Култура

Изложба на сликарот Кашавелски во Кина

Академскиот сликар, Синиша Кашавелски од Куманово, за време на својот едномесечен престој во Кина имаше можност со свои ликовни дела да се претстави пред публиката во Кина во престижен изложбен простор „798 Арт Зоне во Пекинг“.

Изложбата е реализирана како проект на Министерството за Култура на Република Кина во соработка со светски познатиот куратор Кси Донг Ченг. Делата на Кашавелски во Пекинг ќе бидат изложени до крајот на февруари. Паралелно со оваа изложба, Кашавелски ги презентираше своите дела на интернационалната изложба во Хуангченг и на саемот за уметност во Шангај.

- Учествував на три престижни ликовни настани во Кина за време на едномесечниот престој во октомври. Првин на Интернационалната групна изложба во Хуанченг. Паралелно, моите дела беа презентирани во Шангај на саемот на уметнички дела „Арто 21“ („Аrto21 Сhanghai Contemporary Art Fair") за да на крајот се претставам во ексклузивниот уметнички кварт „798“ („798 Art District“) во Пекинг“, изјави академискиот сликар.

Тој додава дека како претставник на земјите од Источна и Централна Европа изложувал и во просторот за современа уметност „Хин Донг Ченг“ („Хin dong cheng space for contemporary art") .Овој простор се смета за елитен изложбен постор во светски рамки, а неговиот сопственик Хин Донг Ченг е познат куратор и колекционер, кој истовремено работи и консалтинг услуги за кинеското Министерство за култура.

„798“ уметничката зона во Пекинг, каде еден од основачите е токму господинот Ченг, во моментов е најатрактивниот изложбен простор во Кина и предизвик за излагање за многу уметници од светот. Лично сум изненаден од одличниот прием и интересот што го предизвикаа неколкуте нови слики од циклусот „Богатството на таинствениот“, посочува Кашавелски.

Познатиот академски сликар од Куманово, идната година ќе учествува на арт саемите за уметноста во Токио и Хонг Конг, кои се мошне популарни настани во земјите од Далечниот Исток.

Во ноември и декември, академскиот сликар ќе изложува дела во Париз, каде како член на Друштвото на ликовните уметници на Франција ќе учествува на групна изложба во Лувр, а подоцна и на есенскиот салон во Павиљон на Елисејските полиња и на Зимскиот салон во Гранд Пале. Есенва, Kашавелски доби две меѓународни награди од биеналето во Мантова Италија, каде ја доби наградата „Андера Мантења“ (Interantional Prize Andrea Mantegna“) и „Киц награда“ ("Kitz Award") од Тирол, Австрија.

Фудбал

Медиуми: Барса ќе го отпушти Чави ако сезоната во Примера не ја заврши на втората позиција

Барселона би можела да го отпушти тренерот Чави Ернандес по завршување на сезоната, пренесува денеска весникот АС.

Според истиот извор, тоа ќе се случи доколку тимот заврши под второто место во тековната сезона во Ла Лига.

По 34 одиграни кола, каталонскиот клуб е третопласиран на табелата со 73 бодови, бод помалку од второпласираната Жирона. На 4 мај Барселона загуби од Жирона (2:4) на гостински терен, а Реал Мадрид веќе ја обезбеди шампионската титула.

Чави во јануари објави дека ќе ја напушти Барселона на крајот од актуелната сезона, но минатиот месец 44-годишниот стратег рече дека се предомислил и ќе продолжи да работи во клубот.

Македонија

Пендаровски:Не постои таков хибрид,почитувам Преспанскиот договор,Северна нема да употребувам

„Вие имате пратеници што заговараа промена на име, со две додавки, со две загради, го знаеме тоа од снимнките, па зошто не го решиле?“

Невозможно е да кажете дека како легалист ќе го почитувате Преспанскиот договор, а Северна нема да употребувате. Може да го направите тоа по дома, со друштво, но како претседател не смеете да не го употребувате уставното име на државата. Овде, на МАНУ, на факултет како претседател мора го употребувате уставното име. Не постои таков хибрид, го почитувам Преспанскиот договор, Северна никогаш нема да употребам. Постоеше безбедносен апсект за влез во НАТО, а по руската агресија се виде дека сме биле во право. Вие имате пратеници што заговараа промена на име, со две додавки, со две загради, го знаеме тоа од снимнките, па зошто не го решиле? Мислам не би требало да ви вадам слики на лидери кои стојат позади вас на бина кои се сликани со тој нарко-барон и се сликани со неговите пријатели и не стојат, не се на поминување туку тераат гозби во кафеана. Вашето опкружување и човекот што ве предложи седи, тера ќеифови, со тој. Сликите не се измислени, туку се доказ. Фета Алими му го спаси животот на Зијадин Села, практично ја одби наредбата на својот претпоставен кој му наредил да остави што ќе сакаат насилниците тоа да прават. Не само што му помогнал и го однел во болница, но во текот на тој чин и се вмешал велејќи „немојте понатаму“, а никој друг од таа група не го стоил тоа. Најважно е да се каже дека судот го докажа случајот за 27 април дека е организиран чин од владејачката партија да не ја препушти власта на партијата која доби доверба од граѓаните.

рече

Свет

Хамас: Предлогот за прекин на огнот во три фази, Бајден посветен на спроведување на договорот

Според предлогот, секоја од трите фази би траела 42 дена: примирјето би започнало во првата фаза, што ќе вклучи повлекување на израелските сили од коридорот Нецарим, кој Израел го користи за да го подели Појасот Газа на северен и јужен дел.

Египетско-катарскиот предлог за прекин на огнот во Појасот Газа со кој се согласи палестинската милитантна група Хамас вклучува три фази, од кои едната е постојан прекин на огнот, рече заменик-лидерот на Хамас, Калил Ал Хаија, додавајќи дека посредниците пренеле дека американскиот претседател Џозеф Бајден е лично посветен на спроведувањето на договорот за прекин на огнот, пренесува Ал Џезира.

Според предлогот, секоја од трите фази би траела 42 дена: примирјето би започнало во првата фаза, што ќе вклучи повлекување на израелските сили од коридорот Нецарим, кој Израел го користи за да го подели Појасот Газа на северен и јужен дел.

За време на првата фаза, раселените Палестинци ќе се вратат во своите домови, ќе им биде дозволена испорака на помош, гориво и материјали за помош на цивилите, а за секоја заложничка која би ја ослободил Хамас, Израел да ослободи 50 палестински затвореници.

притисни ентер