Изложба за балканскиот рис од 6 до 21 ноември во Тетово - Канал 5

Култура

Изложба за балканскиот рис од 6 до 21 ноември во Тетово

Во просториите на Националниот парк Шар Планина во Тетово синоќа беше отворена изложба на фотографии на балканскиот рис дел од Патувачката изложба што ја организира Македонското еколошко друштво .

Изложба за балканскиот рис од 6 до 21 ноември во Тетово

Во просториите на Националниот парк Шар Планина во Тетово синоќа беше отворена изложба на фотографии на балканскиот рис дел од Патувачката изложба што ја организира Македонското еколошко друштво во рамки на „Програмата за закрепнување на балканскиот рис“. Изложени се 21 фотографија која жителите на Тетово ќе може да ги погледнат до 21 ноември.

-Се работи за 21 фотографија, претежно снимени со методот на фотозамки во текот на 18 години работа со оваа метода. Ги селектиравме најдобрите слики од стотици слики кои што ги имаме од рисот досега. Изложбата започна во националниот парк Маврово па понатака беше на Пелистер па на Галичица и од охридската и од ресенска страна и еве сега е тука во Тетово. Ќе биде изложена тука до 21.11 за сите посетители ќе може да ја посетат изложбата, изјави Диме Меловски од Македонско еколошко друштво.

Рисот е забележан и на Шар Планина. За тоа сведочи една од фотографиите која е направена наподрачјето на Националниот парк во текот на 2024 година.

-Подрачјето на национален парк Шар Планина е едно од потенцијалните подрачја каде што може да се најде балканскиот рис. Ова подрачје е мапирано од Македонското еколошко друштво и од нивната долгогодишна работа на терен. Минатата година нашата ренџерска служба успеа да го лоцира на трап камерите, првпат да го евидентира и да го докаже, на една локација, тоа е локацијата во Долна Лешница. Горди сме на таа работа. Продолживме и оваа година. Меѓутоа, за жал оваа година не успеавме да го фатиме на камера. Успеавме да најдеме измет и отпечатоци, значи траги од него, стапалки, изјави Анела Ставревска Панајотова - Раководител на одделение за заштита на природата во ЈУ Национален парк Шар Планина.

Патувачката изложба со фотографии на балканскиот рис на 22 ноември ќе биде и на планината Козјак близу Скопје со цел да биде претставена на заштитеното подрачје Јасен. Со тоа ќе се заокружи изложувањето на фотографиите во сите заштитени подрачја, од МЕД планираат и изложба во главниот град.

Тагови: рис

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хорор на градилиште во Брисел: Безживотни тела пронајдени во лифт

Неколку лица загинаа во пожар на градилиште во Брисел денес, додека потрагата по уште шест исчезнати е во тек, соопштија локалните власти.

Хорор на градилиште во Брисел: Безживотни тела пронајдени во лифт

Телевизијата „VRT“ објави дека повеќето од приближно 200 работници биле евакуирани откако избувнал пожарот.

Портпаролот на локалниот инспекторат за труд изјави дека голем број тела се пронајдени во еден од двата лифтови на голем проект за реновирање на „Place de Brouckere“, каде што пожарот избувна рано утрово.

Сепак, тој не прецизираше за колку тела станува збор.

Тој додаде дека сè уште не е јасно дали телата на исчезнатите работници се пронајдени.

Тагови: Брисел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Падна Владата на Украина

Украинскиот парламент, Врховната рада, денес ја прифати оставката на премиерката Јулија Свириденко.

Падна Владата на Украина

Целата украинска влада со тоа автоматски поднесе оставка заедно со премиерката, а 258 пратеници гласаа за нејзино усвојување, објавува Укринформ.

Свириденко претходно им се заблагодари на пратениците во своето обраќање пред парламентот за нивната заедничка работа во текот на целата година и на украинскиот претседател Володимир Зеленски за довербата што ѝ ја покажаа, објавува агенцијата.

Претседателот на украинскиот парламент, Руслан Стефанчук, вчера објави на Фејсбук дека оставката на премиерката Јулија Свириденко стигнала до украинскиот парламент.

„Благодарен сум на Јулија Анатолиевна за нејзината работа на чело на владата во исклучително тежок период за земјата, нејзиниот придонес во зајакнувањето на економијата, поддршката на граѓаните и напредокот на нашата земја на патот кон Европската унија. Ѝ посакувам успех во понатамошната работа“, додаде претседателот на украинскиот парламент.

Зеленски претходно најави реорганизација на Кабинетот на министри како дел од спроведувањето на нова политичка стратегија и промената на раководителите на безбедносните и судските институции.

На 17 јули 2025 година, Врховната Рада го поддржа назначувањето на Јулија Свириденко за премиер на Украина.

Според извори на „Укринформ“, гласањето во парламентот за назначување на нова влада се очекува да се одржи на 16 јули.

Дотогаш, првиот заменик-премиер, поранешниот премиер Денис Шмигал, привремено ќе ја извршува функцијата шеф на владата.

Фото: ВИ

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: Падна монтираниот случај за политички прогон против ВМРО-ДПМНЕ

 Падна монтираниот случај за политички прогон против ВМРО-ДПМНЕ, фактите се непријатни за СДС, а бегањето од сопствената одговорност преку политичка пропаганда не е политика, туку лицемерие.

Петрушевски: Падна монтираниот случај за политички прогон против ВМРО-ДПМНЕ

Падна монтираниот случај за политички прогон против ВМРО-ДПМНЕ!

Колку и да се обидува СДС да ја префрли вината, фактите не можат да ги избришат.

Факт е дека предметот го отвори нивното криминално СЈО, како дел од тогашниот политички прогон против ВМРО-ДПМНЕ, со цел промена на името. Дополнително, факт што свесно го избегнуваат, а кој денес судот јасно го образложи, е дека пресудата е последица на измените на Кривичниот законик од 2023 година, кои СДС ги предложи и ги изгласа.

Јавноста добро памети и како тогаш беа донесени тие измени на Кривичниот законик, со силни сомнежи дека се дел од пошироки политички договори и трговија со влијание, со цел уставни измени за внесување на Бугарите во Уставот.

Затоа, наместо да измислуваат приказни за „судство под контрола“, најпрвин нека се погледнат во огледало, а потоа нека одговорат јавно: кој и за какви цели преку тогашното СЈО го нарача политичкиот прогон против ВМРО-ДПМНЕ и зошто ги донесоа измените на Кривичниот законик во 2023 година?

Фактите се непријатни за СДС! А бегањето од сопствената одговорност преку политичка пропаганда не е политика, туку лицемерие.

Бране Петрушевски

ВМРО-ДПМНЕ

Тагови: Бране Петрушевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер