Ја покажа цената на пица во популарно летувалиште и покрена лавина на социјалните мрежи (ВИДЕО) - Канал 5

Живот

Ја покажа цената на пица во популарно летувалиште и покрена лавина на социјалните мрежи (ВИДЕО)

Додека била на одмор на Малта, Чилеанката Валентина Трухиљо Оливарес била шокирана кога видела пица со ананас, или таканаречена хавајска пица, во менито на една пицерија, по цена од 100 евра.

Ја покажа цената на пица во популарно летувалиште и покрена лавина на социјалните мрежи (ВИДЕО)

Валентина (27), студентка и дизајнерка, решила да застане во ресторанот „Сото Прошутерија“ и да сними кратко видео за „ТикТок“. Видеото, објавено на 10 јули, покажува како го разгледува менито на ресторанот. Цените на пиците биле сосема нормални - Маргарита чинела 9,45 евра, други како „Семплице“ и „Тиролезе“ 14,70 евра.

Но, потоа видела хавајска пица и останала без зборови. „Во италијански ресторан сум и погледнете колку чини хавајската пица - 100 евра!“, рекла таа во видео кое набрзо станало вирално.

@valetrujillooo La pizza hawaiana es un pecado #italia #eurotrip #pizzahawaiana ♬ sonido original - Vale Trujillo

Ананас на пица? Истата дискусија повторно

Во интервју за порталот What's The Jam, Валентина рече дека била шокирана не само од фактот дека пицата чини толку многу, туку и од фактот дека таква комбинација воопшто постои во ресторан кој обично е специјализиран за италијанска пица.

Ја прашала келнерката дали хавајската пица е навистина достапна, но таа не ја нарачала. „Погледот што ми го упати беше доволен за да ја сменам нарачката“, рече таа со смеа, додавајќи дека сепак избрала нешто друго.

Интернетот експлодираше

Видеото набрзо собра повеќе од 2,8 милиони прегледи и над 2000 коментари. Дебатата избувна - некои беа згрозени, други се пошегуваа со сето тоа.

„Тоа се 10 евра за пица и 90 евра казна за непочитување на Италија“, „Не јадам хавајска затоа што ми се допаѓа, туку затоа што сакам да ги гледам Италијанците како се лутат“, продолжија коментарите. „Совршената летна пица – лесна, слатка и солена. Без разлика дали ви се допаѓа или не, има свои обожаватели“, рекоа корисниците на кои им се допаѓа комбинацијата со ананас.

„Пицата е создадена со фрлање на она што го имате дома врз тестото. Ако имате ананас, зошто да не?“, се пошегува некој.

Ресторанот ја отстранил пицата од менито?

Откако видеото стана вирално, хавајската пица исчезна од онлајн менито на ресторанот во познатото летувалиште. Не е јасно дали сè уште е достапна на физичкото мени, а ресторанот сè уште не дал коментар.

Едно е сигурно - дебатата за тоа дали ананасот е дозволен на пицата продолжува. И додека некои мислат дека тоа е кулинарски криминал, други уживаат во секој сладок и солен залак.

Тагови: летувалиште пица

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Мелони повикува на нормализација на односите со САД по конфликтот со Трамп

Италијанската премиерка Џорџа Мелони вели дека односите со САД мора да се вратат во нормала по јавната расправија што минатата недела ја имаше со американскиот претседател Доналд Трамп.

Мелони повикува на нормализација на односите со САД по конфликтот со Трамп

„Немам намера да продолжам да го поттикнувам овој спор“, рече италијанската премиерка, која оцени дека не постои ризик од негативни последици врз односите меѓу Италија и САД и дека врските меѓу двете држави остануваат добри. Во петокот Мелони го обвини својот некогашен близок сојузник Трамп дека измислил приказна за неа откако тој за италијанска телевизија изјави дека таа го молела да се фотографира со неа за време на неодамнешниот самит на Г-7 во Франција.

Тагови: Мелони

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Политико: Унгарија го блокира забрзувањето на преговорите на ЕУ со Украина и Молдавија

Унгарија не даде согласност за клучниот процедурален чекор неопходен за забрзување на пристапните преговори на Европската унија со Украина и Молдавија, објави Политико, повикувајќи се на двајца дипломати на Европската унија.

Политико: Унгарија го блокира забрзувањето на преговорите на ЕУ со Украина и Молдавија

Европската унија на 15 јуни официјално го отвори првиот преговарачки кластер со Украина и Молдавија, а европските челници најавија дека Киев до средината на јули ќеги отвори сите шест кластери. Остварувањето на таа цел сега е доведено во прашање, бидејќи Унгарија вчера била единствената земја членка што се спротивставила на испраќањето писмо до Европскиот совет и до Европската комисија со таков предлог. Унгарскиот премиер Петер Маѓар не се спротивстави на отворањето на првиот кластер за Украина, но претходно реагираше дека ставањето на брза лента на земјата би испратило погрешна порака до Србија, Албанија, Црна Гора и Македонија, кои со години работат на членството во Европската унија.

Тагови: Унгарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЦУК: Активни три пожари низ Македонија, во Куманово и Илинден- горат бандери, дрвја и отпад

На територијата на државата до 14:30 часот се регистрирани вкупно пет пожари на отворен простор. 

ЦУК: Активни три пожари низ Македонија, во Куманово и Илинден- горат бандери, дрвја и отпад

Од нив, три пожари се активни, еден е ставен под контрола, а два пожари се изгаснати.

Како што соопшти ЦУК, активни пожари има: во Општина Демир Хисар – с. Обедник каде гори ниска вегетација, во Општина Куманово – населба Перо Чучо каде се зафатени бандери и дрвја, и во Општина Илинден – с. Јурумлери запален е кабаст отпад.

Под контрола е ставен пожарот во Општините Свети Николе и Лозово – с. Делисинци и с. Сарамзалино, каде гори ниска вегетација.

Изгаснати се пожарите во општините Куманово на ул. „Ѓуро Пуцар“ бр. 38 и во Чашка, во с. Чашка каде горела ниска вегетација.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер