Македонија

Јаневска: Од септември средношколците ќе добијат образовни асистенти, законот е во Собрание

Иако на средношколците им беше ветено дека на почетокот на второто полугодие, со измени на Законот за средно образование ќе добијат образовни асистенти, дел од родителите се пожалија дека тоа се уште не е случај.

Министерката за образование Весна Јаневска откако законот вчера помина на Влада и е во собраниска процедура, овојпат уверува дека со сигурност образовни асистенти низ средните училишта ќе има од септември , а во моментов ќе се обезбедат онаму каде би имало сериозна потреба.

- Претходниот Закон не предвидуваше образовни асистенти во средните училишта. Овој закон го предвидува тоа. Она што е сигурно дека тие од септември оваа година ќе имаат образовни асистенти, а во моментов доколку има сериозна потреба и непополнето место за образовен асистен ќе се потрудиме да обезбедиме и за овие ученици.

Јаневска на прес конферецнијата кажа дека околу 400 студенти што се финансирани од државата за да студираат на топ рангираните универзитети на Шангајската листа, од сега ќе имаат обврска да се пријават на новиот регистар на МОН преку кој ќе се следи текот на нивните студии и работниот статус.

Оние студенти кои во рок од три месеци по дипломирањето ќе се вработат во странска компанија ќе можат да останат во странство најмногу до три години, но по враќањето во државата имаат обврска да работат двојно повеќе од времето на студирање. Оние студенти пак кои ќе одлучат да не се вратат во државата, ќе мораат да ги вратат средствата од стипендијата, најдоцна две години од завршувањето на студиите.

- По враќањето стипендистите треба да се пријават во МОН и за прв пат, да се регистрираат на посебен дигитален регистар (e- registar.mon.gov.mk), што го воведуваме оваа година, а кој ќе биде споделен со државните органи, универзитетите и стопанските комори, во насока на полесно наоѓање соодветен работен ангажман. Ако на студентот не му биде понуден ангажман во рок од шест месеци, не му престанува обврската да работи во државата.

Истите услови ќе важат и за новите студенти, за кои во тек е и конкурсот за финансирање на додипломски,постдипломски и докторски студии за учебната 2025/26 година. Финансирањето на студентите чини и до 40.000 долари само за уписнината, објаснува Јаневска, па целта е инвестицијата во образованието на студентите да се врати во државата.

Регион

Во Белград се одржа масовен протест „на 15-ти за 15-те“, според МВР имало 107.000 луѓе

Голем протестен собир под слоганот „15 за 15“ се одржа денеска во Белград на повик на студентите, кои бараат одговорност за уривањето на настрешница во нови сад и смртта на петнаесет лица.

Централниот настан се одржа на плоштадот Славија, каде студентите им се обратија на граѓаните, ги читаа нивните барања и ги пееја песните кои станаа симбол на протестите. српското мвр официјално соопшти дека според проценките на полицијата на сите локации во белград бројот на учесници бил околу 107.000.

Првично беше најавено дека митингот ќе се одржи на платото пред собранието на Србија, каде се собраа голем број граѓани, но потоа студентските редари ги повикаа граѓаните да се упатат кон Славија, за да се избегнат евентуални провокации и инциденти со групата луѓе кои кампуваат во пионерскиот парк. Вечерва имаше информации за инциденти таму, но студентите соопштија дека официјално нивниот протест е завршен и се оградија од евентуални провокатори.

Точно во 19 часот на плоштадот Славија и околните улици започна петнаесетминутниот молк, за симболично да оддат почит на 15-те жртви во Нови Сад на 1 ноември. За време на молкот, граѓаните ги држеа вклучени светлата на мобилните телефони, а го завршија, со како што ја нарекоа, најголемата врева во Србија.

Свет

Германско МНР: Путин спроведува тактика за одложување на преговорите во Украина

Германската министерка за надворешни работи Аналена Бербок претходно изјави дека Путин намерно не влегува во мировни преговори.

Министерството за надворешни работи на Германија изразува скептицизам во однос на изјавите на рускиот претседател, Владимир Путин, во врска со прекинот на огнот во Украина и смета дека тоа е, во најдобар случај, одложување на преговорите, пишува Дојче веле.

По воздржаната реакција на Русија на предлогот на САД за прекин на огнот во Украина, германската Ввлада го обвини Путин за одложување на преговарачкиот процес.

„Во најдобар случај, можеме да зборуваме за тактика на одложување во врска со прекинот на огнот, доколку има такви услови и резерви“, изјави вчера портпаролката на германското Министерство за надворешни работи.

Таа изјави дека мора да се постави прашањето дали има сериозен интерес да се работи на траен прекин на огнот и решение.

Германската министерка за надворешни работи Аналена Бербок претходно изјави дека Путин намерно не влегува во мировни преговори.

„Путин намерно ја држи отворена вратата за мировни преговори, но тој сè уште не е подготвен да помине низ тоа“, рече таа. /МИА

Регион

Брнабиќ na X: Екстремисти нападнаа студенти во блокада и студентите во Пионирски парк

Дел од насобраните граѓани, иако студентите прогласија крај на протестот, се уште е пред Собранието на Србија.

Во објава на Х, претседателката на српското Собрание Ана Брнабиќ вечерва ги отфрли наводите дека нападот за време на инцидентите на вечерашниот протест пред Парламентот го извршил некој од кампот во Пионирски парк, туку дека „екстремисти“ ги нападнале и студентите во блокада и студентите во паркот, јави МИА од Белград.

„Лага е дека некој од Пионирски парк нападнал некого. Јасен доказ дека екстремисти ги нападнале и студентите во блокада и студентите во Пионирски парк. Насилството нема да биде дозволено“.

Белградски медиуми јавија за две приведени лица вечерва од пред просторот меѓу Собранието и Претседателството и дека се распоредени припадници на жандармеријата со опрема за разбивање протести пред Правниот факултет во Белград.

Студентското обезбедување во блокада прогласи крај на протестот пред српското Собрание, ги отстрани маркерите, а на насобраните им нареди да се повлечат, по инцидент .

Дел од насобраните граѓани, иако студентите прогласија крај на протестот, се уште е пред Собранието на Србија.