Првото појавување во судот типично е од процедурален тип. Му се читало обвинението, утврден е износот на кауција и се одредил датумот за ново рочиште.

На Чавин му беше изречена нова кауција. Имено, судијата Џенис Рединг ја зголеми безусловната кауција од претходните милиони долари на 1,25 милиони долари. Другата, со условна кауција, е зголемена од 700.000 долари на 1 милион долари.

Условната кауција подразбира појавување на рочишта во иднина, не кршење на законот, забрана за работа во безбедносна компанија или како полицаец, предавање на оружјето и муницијата за кое имал дозвола, не заминување од Минесота и немање контакт со семејството на Џорџ Флојд. Исто така, условите вклучуваат откажување од екстрадиција доколку се случи тој да ја напушти сојузната држава Минесота и дека друга држава мора да го екстрадира поради кривична постапка.

Чавин не бил таму физички заради мерките за заштита од коронавирус, но тоа е направено преку видео-врска. Во лисици на рацете и во портокалова облека, Чавин се појави пред судијата Џенис Рединг, пренесува „Трибјун стар“.

Обвинителот Метју Френк истакна дека сериозноста на обвинението на Чавин, како и јачината на јавното мислење против него, го прави ризично за бегство.

Чавин и неговиот адвокат Ерик Нелсон не сведочеа во ова кратко сослушување од 15 минути. Тој е обвинет минатиот месец за убиство со предумисла, но и за убиство од немарност.

Во американскиот правен систем, некое лице може да се гони по неколку точки, од најтешката опција, убиство со предумисла во овој случај, до убиство од немарност, што е најлесно за овој случај. Ако судот и поротата не го осудат лицето по првото обвинение, сепак може да го обвинат по второто.

Останатите тројца полицајци вклучени во смртта на Флојд - Томас Лејн, Џ. Александар Куенг и Ту Тао - се обвинети за помагање и поттикнување во убиство од втор и трет степен.