Тенис

Ивановски со пад од четири позиции на АТП ранг-листата, Ѓорческа напредуваше три места на ВТА

Ивановски со пад од четири позиции на АТП ранг-листата, Ѓорческа напредуваше три места на ВТА рангирањето.

Најдобриот македонски тенисер, Калин Ивановски има пад од четири места на најновата АТП ранг-листа објавена денес. Со 145 поени Ивановски се наоѓа на 345. место.

Од другите македонски тенисери кои имаат пласман на АТП листата, Горазд Србљак е рангиран на 1069. место со 10 поени, додека Обрад Марковски е на 1609. место со два поена.

На ВТА рангирањето, најдобра Македонка е Лина Ѓорческа која има скок од три места и сега е 239. со 312 поени.

Напредок од пет места има и Магдалена Стоилковска, таа со девет поени се наоѓа на 1211. место.

Регион

Камион натоварен со јаглен направи хаос во село во БиХ- урнати бандери, огради, куќи (ВИДЕО)

Невообичаена сообраќајна несреќа се случи денеска во Масловаре кај Котор Варош во БиХ, кога камион натоварен со јаглен изгубил контрола и оштетил делови од дворови на неколку куќи.

Како што може да се види на снимките, урнати се огради во неколку дворови, во еден од нив настрешница, а срушена е и бандера, што им направи дополнителни проблеми на мештаните, објави Независне.

Според локалните жители, се чини дека камионот превезувал руда од локалниот рудник, кој бил затворен со години, но неодамна повторно започнал со работа.

Во оваа несреќа за среќа нема повредени, а полицијата извршила истрага за утврдување на околностите на несреќата.

Македонија

Министерот Минчев со честитка по повод Богојавление – Водици

Во мое лично име и во име на Министерството за јавна администрација, дозволете ми да Ви го честитам големиот христијански празник Богојавление – Водици.

Овој празник нè потсетува на значењето на верата, единството и љубовта меѓу луѓето.

Нека Богојавление донесе мир, здравје и благосостојба во Вашите домови.

Нека овој ден биде поттик за заедништво и зацврстување на врските во нашите заедници.

Со најискрени желби за радост и благосостојба,

Горан Минчев

Министер за јавна администрација

Свет

Украина собори 43 руски дронови во девет нејзини региони, соопшти военото воздухопловство

Украинската воздушна одбрана собори 43 од вкупно 61 дрон лансирани од Русија за време на синоќешните напади насочени кон девет региони на Украина, соопшти украинското воздухопловство.

Воздухопловните сили известија дека 15 беспилотни летала се „изгубени“. Властите засега не пријавиле значителна штета или жртви.