Израел ги проширува операциите во централна Газа - Канал 5

Свет

Израел ги проширува операциите во централна Газа

Израелската армија ги проширува своите операции во градот Деир ал-Балах во центарот на Појасот Газа, според изјавата на портпаролот на армијата, кој денеска ги повика жителите да ја напуштат областа во објава на „X“.

Израел ги проширува операциите во централна Газа

Израелските одбранбени сили (ИДФ) продолжуваат „интензивно да работат за елиминирање на терористите и демонтирање на терористичката инфраструктура во областа и ги прошируваат своите активности во нови области, се вели во соопштението на армијата. „За ваша безбедност, веднаш евакуирајте се на југ кон Ал-Маваси“, се додава.

Ал-Маваси на југозапад од завојуваната област беше означен од Израел како „хуманитарна зона“ за време на војната во Газа. Сепак, во минатото израелската војска нападна таму повеќе пати. Армијата соопшти дека меѓу целите биле објекти на палестинската исламистичка организација Хамас.

Семејствата на заложниците што сè уште ги држи Хамас во Газа одговорија на соопштението на армијата со загриженост и разочарување. „Може ли некој да ни вети дека оваа одлука нема да доведе до губење на нашите најблиски?“ се вели во соопштението од Форумот на семејства на заложници.

Огромното мнозинство Израелци посакуваат крај на војната и договор што ќе овозможи ослободување на киднапираните, се вели во извештајот.

Ова се првите копнени операции во областа од почетокот на војната во Газа, според весникот „Тајмс оф Израел“. Војската претходно не била распоредена таму.

Израелската армија избегнува копнени операции во областите на Појасот Газа каде што се сомнева дека можеби се држат заложници, за да не ги загрози луѓето киднапирани од Израел, се вели во извештајот.

Најмалку шест Палестинци се убиени во израелските напади во градот Газа и северниот дел од енклавата од раните утрински часови. Палестински извори изјавија дека израелската армија, исто така, спроведува операции за уривање на бројни цивилни домови во населбата Шуџаје, источно од градот Газа.

Израелските сили вчера убија најмалку 116 Палестинци низ Појасот Газа, вклучувајќи 38 лица кои се обидуваа да добијат оброци со храна.

Уште двајца Палестинци, меѓу кои и еднонеделно бебе, починаа од глад, според палестински медицински извори, додека Обединетите нации предупредија дека илјадници луѓе во Газа се на „работ на катастрофален глад“.

Тагови: Газа Израел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Селекторот на Португалија: Ако Роналдо сака да се врати, ќе се врати

Селекторот на португалската репрезентација, Жорже Жезус, изјави дека Кристијано Роналдо може да се врати во националниот тим доколку одлучи да го стори тоа.

Селекторот на Португалија: Ако Роналдо сака да се врати, ќе се врати

41 годишниот Роналдо кој со децении беше капитен на Португалија, го напушти репрезентативниот камп за време на Лигата на нациите, откако натпреварот против Норвешка го мина на клупата за резерви и потоа дозна дека нема да биде во почетниот состав ниту против Данска.

Напаѓачот на Ал-Наср има одиграно 234 натпревари и постигнато 146 гола за Португалија – што претставуваат светски рекорди во двете категории.

По напуштањето на кампот, тој на социјалните мрежи напиша: „Кога ќе дојде време, ќе им ја кажам на Португалците целата вистина за причините поради кои ја напуштив репрезентацијата, на која отсекогаш сум ѝ бил целосно посветен“.

Селекторот Жезус зборуваше за ситуацијата со Кристијано на пресот по синоќешниот натпревар против Норвешка, во кој Португалија обезбеди пласман во четвртфиналето на Лигата на нации.

„Ако сака да се врати во репрезентацијата, ќе се врати“, рече Жезус, кој исто така му беше тренер на Роналдо во Ал-Наср.

„Можеме да разговараме пред следниот повик, но Крис е тој што ја носи одлуката. Кристијано треба да ја заврши својата репрезентативна кариера под свои услови; тој е тој што ќе одлучи како ќе замине“, изјави селекторот.

Жезус се потсети и на нивниот претходен договор. „Кога го објавив првиот состав, му реков: 'Ми требаш; те сакам покрај себе, без разлика дали играш или не'. И истото му го кажувам и сега.“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Крвава забава во САД: Има загинати; испукани најмалку 50 куршуми

 Две лица загинале, а 35 се повредени откако дојде до пукање на улична забава во американската сојузна држава Џорџија, соопштија денеска локалните власти. 

Видео: Крвава забава во САД: Има загинати; испукани најмалку 50 куршуми

Дваесет и петмина од повредените се пренесени во болница, објави „Си-би-ес њуз“ (CBS News).

Пукањето се случило во раните утрински часови во градот Вајена, а замениците на шерифот слушнаа истрели околу 1:25 часот по локално време додека патролираа низ областа.

Од Бирото за истраги на Џорџија соопштија дека, кога полицајците пристигнале на местото на настанот, затекнале повеќе лица кои биле застрелани.

Две лица кои се здобиле со смртоносни повреди биле пронајдени на неколку блока од местото каде што, според истражителите, започнало пукањето.

Шерифот на округот Дули, Крег Пиви, изјави дека повеќе од 1.000 луѓе се собрале на улицата Пајн за да ја прослават годишнината од собирот на поранешни ученици и локални жители, при што биле испукани најмалку 50 истрели на две различни локации. Надлежните не објавија информации за можен осомничен или за евентуален мотив за пукањето, ниту пак јавно ги идентификуваа загинатите и повредените.

Тагови: САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Јеменската влада започнува голема воена кампања за повторно освојување на сите области во земјата контролирани од Хутите

Јеменската влада, поддржана од Саудиска Арабија и меѓународно призната, соопшти дека започнува голема воена кампања за повторно освојување на сите области во земјата контролирани од Хутите, поддржани од Иран.

Јеменската влада започнува голема воена кампања за повторно освојување на сите области во земјата контролирани од Хутите

Вооружените сили на владата ќе продолжат со офанзивата „сè додека земјата не се ослободи од стисокот на терористичката милиција“, изјави јеменскиот претседател Рашад Ал-Алими во телевизиско обраќање.

Портпарол на војската подоцна ги повика Хутите да го положат оружјето.

Хутите, го држат главниот град на Јемен, Сана, и огромни делови од северозападот, каде што живее поголемиот дел од населението, од 2014 година. Тие досега издржаа серија напади во текот на годините од страна на Саудиска Арабија, Емиратите и нивните западни сојузници, и го осовременија своето оружје со помош на Иран.

Движењето минатиот месец започна изненадувачка офанзива со која го освои стратешкиот теснец Баб Ел-Мандеб,на Црвеното море за само неколку недели, давајќи им на Хутите нова предност над меѓународната поморска рута.Тој напредок, исто така, отвори нов фронт во пошироката американско-израелска војна започната во февруари против Иран кои вклучуваа задушување на транспортот на нафта низ Ормутскиот теснец.,

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер