Ја силувала и удавила 4- годишната ќерка на својот партнер поради љубомора- била воспитувачка во градинка - Канал 5

Свет

Ја силувала и удавила 4- годишната ќерка на својот партнер поради љубомора- била воспитувачка во градинка

Воспитувачка во градинка призна брутално убиство на четиригодишната ќерка на нејзиниот партнер откако ја изгубила контролата поради љубомора.

Ја силувала и удавила 4- годишната ќерка на својот партнер поради љубомора- била воспитувачка во градинка

Амбер Ли Хјуз призна во Високиот суд во Јоханесбург, Јужна Африка, дека ја удавила малата Нада Џејн Чалита во када полна со ладна вода, објави Дејлимејл.

Во потресното сведочење, судот слушна како Амбер Ли Хјуз ја турнала главата на девојчето под водата и седнала врз неа додека малата Нада се борела да се спаси.

На 24 јули, обвинителството даде графички опис на сериозното злосторство, наведувајќи дека воспитувачката претходно го силувала беспомошното девојче. Амбер Ли Хјуз го негираше обвинението:

„Јас останувам на моето негирање дека не сум ја силувала починатата“, изјави таа пред судот.

На 23 јануари 2023 година, Нада Џејн останала сама со Амбер Ли Хјуз додека нејзиниот татко, Ели Чалита, отишол на интервју за работа. Сепак, обвинетата се сомневала дека партнерот ја изневерува и му испратил застрашувачка порака:

„Ми го скрши срцето. Ќе го изгорам твоето. Како можеше да ми го направиш ова?“

Обвинителството соопшти дека двајцата почнале да се забавуваат во 2021 година и дека Амбер Ли Хјуз подоцна се преселила во семејниот дом со Чалита и неговата ќерка.

„За време на нејзиниот престој, нивната врска наводно била обележана со чести расправии“, изјави портпаролката на Националниот обвинителски орган, Пинди Мјонондване.

Амбер Ли Хјуз претходно негираше каква било вмешаност во смртта на Нада Чејн. Иако сега призна дека го убила детето, таа продолжува да го негира обвинението за силување.

„Признавам дека во времето на инцидентот страдав од гранично растројство на личноста, но бев свесна за моите постапки тој ден. Настанот беше предизвикан од расправија што ја имав со таткото на починатата во врска со неговото неверство, а последниот повод беше кога тој ми рече да престанам да го бомбардирам со пораки“, рече таа, продолжувајќи:

„Признавам дека откако девојчето престана да покажува знаци на живот, го оставив нејзиното тело во кадата со чешмата со ладна вода што сè уште течеше.“

Таа, исто така, му раскажала на судот како се обидела да се самоубие. По сослушувањето, таткото на Нада Чејн рече дека му олеснало што вистината конечно излегува на виделина.

„Сега правно знам дека таа го уби моето дете. Чекам да дознаам колку долго ја мачела пред да ја убие.“

Судењето е закажано да продолжи на 7 август, кога судот ќе ги слушне аргументите за обвинението за силување.

Тагови: ќерка партнерот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ТИРЗ: ВДЛ Бус Македонија ќе започне со трета фаза на инвестицијата - производство на нов модел на автобус

Директорот на ТИРЗ Гоце Димовски денес имаше средба со Аврам Стојчевски, генерален директор на компанијата ВДЛ Бус Македонија. 

ТИРЗ: ВДЛ Бус Македонија ќе започне со трета фаза на инвестицијата - производство на нов модел на автобус

На средбата се разговараше за тековните активности на компанијата, реализирањето на третата фаза од инвестицијата која ќе изнесува повеќе од 5 милиони евра, со нови 150 висококвалификувани работни места во рамките на ТИРЗ Скопје 2.

Димовски нагласи дека Дирекцијата за ТИРЗ останува посветен партнер на компаниите кои веќе инвестираат во земјата, преку навремена институционална поддршка и активно следење на нивните потреби. Тој истакна дека токму постојните инвеститори претставуваат најсилен показател за квалитетот на деловното окружување, а нивното проширување е важен сигнал за довербата во домашната економија.

На средбата беше разгледан планот за реализација на третата фаза од инвестицијата, која предвидува производство на нов модел на автобус. Дополнително, беше потврдена заложбата за продолжување на конструктивна соработка, со цел создавање услови за успешна реализација на овој инвестициски циклус, натамошен развој и зајакнување на конкурентноста на домашната економија.

Инаку, компанијата во април годинава од ВДЛ Ван Хоол Македонија се преименува во ВДЛ Бус Македонија, со што истата започна нова развојна фаза во своето работење. Промената е дел од поширокиот процес на трансформација и развој на компанијата, со фокус на понатамошно унапредување на производствените активности и зајакнување на нејзината позиција во автомобилската индустрија.

Тагови: ТИРЗ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ДЗС: Неексплодирана граната со калибар 75mm извлечена од под вода во Црна Река кај с. Радобор

Станува збор за граната што била истрелана, но не експлодирала. 

ДЗС: Неексплодирана граната со калибар 75mm извлечена од под вода во Црна Река кај с. Радобор

Пиротехничарот на Дирекцијата за заштита и спасување (ДЗС), Ѓорѓи Стефанов, безбедно отстрани неексплодирана артилериска граната со калибар 75mm, што потекнува од Првата светска војна и беше пронајдена под вода во Црна Река, кај мостот во село Радобор, Општина Могила.

Станува збор за граната што била истрелана, но не експлодирала. За пронајденото убојно средство, ДЗС Битола ја прими дојавата преку единствениот повикувачки број за итни случаи 112.

Тагови: ДЗС

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода црногорец, со „БМВ“ возел со брзина од 205 километри на час

Лишен од слобода црногорец, на автопатот во гевгелиско со „БМВ“ возел со брзина од 205 километри на час, поднесена пријава.

Лишен од слобода црногорец, со „БМВ“ возел со брзина од 205 километри на час

На 13.07.2026 во 11:09 часот на автопатот А1, кај село Милетково, гевгелиско, полициски службеници од СВР Струмица- ОВР Гевгелија го лишија од слобода црногорскиот државјанин Д.Б.(36). При контрола на патниот сообраќај со радар, полициските службеници констатирале дека Д.Б. управувал патничко возило „бмв“ со црногорски регистарски ознаки, со брзина од 205 километри на час, на место каде со сообраќаен знак брзината на движење е ограничена на 120 километри на час. За настанот е запознаен јавен обвинител од Основното јавно обвинителство Гевгелија, а против лицето е поднесена соодветна пријава.

Тагови: бмв

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер