој дипломатски скандал Бугарија, со кој беше направен дипломатски преседан каде беа објавени документи со безбедносни информации поврзани со претседателот на Владата.

Филипче беше дел од структурата на СДС која ги распродаде македонските национални интереси, структура која го понижи македонскиот идентитет, го доведе во прашање јазикот и историјата, и потпишуваше бланко листови наместо да ги брани македонските позиции.

Македонскиот народ го памети тоа и неговиот суд го изрече на изборите. Свесен дека во Македонија повеќе нема политичка иднина, Филипче ја пресмета ситуацијата и ја сврте политичката калкулација кон Софија очекувајќи дека добрите односи со бугарските власти ќе му донесат поддршка која не може да ја најде кај сопствениот народ.

Граѓаните очекуваат дека секој што претендира да ја води државата мора да ги брани и државните интереси, а нема да дадат поддршка на Венко Филипче, кој уште веднаш би го продал идентитетот и би ја редефинирал македонската историја, кој ги брани бугарските позиции и работи за туѓи агенди, се за да дојде на власт, се наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Единаесетгодишно момче е извлечено од урнатините во Венецуела, три дена по земјотресите (ВИДЕО)

Единаесетгодишно момче е извлечено живо од урнатините на Карабаледа, во северна Венецуела, три дена откако смртоносни земјотреси го погодија регионот, објави привремената претседателка на земјата, Делси Родригез.

Единаесетгодишно момче е извлечено од урнатините во Венецуела, три дена по земјотресите (ВИДЕО)

„Пред неколку минути, 11-годишно момче беше спасено во Карабаледа. Во овој момент, секој живот е извор на надеж за Венецуела“, напиша Родригез на X, прикачувајќи видео од спасувањето на детето кон својата порака.

Во петокот вечерта, новороденче старо 18 дена и неговата мајка беа спасени од урнатините. „Најчесто сега ископуваме безживотни тела, но, фала му на Бога, понекогаш сè уште наоѓаме преживеани“, изјави за АФП спасител во градот Плаја Гранде.

Според најновите бројки од властите, најмалку 1.430 луѓе загинаа во два последователни земјотреси со магнитуда од 7,2 и 7,5 степени што го погодија северниот дел од земјата во среда, а повеќе од 50.000 сè уште се водат како исчезнати. Земјотресот погоди седум милиони луѓе, според податоците на ОН.

Тагови: Венецуела

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер