Неговиот син со помош на познаник отишол да го бара. Но, она што го откриле ноќе во шумата било нешто што никој од нив не го очекувал - пронашле распарчено тело!

Во неделата попладне, Јан отишол на редовна прошетка во заштитеното подрачје Пољана во Словачка. Сепак, по неколку часа тој не се вратил дома, па семејството ги алармирало спасувачите и полицијата и самите тргнале во потрага по мажот, објави Би-Би-Си

Сепак, неговиот син пронашол хорор сцена во шумата - татко му го растргнала мечка!

"Тато не беше ловец, тој секогаш одеше на планина во недела попладне. Јас често одев со него, а кога не дојде дома знаев дека нешто морало да му се случи. Собрав пријатели и познаници и тргнавме на пат. Го најдов на полноќ. Мечката го распарчила", изјавил неговиот син за медиумите.

Несреќата се случила на само неколку стотини метри од првите населени куќи. Синот на Јан немал поим како животното влегло во областа.

„Никогаш досега не сме виделе мечка од дивината овде“, тажно додаде тој.

За несреќата извести и словачката планинска спасувачка служба.

Исчезнатиот е пронајден во густа шума во текот на ноќта, за жал без знаци на живот. По извршените потребни процедури телото е пренесено од местото на настанот, а потрагата завршила пред 1 час“, коментираат спасувачите за инцидентот.

Во Словачка оваа година се пријавени неколку случаи на повреди по напади на мечки. Пред само неколку дена, во областа на водопадот Шутовски во планините Мала Фатра, животно сериозно нападна двајца мажи. Минатата година, на почетокот на октомври, мечка нападна собирач на печурки во областа Липтовски Микулас, а 55-годишникот починал од повредите.

Минатиот јуни, по повеќекратните конфликти меѓу мечките и луѓето, словачкиот парламент одобри изземање од заштита на мечките во случаи кога присуството на овие ѕверови го загрозува животот, здравјето или имотот на луѓето или посевите и добитокот. Услов за поедноставно издавање дозволи за отстранување на проблематичните мечки е прогласување вонредна состојба во загрозеното подрачје.

Некои актуелни владини политичари во Словачка, како и шумарите, во минатото ги доведуваа во прашање резултатите од студијата на конзерваторите и научниците од чешките универзитети дека популацијата на мечки во Словачка брои најмногу 1.275 животни. Тие тврдеа дека овие бројки се повисоки. На пример, државната институција Национален шумски центар пред две години процени дека во Словачка живеат меѓу 2.500 и 3.200 мечки.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.