Пред помалку од два месеци реисот Сулејман Реџепи рече дека молитви во џамиите нема да има поради пандемијата, но сега од ИВЗ велат дека има подобрување на здравствената состојба во земјава и затоа им дозволуваат на верниците да ги исполнуваат колективните религиозни обичаи. За ова побараа разбирање од државните институции.
-ИВЗ уште од првите денови на пандемијата на КОВИД-19 се грижи да го заштити здравјето на граѓаните и ги прифати препораките и сугестиите на државните здравствени институции и базирано на исламските принципи, одлучи да ги суспендира колективните молитви во џамиите. ИВЗ беше единствената религиозна институција во земјава која јавно ги повика своите верници да ги следат препораките за заштита на јавното здравје.-ИВЗ
Пред еден месец реисот Сулејман Реџепинајави дека ќе се случи вакво сценарио доколку не добие од Владата финансиска помош за вработените во ИВЗ, и дека со повлекување на забраната за посета на џамиите - земјава може да стане Бангладеш. Но, од ИВЗ велат дека најновата одлука е донесена според проценките за состојбата со вирусот.
Министерот Венко Филипче денес разговарал со верските поглавари од кои побарал да ја почитуваат забраната за собири и ги вели дека секое прекршување независно од која институција доаѓа, треба да биде санкционирано.
Од Македонската православна црква,за Канал 5 велат дека засега не размислуваат за отворање на вратите на храмовите, бидејќи се уште постои опасноста од корона вирусот и препораките од стручните лица треба строго да се почитуваат.
v