Признание за заостанување зад кинеската конкуренција
„Може да се каже дека бевме малку бавни во нашиот пристап кон пазарот, во споредба со многу брзото темпо во Кина“, рече Стивен Ма. „Кинеските марки беа, да бидам искрен, пребрзи, екстремно брзи и ги фатија сите неподготвени. Мислам дека во меѓувреме се ресетиравме“, изјави шефот на јапонската компанија на саемот за автомобили во Шангај.
Јапонскиот гигант Нисан продаде помалку од 700.000 возила во Кина во 2024 година, што значи дека неговата продажба е повеќе од преполовена во споредба со 2020 година. Компанијата ја намали прогнозата за продажба на меѓународните пазари во фискалната година што заврши во март, делумно поради проблемите во Кина, нејзиниот втор по големина пазар.
Нови модели и стратегија за извоз
Тие сега одлучија, според директорот, да инвестираат уште 10 милијарди јуани во Кина до крајот на 2026 година. До летото 2027 година, Nissan ќе претстави 10 нови модели на енергетски возила во Кина. Претходните планови предвидуваа осум нови модели до крајот на 2026 година.
Планот на Нисан е да продолжи со извоз на возила од Кина во „многу други земји, освен можеби една“, рече Ма, мислејќи на Соединетите Држави, кои во времето на поранешниот претседател Џо Бајден, де факто го запреа увозот на електрични автомобили од Кина со воведување царини од 100 отсто.
Претседателот Доналд Трамп продолжи со нови царини од 25 отсто за увоз на автомобили, со дополнителни „реципрочни“ царини од 145 отсто за увоз од Кина. „Долго живеам и работам во САД, но не можев да предвидам дека работите ќе одат во таа насока. Ќе извезуваме во многу земји, но кои се, уште не можеме да објавиме“, рече Ма.