Фудбал

Извлекување на групите за ЕУРО 2016 во Франција

Во Конгресната палата во Париз со почеток во 18 часот ќе се одржи церемонијата на извлекувањето на групите за ЕУРО 2016 што ќе се игра во Франција. На шампионатот за првпат ќе играат 24 репрезентации (23 од нив играа квалификации и бараж), додека Франција како домаќин директно се пласира.

Репрезентациите се поделени во четири „шешири“, а единствено е познато дека Франција ќе игра во А групата и ќе игра на отворањето на шампионатот.

На првенството ќе има и пет репрезентации кои се дебитанти на Европските првенства: Исланд, Северна Ирска, Велс, Албанија и Словачка.

Прв „шешир“ (носители): Франција (А група), Шпанија, Германија, Англија, Португалија, Белгија.
Втор „шешир“: Италија, Русија, Швајцарија, Австрија, Хрватска, Украина.
Трет „шешир“: Чешка, Шведска, Полска, Романија, Словачка, Унгарија.
Четврти „шешир“: Турција, Република Ирска, Исланд, Велс, Албанија, Северна Ирска.

Европското првенство ќе се игра од 10. јуни до 10. јули 2016 година. Првиот натпревар и финалето ќе се играат на стадионот „Стад Д‘ Франс“ во Париз.

Свет

Бајден: Економскиот раст на Кина, Јапонија, Индија и Русија слабее поради ксенофобијата

Американскиот претседател Џозеф Бајден изјави дека економиите на Кина, Јапонија, Русија и Индија немаат раст бидејќи тие земји се „ксенофобични кон имигрантите“.

„Зошто Кина заостанува економски толку далеку, зошто Јапонија е во неволја, зошто Русија, зошто Индија, затоа што се ксенофобични. Тие не сакаат имигранти. Имигрантите се тие што не прават силни“, рече Бајден на настанот за собирање средства во Вашингтон за неговата претседателска кампања.

„Една од причините зошто нашата економија расте е поради вас и многу други. Зошто? Затоа што им овозможуваме добредојде на имигрантите“, додаде Бајден. /МИА

Фудбал

Терзиќ: Можевме да победиме со поголема разлика

Тренерот на Борусија Дортмунд, Един Терзиќ е задоволен од победата над ПСЖ синоќа со 1:0 во првиот натпревар од полуфиналето на Лигата на шампионите, иако смета дека разликата можеше да биде и поголема.

- Ова е заслужена победа, добра тимска игра. Можевме да постигнеме повеќе голови, исто како и тие. Затоа, од моја гледна точка, резултатот не е лош. Многу се движевме, но тоа е неопходно во ваков натпревар. Мора да се стекнеме со право да играме на „Вембли“. За тоа ни треба само реми во реваншот, но секако дека сакаме и да победиме следната недела. Имаме мала предност и добра можност, изјави Терзиќ за сајтот на УЕФА.

Реваншот ќе се игра на 7 мај во Париз.

Другата полуфинална двојка во елитното фудбалско натпреварување е Реал Мадрид – Баерн Минхен (2:2 прв натпревар). /МИА

Тенис

Синер: Морав да се повлечам од турнирот во Мадрид

Италијанскиот тенисер Јаник Синер објасни зошто решил да се повлече од турнирот во Мадрид.

Во четвртфиналето на Мастерсот требаше да игра со Канаѓанецот Феликс Оже-Алиасим, кој сега автоматски се пласираше во полуфиналето, каде што ќе игра со победникот од двојката Данил Медведев - Јиржи Легечка.

- Многу е тажно да го пропуштам мојот следен натпревар овде во Мадрид. Колкот ме мачи оваа недела и болката постепено се влошува. Следејќи ги советите на лекарите, решивме дека е подобро да не играме понатаму. Во текот на следните неколку дена ќе спроведам други тестови и ќе ги следам советите на специјалистите за закрепнување. Ви благодарам за поддршката, напиша Синер на социјалните мрежи.

Оваа сезона 22-годишниот Италијанец освои три турнири - Австралија опен, како и турнирите во Ротердам и Мајами. /МИА