Свет

Израелски полицаец е казнет за убиство на аутистичен Палестинец

Израелски полицаец е обвинет за убиство на аутистичен Палестинец во Ерусалим пред една година, соопшти денеска Министерството за правда, во инцидент што предизвика протести и осуда во јавноста.

Израелското обвинителство денеска обвини граничен полицаец за несовесно убиство во смртоносното пукање на аутистичен Палестинец во Стариот град во Ерусалим минатата година, објави Ројтерс.

Обвинението е донесено по нешто повеќе од една година по убиството на Ејад Халак. Семејството на Халак претходно ја критикувало истрагата на израелските власти за неговото убиство и повика на построго обвинение.

Семејството на убиениот аутистичен Палестинец не е оптимист во врска со истрагата за убиството од израелската полиција. Палестинците го осудуваат „погубувањето“ на младите од страна на израелските сили.

Полицаецот, кој останува неидентификуван во обвинението поднесено до Ерусалимскиот окружен суд, е обвинет за несовесно убиство, а доколку биде осуден може да се казни и со 12 години затвор.

Халак, 32, бил смртно застрелан веднаш пред портата на Лавот во Стариот град на 30 мај 2020 година, додека одел кон институција за специјални потреби во која членувал. Командирот на офицерот, кој исто така бил присутен за време на инцидентот, не бил обвинет.

Областа е често место на судири меѓу Палестинците и израелските безбедносни сили, а тесните улички на Стариот град се опремени со стотици безбедносни камери кои ги следи полицијата.

Други спортови

Усик стана првиот апсолутен светски шампион во тешка категорија во 21 век

Украинскиот боксер Олександар Усик го победи Британецот Тајсон Фјури во главната борба на боксерската вечер во Ријад и ја освои титулата апсолутен светски шампион во тешка категорија. 

Борбата траеше сите 12 рунди. Судиите со поделена одлука му ја доделија победата на Украинецот - 115:112, 113:114, 114:113.

Триесет и седумгодишниот Усик стана првиот неприкосновен светски шампион во тешка категорија по Ленокс Луис (41-2) во 2000 година и прв во ерата со четири појаси.

Претходно, во ерата на три појаси, само Ивандер Холифилд (44-10) беше апсолутен светски шампион во тешка категорија.

Сега украинскиот боксер има шест појаси: четири големи: ВБА (Супер), ВБЦ, ИБФ, ВБО и два помали: ИБО и Ринг.

За 35-годишниот Фјури ова беше прв пораз во кариерата. Пред оваа борба тој забележа 34 победи и една борба со негово учество заврши нерешено.

Усик сега има 22 победи во 22 борби./МИА

Свет

ИДФ ги повика Палестинците да ги евакуираат крајбрежните населби во северниот дел на Газа

Израелската армија ги повика Палестинците во крајбрежните населби во северниот дел на Газа да ја евакуираат областа додека ја продолжува операцијата во Џабалија.

Портпаролот на Израелските безбедносни сили (ИДФ) на арапски јазик, Авичај Адри, објави список на нови зони што треба да се евакуираат, а на палестинските цивили им беше кажано да се преселат во засолништа западно од градот Газа, пишува „Tајмс оф Израел“.

Минатиот викенд, ИДФ издаде предупредување за евакуација на градот Џабалија, пред да биде извршен нападот.

Оттогаш, армијата двапати ја прошири зоната за евакуација, а најновата најава ги вклучува областите Ал-Ататра и Ал-Карам во Појасот Газа. /МИА

Свет

Протест на британските плажи поради загадување на водата

Илјадници луѓе ширум Велика Британија се собраа вчера на плажите, реките и езерата за да побараат промени на нивоата на загаденост на водата во земјата.

Демонстрантите се собраа во областите за капење од Западниот Пјер во Брајтон до плажата Гилингвасе во Фалмут по извештаите дека милиони литри вода од канализација биле испумпани во Виндермер во областа Лејк за повеќе од 10 часа во февруари.

Ситуацијата од опозициските политичари беше окарактеризирана како „скандалозна“, додека Лондон рече дека ситуацијата е „целосно неприфатлива“ и дека Агенцијата за животна средина има овластување да покрене кривично гонење.

Испумпувањето се случило во пумпната станица на компанијата во Бонс-он-Виндермер, Камбрија, ноќта на 28 февруари, пишува „Индипендент“.

Пумпите за итни случаи испуштија повеќе од 10 милиони литри вода од канализација во местото на светското наследство на УНЕСКО, откако главните пумпи беа нагло прекинати поради дефект на телекомуникациите. /МИА

притисни ентер