Други спортови

Јапонски борач заврши на патерици со страшни повреди (Вознемирувачко видео)

Минатата недела во организацијата ОНЕ се одигра натпреварот помеѓу познатиот јапонски борец Такеру Сегава и Тајланѓанецот Суперлек Киатмукао, шампионот на ОНЕ во мува категорија.

Во текот на натпреварот Јапонецот дозна зошто неговиот противник го носи прекарот The Kicking Machine. Киатмукао победи во пет рунди со едногласна одлука, а Сегава по борбата заврши на патерици.

Here’s Takeru’s left leg after last night’s fight against Superlek at ONE 165 in Tokyo.

He also revealed he has a fractured knee and “can’t walk”.#ONEChampionship pic.twitter.com/49ZMNNquG3
— Nicolas Atkin (@nicatkinONE) January 29, 2024

Имено, Киатмукао со своите ниски удари му направи огромна штета на нозете на Сегава, а особено на јапонскиот борец му беше оштетена левата нога. Такеру по мечот сподели неколку фотографии на социјалните мрежи, на кои се гледа како му е скината тетивата од низа тешки удари.

Инаку, Суперлек победи во последните 11 настапи и моментално има скор од 137-29-4, додека Сегава е познат и како единствениот кикбоксер кој ја освоил шампионската титула К-1 во три различни тежински категории и има рекорд од 43-4-0.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Заседаваше кризниот штаб за надминување на состојбата во Гостивар

Кризниот штаб бара решение за обезбедување технички исправна вода во Гостивар.

Водата и натаму е небезбедна за употреба, а залихи ќе се обезбедуваат со цистерни од околните општини, но и од Куманово, Кавадарци и Неготино.

Кризниот штаб усвои и низа дополнителни мерки за заштита на здравјето на граѓаните на Гостивар.

Во меѓувреме продолжува да се испитува квалитетот на водата, а на помош се испратени и екипи од скопскиот водовод.

Тагови: Гостивар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Сончево со температура до 34 степени

Според Управата за хидрометеоролошки работи времето денеска ќе биде сончево, со мала до умерена локална облачност.

Ќе дува умерен, повремено засилен ветер од североисточен правец, особено долж Повардарието и во источните делови од земјата.

Утринските температури ќе се движат од 8 до 19 Целзиусови степени, додека максималните ќе достигнат од 24 до 34 степени.

Во Скопје ќе биде сончево со мала до умерена облачност, а ќе дува слаб до умерен северен ветер.

Утре под влијание на влажен бран се очекуваат повремени врнежи од дожд, кои локално ќе бидат пообилни и ќе надминат 15 литри на квадратен метар. Врнежите наместа ќе бидат проследени со грмежи и со засилен ветер, а температурите значително ќе опаднат.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

На ГП „Богородица“ за излез од државата се чека 15 минути

На ГП „Богородица“ се бележи зголемена фреквенција на возила, а времето на чекање за излез од државата е околу 15 минути.

Сообраќајот на државните патишта се одвива непречено, по претежно суви коловози. Интензитетот на сообраќај на патните правци надвор од градските средини е умерен. На ГП „Богородица“ се бележи зголемена фреквенција на возила, а времето на чекање за излез од државата е околу 15 минути. На останатите гранични премини од македонска страна, нема подолги задржувања за влез и излез од државата – информира АМСМ.

Препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.