Јапонија воведува казни за продажба на хибриди, електрични и луксузни автомобили во Русија - Канал 5

Автомобилизам

Јапонија воведува казни за продажба на хибриди, електрични и луксузни автомобили во Русија

Јапонија продолжува да ги проширува своите санкции против Русија, чиј автомобилски пазар драстично се промени во последните години.

Јапонија воведува казни за продажба на хибриди, електрични и луксузни автомобили во Русија

Со воведувањето на новите санкции, јапонската економија се соочува со нов предизвик. Имено, санкциите кон Русија продолжуваат, почнувајќи од 9 август. Во нив е забранет извозот на сите хибридни и електрични возила, како и автомобили со зафатнина на моторот од најмалку 1900 кубика.

Со новите санкции се прекинува извозот на сите артикли кои на овој или оној начин би можеле да бидат пренасочени во воени цели, како челик, пластични производи и особено електронски делови. Новите санкции се директен резултат на мајскиот самит во Хирошима, кога беа договорени нови притисоци врз Русија.

„Со ова, од 9 август ќе биде забранет извозот во Русија на автомобили над 1.900 кубика, патнички автомобили со хибридни мотори и гуми за големи возила и така натаму“, изјави јапонскиот министер за економија Јасутоши Нишимури.

Оваа одлука доаѓа откако голем број јапонски производители го прекинаа производството во Русија, но не и извозот во Русија. Исто така, најголем дел од возилата доаѓаат од Кина, вклучително и оние од јапонски марки, а се користи и мрежа на дилери на половни автомобили.

И покрај прилагодувањето на пазарот на новите услови, забележлив е падот на продажбата на нови автомобили во Русија. Некои проценки сугерираат дека продажбата е намалена до четири пати, но стабилизацијата е видлива во последните месеци. Домашната Лада го зголемува производството, а увозот од Кина е драстично зголемен. Исто така, сè уште има тајни канали кои носат луксузни западни автомобили во Русија. Од друга страна, отсуството од рускиот пазар сериозно се одрази финансиски на многу западни производители.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Избори во Израел, двата политички блока се изедначени во Кнесетот

Излезните анкети од парламентарните избори во Израел покажуваат неизвесен исход.Ниту Бенјамин Нетанјаху ниту Гади Ајзенкот засега немаат јасно мнозинство.

Избори во Израел, двата политички блока се изедначени во Кнесетот

Според првичните процени, двата политички блока се речиси изедначени во парламентот. Арапските партии се очекува да освојат од 18 до 19 пратенички места.Нивната поддршка може да биде клучна за формирање на новата влада.Излезноста беше рекордна достигна 77,7 проценти, највисока од изборите во 1999 година.

Нетанјаху повика на формирање силна десничарска национална влада.Ајзенкот, пак, најави формирање влада што ќе ги претставува сите граѓани.конечните резултати ќе зависат и од пребројувањето на преостанатите гласови. По објавувањето на резултатите, претседателот ќе го задолжи кандидатот за кој смета дека може да формира коалиција.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Ракомет

Вардар против Мт Мелсунген на домашен терен ја завршува сезоната во ЕХФ Лигата на шампионите

Македонскиот ракометен шампион Вардар вечерва од 18-45 часот во Јане Сандански  ја затвара сезоната на европската сцена. противник на црвено црните е силниот германски преставник Мт Мелсунген.

Вардар против Мт Мелсунген на домашен терен ја завршува сезоната во ЕХФ Лигата на шампионите

Црвено-црните пред домашната публика ја затвораат европската сезона.

РК Вардар 1961 денес, 28 октомври, од 18:45 часот, во СЦ „Јане Сандански“ го пречекува германскиот МТ Мелсунген во натпреварот од шестото, последно коло од групната фаза на ЕХФ Лигата на шампионите.

Црвено-црните ќе се борат за втора победа во европската елита, со желба сезоната да ја заокружат со триумф пред своите навивачи. Поддршката од трибините ќе биде дополнителен мотив за Вардарци да го дадат максимумот и да се обидат да му се реваншираат на германскиот тим за поразот од 33:31 на првиот меѓусебен дуел во Касел, кога Вардар до самиот крај беше во игра за позитивен резултат.

Како горд партнер и силен поддржувач на РК Вардар 1961, Видеолотарија Касинос Австрија е повторно со црвено-црните и во овој нивен европски предизвик.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јавните обвинители денеска избираат нов шеф на Обвинителството за организиран криминал и корупција

Јавните обвинители денеска избираат нов шеф на Обвинителството за организиран криминал и корупција.Вкупно 187 обвинители со право на глас ќе избираат меѓу петмина кандидати.

Јавните обвинители денеска избираат нов шеф на Обвинителството за организиран криминал и корупција

Во трката се Фатон Азизи, Трајче Пеливанов, Лидија Раичевиќ, Искра Хаџи Василева и Јован Цветановски.

Гласањето е тајно и ќе трае од 8 до 16 часот. По завршувањето, резултатите ќе бидат сумирани на јавна седница.

Кандидатите во своите програми најавија борба против корупцијата и перењето пари.Меѓу приоритетите се и зајакнување на истражните капацитети и финансиските истраги.

Се најавуваат и поголема ефикасност и независност на Обвинителството. Изборот се спроведува поради истекот на мандатот на актуелниот шеф Ислам Абази.

Тој беше избран на функцијата во октомври 2022 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер