Извештајот за Македонија во ЕП изгласан, но без „македонски јазик и идентитет“ - Канал 5

Македонија

Извештајот за Македонија во ЕП изгласан, но без „македонски јазик и идентитет“

Европскиот парламент не даде зелено светло за македонскиот јазик и идентитет во извештајот за напредокот на Македонија на Томас Вајц. 

Извештајот за Македонија во ЕП изгласан, но без „македонски јазик и идентитет“

Трите клучни амандмани на трите најголеми политички сили поминаа во Стразбур. 453-ца, наспрема 120 против и 109-мина воздржани, кренаа рака да се избрише делот од нацрт верзијата со кој недвосмислено се признава македонскиот јазик и идентитет како составен дел од наследството и уставниот поредок на нацијата и уште на две места во текстот. Речиси сите амандмани на бугарскиот европратеник Валчев беа одбиени, а барањето за вметнување на понижувачката придавка „современ“ не се стави на дневен ред, со оглед дека референците за јазик и идентитет целостно изостанаа во текстот. На крајот, извештајот беше изгласан со 461 глас „за“, 121 против и 107 воздржани. Известувачот Томас Вајц со олеснување и насмевка го прими исходот од гласањето, но потоа преку писмена изјава оцени дека иако неуморно работел за избалансиран извештај, за жал некои бугарски европратеници го киднапирале извештајот за домашни цели. На прес-конференцијата упати поумерени пораки.

-За да се прифати јазик и идентитет на една земја кандидатка, тоа треба да биде природно и непроблематично. Амандманите дојдоа од четири политички групи и мислам дека тоа не беше грешка. Преку демократски постапка се одлучи овој извештај да не се занимаваме со тоа и ова е демократски донесена одлука. , изјави Томас Вајц, известувач за Македонија во ЕП.

На денешното гласање, синоќа во истата сала му претходеше жестока дебата, исполнета со емотивен набој и анти македонски ставови од една и проевропски и умерени тонови од друга страна. Половина од 20-те говорници беа бугарски и грчки пратеници, кои не штедеа зборови да го релативизират или целосно оспорат постоењето на македонската нација.

-Сакам да му се обратам на македонското општество. Мицкоски не ви ја кажува вистината. Вметнувањето на Бугарите во сите релевантни делови од Уставот почитување на Договорот со Бугарија од 2017 и преговарачката рамка нема да ја нарушат вашиот идентитет., изјави Ивајло Валчев, еврпратеник од Бугарија.

-Во Македонија и Бугарија живее еден народ, кој живее еден јазик, бугарски. , изјави Станислав Стојанов, европратеник од Бугарија.

-Стигнавме до точка каде честа на вистинските Македонци во Грција е бранета од Бугарите чија реакција е коректна бидејќи знаат дека моменталниот јазик во Скопје е бугарски дијалект, а нивната националност е бугарска. , изјави Афродити Латинопули - Патриоти за Европа (Грција).

Македонскиот глас сепак одекна во Стразбур, преку словенечката европратеничка од македонското потекло, Ирена Јовева, која директно им се обрати на бугарските колеги.

-За да постои, на македонскиот народ не му треба ваша дозвола, но на вас, за да го признаете тоа, ви треба чесност, интегритет и храброст. , изјави Ирена Јовева, европратеничка од Словенија

Апсурурдноста на бугарската блокада сликовито се обиде да ја објасни и хрватски европратеник, кој направи паралела со некогашниот спор меѓу Загреб и Љубљана и словенечкото вето.

-Еве, комесарката Кос е од Словенија, јас сум од Хрватска. Мислам дека можеме да одиме на некој безалкохален пијалок и добро да се насмееме на таа ситуација. Она што изгледаше непремостливо, прашањето за границата, по неколку години стана целосно бесмислено. Да нема забуни, прашањето не се реши. Можеби комесарката Кос мисли дека линијата е на една страна од заливот, а јас на другата. , изјави Гордан Босанац, европратеник од Хрватска.

-Ги осудувам обидите да се понижи македонската нација. Колеги, ако вие велите Македонија е грчка, Македонија е бугарска, тоа не е веродостојно, ниту за мене, ниту на многумина други. Сакам да ве предупредам на ерупцијата од национализам. , вели Бранислав Ондруш, европратеник од Словачка.

Свое обраќање имаше и Кос, која повтори дека уставните измени се клучни за Македонија и дека земјата има историска можност да направи решавачки чекор кон ЕУ.

YouTube video

Тагови: ЕП

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Други спортови

Видео: Ислам Махачев е новиот UFC шампион – рекордот на Андерсон Силва е соборен

Русинот Ислам Махачев е новиот UFC шампион во велтер категорија, со триумфот во Филаделфија тој го собори и рекордот на легендарниот Андерсон Силва по бројот на последователни победи. 

Видео: Ислам Махачев е новиот UFC шампион – рекордот на Андерсон Силва е соборен

Во главната борба на настанот UFC 330 во Филаделфија, Махачев го совлада Ијан Мачадо Гери со едногласна одлука на судиите – 49-46, 49-46, 48-47.

Рускиот борец го наметна својот ритам уште од самиот почеток, користејќи рушења и контрола на партер за да ја неутрализира опасната ударна техника на Гери. Во втората рунда, тој го погоди со висок удар со нога во главата и го собори на подот.

Гери подоцна успеа да се врати во борбата, но Махачев го изведе клучниот потег за соборување во последната рунда и му ја зазеде грбната позиција на предизвикувачот. Со тоа практично си ја обезбеди победата, а подоцна и славеше со едногласна одлука на судиите.

Триумфот има и историско значење, бидејќи Махачев ја оствари својата 17-та последователна победа во УФЦ, надминувајќи го рекордот на Андерсон Силва. Русинот сега го држи рекордот за најдолга победничка низа во историјата на УФЦ, а со тоа и апсолутниот рекорд.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Американски носач на авиони се враќа дома. Екипажот се жалел на тешките услови

Централната команда на САД (CENTCOM) објави фотографии од носачот на авиони „УСС Џорџ Х.В. Буш“ во Арапското Море, со што се потврдува замената на екипажот на носачот „УСС Абрахам Линколн“ по неколкумесечни поплаки за тешките услови.

Американски носач на авиони се враќа дома. Екипажот се жалел на тешките услови

Централната команда на САД (CENTCOM) објави фотографии од носачот на авиони „УСС Џорџ Х.В. Буш“ во Арапското Море, со што се потврдува замената на екипажот на носачот „УСС Абрахам Линколн“ по неколкумесечни поплаки за тешките услови и продолженото времетраење на мисијата.

Претседателот Доналд Трамп најави дека „Линколн“ ќе биде повлечен од Блискиот Исток, пренесува „Анадолу“.

Одлуката за повлекување на бродот уследи по загриженоста изразена од семејствата на членовите на екипажот во врска со долгото време поминато на море, проблемите со снабдувањето и влошеното ментално здравје. „Бродот заминува, или ќе замине многу наскоро, и ќе биде заменет со друг, многу сличен брод“, изјави Трамп пред новинарите.

Според „Волстрит џурнал“, „Линколн“ бил во мисија повеќе од 250 дена и не впловил во ниту едно пристаниште во последните 200 дена.

Бродот ја започнал својата мисија во ноември, а во јануари бил пренасочен кон Блискиот Исток поради тензиите со Иран. Сенатор предупредува на проблеми Сенаторот Ричард Блументал исто така изрази загриженост за состојбата на бродот.

Во писмото упатено до секретарот за одбрана Пит Хегсет и вршителот на должноста секретар на морнарицата Хунг Цао, Блументал се повика на извештаи за низа сериозни проблеми.

Тој посочи на недостаток на основни потреби, контаминација на водата, дефекти во водоводните инсталации и влошување на менталното здравје на екипажот.

Тој, исто така, предупреди на безбедносни пропусти на бродот и месеци доцнење во испораката на поштата.

Како замена, USS George H.W. Bush (CVN-77), носач на авиони на нуклеарен погон од класата Нимиц. CENTCOM објави фотографии на кои се гледаат борбени авиони како полетуваат од неговата палуба во Арапското Море, каде што ќе обезбедат безбедносна поддршка на регионот.

Од друга страна, американската морнарица ги негираше извештаите за широко распространета криза со менталното здравје на бродот Lincoln. Во официјалното соопштение се наведува дека нема зголемување на самоубиствените мисли или обидите за самоубиство меѓу членовите на екипажот. Секретарот на морнарицата Хунг Цао потврди дека Lincoln наскоро ќе се врати дома како дел од планираната ротација.

Тагови: САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Полски автобус се преврте во Унгарија; 12 загинати

Дванаесет лица загинаа, а најмалку десет се повредени откако полски автобус се преврте во текот на ноќта на автопат во источна Унгарија. 

Полски автобус се преврте во Унгарија; 12 загинати

Унгарскиот премиер Петер Маѓар ја соопшти веста за несреќата во објава на Фејсбук утрово пренесува Ројтерс.

Рано утринава, автобус излета во канал и се преврте на автопатот М3, во близина на градот Мезехерестеш. Полицијата соопшти дека возилото се движело кон градот Њиреѓхаза. Државната новинска агенција МТИ известува дека во автобусот имало 57 патници и двајца возачи.

Истрага за причините Во соопштението, полицијата наведе дека автобусот излетал во канал и се превртел на дел од патот што бил прав.

„Првичните информации укажуваат на тоа дека возачот веројатно заспал“, се наведува на веб-страницата на полицијата. Потврдено е дека возачот на автобусот е приведен, а сите повредени се пренесени во болница.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер