Живот

Јахтата „Eclipse“ на Абрамович чини милијарда фунти и има систем за противракетна одбрана

Супер јахтата „Eclipse“ на рускиот милијардер Роман Абрамович е долга 166 метри има 24 кабини за гости, два базени и ноќен клуб.

Абрамович зад себе остави седум имоти во Британија, вклучително и две куќи во Лоундес, кои заедно вредат повеќе од 150 милиони фунти.

Сепак, неговата најраскошна и најекстравагантна резиденција е неговата суперјахта „Eclipse“. Абрамович потрошил 350 милиони британски фунти за изградба на овој брод, иако многумина велат дека таа бројка надминала милијарда поради сите додатоци за луксуз и безбедност.

Според медиумски сознанија во времето кога рускиот олигарх ги добил клучевите од својата јахта во 2010 година, таа била најголемата приватна јахта во светот и веројатно најекстравагантната играчка од тој вид. Заедно со сите надградби и трошоци за одржување, таа ја достигна цената од преку милијарда британски фунти.

Неговиот брод долг 166 метри има 24 кабини за гости, два базени и ноќен клуб, па дури и систем за противракетна одбрана…

Јахтата без посета на пристаниште за танкирање на гориво може да мине дури 6000 милји.

Јахтата Eclipse на Роман Абрамович има девет палуби, додека највисоката од нив содржи две хелиодроми и гаража. Хелиодромот сместен во предниот дел се отвора за да му овозможи на Eurocopter EC155 удобно да се смести во хангарот подолу.

Осмата палуба содржи базен и простор за сончање, со вградена скара и рерна за пица. Главниот салон има камин и масивна скулптура која потекнува од Индонезија. Има и базен кој се наоѓа на седмата палуба, чија длабочина може да се прилагоди, додека неговиот под се крева и спушта, за да може да се трансформира и во подиум за танцување.

Главниот апартман на Абрамович е блиндиран, а целата јахта „Eclipse“ има прозори отпорни на куршуми и ласери кои ги спречуваат папараците да направат какви било фотографии.

Долната палуба содржи апартмани и кабини, а јахтата може да биде домаќин на 32 патници и 100 членови на екипажот.

Секоја кабина има сопствен приватен кино екран, џакузи, спа и специјални безбедносни системи.

Сите прозорци на јахтата се отпорни на куршуми, додека самиот брод е заштитен со антибалистички ракетен одбранбен систем инсталиран од германски специјалисти АСТ. Јахтата Eclipse е опремена и со подморница за три лица, која може да се спушти до длабочина од 48 метри.

Сепак, суперјахтата на Абрамович, која моментално е закотвена во Хамбург, е многу скапа за одржување - се проценува дека трошоците за одржување достигнуваат бројка од 40 милиони британски фунти годишно.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Најголемиот пожар во историјата регистриран во Белгија, ЕУ испраќа помош

Земјите-членки на ЕУ испратија три хеликоптери и два авиона за гаснење пожари за да ѝ помогнат на Белгија во справувањето со пожар во источниот дел на земјата.

Земјите-членки на ЕУ испратија три хеликоптери и два авиона за гаснење пожари за да ѝ помогнат на Белгија во справувањето со пожар во источниот дел на земјата, изјави европскиот комесар за управување со кризи, откако белгиските власти побараа итни засилувања за да го стават под контрола најголемиот пожар што ја погодил земјата во последните неколку децении.

Огнот го зафати „От Фан“ (Hautes Fagnes), најголемиот белгиски природен резерват, каде што пожарот беснее уште од петокот. Локалните пожарникари, земјоделците и ангажираните воени сили се обидуваат да го спречат ширењето на пожарот.

Според извештаите на локалните медиуми, кои се повикуваат на податоци од гувернерот на провинцијата Лиеж, до денес попладне изгореле околу 1.600 хектари.

Ова е најголемиот пожар регистриран во Белгија досега – кој го надминува дури и пожарот од 2011 година, кога изгореа речиси 1.400 хектари – според податоците на Европскиот информативен систем за шумски пожари.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Град Скопје: По 30 години чекање, булеварот „Борис Трајковски“ добива нов асфалт

По три децении чекање и бројни најави, започна асфалтирањето на булеварот „Борис Трајковски“, со што проектот влегува во својата завршна фаза.

По решавањето на долгогодишните имотно-правни прашања и завршената експропријација, трасата е целосно ослободена за реализација на градежните активности. Во рамки на проектот е изградена и нова атмосферска канализација, со што се создава современа и функционална инфраструктурна основа за овој значаен сообраќаен коридор.

Започнатото асфалтирање е конкретен чекор кон целосното завршување на булеварот и подобрување на сообраќајното поврзување, безбедноста и условите за движење на граѓаните.

Она што со години беше само ветување, денес се претвора во конкретен резултат.

Ова е пример дека со решавање на проблемите, сериозна работа и посветеност, Скопје може да добива инфраструктура која ќе служи на граѓаните и ќе остане за идните генерации.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Д-р: Даниловски: Вирусот западен нил активно циркулира, се наоѓаме во период на засилена трансмисија

Епидемиологот доктор Драган Даниловски за Канал 5 вели дека Македонија веќе се наоѓа во засилена трансмисија на Западен Нил, но не може да се каже дали ова е врвот на епидемијата.

Смета дека околу 80 проценти од заразените се асимптоматски.Целиот разговор на Сања Трајковска Ставро со епидемиологот Данаиловски гледајте го во вестите во 18 часот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.