Автомобилизам

Јагуар веќе нема да прави бензинци- новиот модел чини 130.000 евра и оди само на струја

Јагуар официјално потврди дека станува целосно електричен бренд, прекинувајќи го производството на сите бензински и дизел модели.

Првиот модел од оваа нова ера е луксузен GT со четири врати наречен Тип 00, чија просечна цена во Европа ќе надмине 130.000 евра. Извршниот директор на компанијата, Родон Гловер, нагласува дека нема враќање во старите времиња и дека нема „План Б“ за бензинците.

Дизајн што ги побива правилата и го зачувува дометот

Новиот Јагуар Тип 00 е висок само 140 сантиметри, што е неверојатно ниска силуета за електричен автомобил. Инженерите примениле специфично решение и поставиле дел од батеријата пред самата структура за да ги зачуваат своите спортски пропорции. Благодарение на овој пристап и врвната аеродинамика, автомобилот ќе може да помине неверојатни 700 километри со едно полнење.

Овој модел постигнал коефициент на отпор од само 0,23, што го прави најнапредниот Јагуар во историјата. Гловер нагласува дека компанијата свесно го напушта стариот дизајн затоа што брендот полека ја изгубил својата релевантност и профитабилност. Наместо масовно производство, фокусот се префрла на екстремен луксуз и клиенти кои сакаат да се издвојат со уникатен стил и врвен квалитет.

Зошто Јагуар повеќе нема да произведува SUV модели?

Идната гама на Јагуар ќе биде исклучиво ниска и спортска, бидејќи компанијата не планира да влезе на територијата на високи SUV возила. Тој сегмент е целосно препуштен на брендот Range Rover, додека Јагуар ќе се фокусира на брзина, луксуз и препознатлива британска елеганција. Лидерите на брендот се подготвени да преземат ризици бидејќи веруваат дека единствениот начин да се преживее е целосно да се раскине со претходната традиција.

Иако новата маркетиншка кампања во Мајами предизвика бурни и поделени реакции, компанијата тврди дека целта е постигната бидејќи за Јагуар повторно се зборува низ целиот свет. Фокусот сега се префрла од дизајнот кон инженерските достигнувања и динамиката на возењето што мора да ја оправдаат високата цена. Наскоро се очекуваат првите примероци од новиот електричен модел, со кој британската икона ќе ја започне својата најсмела авантура досега.

Тагови: бензинци Јагуар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во Кривичнииот суд почна судењето за поранешниот вицепремиер Артан Груби

По пола година од враќањето во земјава, денеска во Кривичниот суд почна судењето за поранешниот вицепремиер Артан Груби денеска ќе седне на обвинителна клупа за злоупотреба на службената положба за Државна лотарија.

Освен правните перипетии што го следат случајот, судењето го привлекува вниманието на јавноста и поради политичките импликации што може да произлезат од процесот..

Во кривичниот суд е Михајло Видимлиски..

Во видеото погледнете го целиот извештај.

Тагови: Груби кривичен суд Скопје

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

НУ Драмски театар Скопје со „Гидионовиот јазол“ гостува на фестивалот РУТА на Бриони

НУ Драмски театар Скопје со претставата „Гидионовиот јазол“ вечерва (24 август) ќе гостува на Бриони во Хрватска каде што театарот „Улисис“ е домаќин на фестивалот на Регионалната унија на театри (РУТА).

Претставата ќе биде изведена во Летното кино во 21 часот.

„Гидионовиот јазол“ на режисерката Драгана Милошевски-Попова е претстава работена по текст на авторката Џона Адамс. Драматург на претставата е Викторија Рангелова-Петровска, а улогите ги играат актерките Биљана Драгиќевиќ-Пројковска и Ања Митиќ.

Гостувањето на Бриони ќе биде дваесетта изведба на претставата, која досега гостувала на неколку фестивали низ Македонија, како и во регионот на сцените на театрите членки на РУТА. На минатогодишниот 33. Меѓународен фестивал на камерен театар „Ристо Шишков“ актерката Биљана Драгиќевиќ-Пројковска за улогата на Корин Фел ја доби наградата за високо актерско достигнување.

Режисерка Драгана Милошевски-Попова во програмската белешка истакнува дека: „Претставата ‘Гидионовиот јазол’ е моќна и вознемирувачка приказна за вината, одговорноста, тагата и сложениот однос во комуникацијата, како и состојбите во образовниот систем, проблемите со кои се соочува детето низ периодот на детството. На училишна средба меѓу мајката Корин и наставничката Хедер, кој се случува по еден трагичен настан, преку деликатен, емотивно исполнет/напнат дијалог, се отвораат прашањата за детската креативност, слободата на изразување, за уметноста, за одговорноста на наставниците и за родителите, за социјалните мрежи, за врсничкото насилство, за осаменоста, преку кои постепено се разоткрива длабоката болка и се бара, па и се посочува можниот виновник“.

Авторката Џона Адамс е претставничка на новата генерација американски драмски автори. Таа е авторка на 20 драмски текстови во кои драмската структура ја гради преку исклучително јаки и богато нијансирани карактери и ги поставува во сложени меѓусебни психолошки ситуации. Друштвото на американските театарски критичари ѝ ја доделува наградата „Стинберг“ (Steinberg Award) за делото „Гидионовиот јазол“.

Претставата „Гидионовиот јазол“ е на редовниот репертоар на Драмски театар од премиерата која се одржа во мај минатата година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Економија

Денеска нови цени на нафтените деривати

Регуалаторната комисија за енергетика денеска треба да донесе нова одлука за малопродажните цени на горивата.

Со претходната одлука бензините поскапеа за 4,5 денари, а дизелот поскапи за 6,5 денари по литар. Во последната пресметка на регулаторна продолжена беше и примената на намелените акцизи и тоа за 2 денари кај бенизните и за 4 денари по литар кај дизелот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.