Според власта, новите законски решенија превенираат висока корупција, ја зајакнуваат надлежноста на ОЈО ГОКК и се во согласност со забелешките на ЕК, додека пак за опозицијата новите одредби всушност ги намалуваат казните и амнестираат од одговорност.

-Со овој закон се исправува една сериозна неправда направена со измените на Кривичниот законик од септември 2023 година, донесени од претходната власт, со кои беа ублажени казните за корупција, беа избришани клучни одредби за злоупотреби во јавните набавки и беа создадени услови за застарување на предмети од висок профил,- - Миле Лефков, пратеник од ВМРО-ДПМНЕ.

Пратеничката Јована Мојсоска од Левица, законските измени ги нарече шминкерско решение наместо ригорозни санкции за криминал и корупција од високи функционери, додека лидерот на СДСМ, Венко Филипче е на ставот дека со нив актуелни функционери би избегнале одговорност.

-Ова е обид да се прикаже нешто како реформски закон, а на мала врата се дозволуваат амнестии на актуелни функционери,- -Венко Филипче, претседател на СДСМ.

-Со ваквото законско решение ние најпрво имаме намалување на казните за злоупотреба на службата како и во делата за злоупотреба на јавни набавки. Второ, се декриминализираат голем дел од делата при злоупотреба на јавни набавки. Сега, за злоупотреба на службена должност, максималната затворска казна е 8 години што во превод значи дека ќе имаме застарување на милионските криминали на функционерите за 16 години. За прв пат воведуваме условна казна за злоупотреба на с.д,- -Јована Мојсоска пратеничка од Левица.

Според доставеното образложение во Собранието, измените се направени согласно негативните забелешки на ЕК за борбата против корупцијата како и решението на Уставниот суд да се ревидираат слабостите создадени од претходните измени од 2023та кои предизвикаа застарување на голем број предмети од областа на високата корупција и го намалија опсегот на дејствија вброени во злоупотреба на службената положба и несовесно работење во службата. Во новите законски измени се воведува и службено гонење на семејно насилство како и ново кривично дело за заштита од родовото насилство. Освен тоа се направи и доусогласување со законите потребни за функционирање на Сејф сити. Во меѓувреме целосно новиот Кривичен законик се уште е во подготовка во Министерството за правда и нема информации кога би бил финализиран.

-Злоупотреба на службената положба и овластување

Затвор од 6 месеци до 3 години : пречекорување на службените овластувања и неизвршување на службената должност со намера да се прибави за себе или за друг некаква имотна корист

Затвор од 1 до 5 години: незаконско зголемување на имотот на службено лице

Затвор од 1 до 4 години: незаконско прибавување на поголема имотна корист

Затвор од 1 до 5 години: незаконско прибавување на значителна имотна корист

-Несовесно работење во службата

Затвор од 3 месеци до 3 години: несовесно постапување во вршењето на своите службени овластувања и должности

Затвор од 6 месеци до 5 години: значителна имотна корист или значителна штета како резултат на несовесно работење

Затвор од 6 месеци до 3 години и парична казна: незаконско прибавување на некаква корист како резултат на повреда на законските прописи за спроведување на управна постапка, пропуштање на должен надзор

Затвор од 6 месеци до 2 години и парична казна: за дела од небрежност

а според неа, комплетно новиот КЗ 7 години се чува во фиока, без намера воопшто да биде донесен.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.