Италијанска вечер на „Охридско лето“ - Канал 5

Култура

Италијанска вечер на „Охридско лето“

Со концерт на сопранот Дариа Масиеро и пијанистот Андреа Кампора вечер во црквата „Света Софија“ ќе се одржи традиционалната Италијанска вечер на фестивалот „Охридско лето“.

Италијанска вечер на „Охридско лето“

Дариа Масиеро е една од најзнaчајните вокални уметници во Италија. Настапувала со некои од најголемите оперски имиња на денешницата, како и на најпрестижните оперски сцени и на реномирани оперски фестивали. Масиеро, како што соопшти националната установа „Охридско лето“ настапува во водечките сопрански ролји на италијанскиот репертоар како Елизабета во „Дон Карлос“ во Миланската „Скала“ и на фестивалот во Салцбург, таа е Лејди Магбет во „Магбет“ и Лиу „во Турандот“ театарот „Петруцели“ во Бари, Манон Леско во Уметничкиот центар во Сеул, Амелија во „Бал под маски“ во Павиа….

Концертниот репертоар на Дариа Масиеро ги вклучува солистичките сопрански партии во „Сон на летната ноќ“ на Менделсон, „Реквиемот“ од Верди, „Стабат Матер“ од Росини и многу други кои ги изведува низ концертните сали ширум светот.

Андреа Кампора почнал да учи пијано на шестгодишна возраст, завршувајќи ги студиите на конзерваториумот „Н. Паганини“ во Џенова во 1993 година. Истовремено учел композиција, и студиите по композиција ги завршил во класата на Гилберто Боско на конзерваториумот „Џ. Верди“ во Торино во 1999 година, дипломирајќи и оркестарско диригирање на истиот конзерваториум следната, 2000 година. Паралелно со музичките студии, од 1994 година Кампора студира и математика на Универзитетот во Пиемонте, каде дипломира со почести во 2000 година.

По завршувањето на сите студии, успешно ги комбинирал кариерите како композитор, пијанист и професор. Како пијанист, честопати соработува со разни ансамбли во изведбата на камерна музика, но е признат како пијано-придружба на оперски пејачи. Оваа одлика му носи работа како пијанист и соработник во операта во Савона, а подоцна и во театарот во Торино каде еден период е асистент хор-мајстор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и многу топло со мала до умерена облачност

Времето утре ќе биде сончево и многу топло со мала до умерена облачност.

Утре сончево и многу топло со мала до умерена облачност

Ќе дува слаб до умерен, а наместа повремено засилен ветер од северен правец.

Во Скопје, сончево и многу топло со мала до умерена облачност. Ќе дува слаб до умерен, а во делови од котлината повремено засилен ветер од северен правец.

Во четврток и во петок попладне ќе биде нестабилно со пороен дожд, грмежи и засилен ветер. Локално ќе има услови за невреме со пообилен пороен дожд за кратко време, силен ветер и наместа појава на град. Температурата ќе опадне за неколку степени. Во деновите од викендот и почетокот на новата седмица времето ќе биде стабилно, а дневната температурата ќе биде во постепен пораст.

УХМР

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МВР и Фондот за здравствено осигурување: Надминат проблемот со здравственото осигурување на вработените

Министерството за внатрешни работи и Фондот за здравствено осигурување информираат дека проблемот со здравственото осигурување на вработените во МВР е надминат и дека тие повторно можат непречено да ги користат здравствените услуги.

МВР и Фондот за здравствено осигурување: Надминат проблемот со здравственото осигурување на вработените

Во текот на денот, двете институции беа во континуирана координација и, во соработка со Управата за јавни приходи, ги презедоа потребните активности за утврдување и отстранување на причините што доведоа до привремен прекин во остварувањето на правата од здравственото осигурување.

По преземените активности, состојбата е нормализирана и овозможено е непречено користење на правата од здравственото осигурување за вработените во Министерството за внатрешни работи.

МВР и Фондот за здравствено осигурување ќе продолжат со координирани активности за изнаоѓање системско решение кое ќе овозможи во иднина непречено функционирање на здравственото осигурување и навремено остварување на правата од здравственото осигурување за сите вработени.

Тагови: мвр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Андраш Бака, судијата што му се спротивстави на Орбан е нов претседател на Унгарија

Унгарскиот парламент попладнево го избра поранешниот претседател на Врховниот суд, Андраш Бакa, за нов претседател на земјата..

Андраш Бака, судијата што му се спротивстави на Орбан е нов претседател на Унгарија

Бака беше избран на оваа претежно церемонијална позиција со гласовите на владејачката десничарска партија тиса, а пратениците од опозициската ФИДЕС не гласаа. Претседателската функција остана празна минатиот месец по разрешувањето на Тамаш Суљок, кој беше голем сојузник на Орбан. Бака во 2012-та беше разрешен од позицијата прв човек на Врховниот суд, откако јавно го критикуваше потегот на тогашниот премиер за намалување на старосната граница за пензионирање на судиите. Западните медиуми пишуваат дека неговиот мандат претставува симболичен чекор во напорите на премиерот Петер Маѓар да ги демонтира упориштата на моќта на Орбан.

YouTube video

Тагови: Андраш Бака

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер