Истражување: ВИ ќе ја намали профитабилноста на музиката - Канал 5

Технологија

Истражување: ВИ ќе ја намали профитабилноста на музиката

Научно истражување нарачано од Меѓународната конфедерација на здруженија на автори и композитори (МКЗАК) посочува дека вештачката интелигенција може значително да ги загрози приходите на вработените во музичката индустрија.

Истражување: ВИ ќе ја намали профитабилноста на музиката

Испитувањето е спроведено од агенцијата за истражување и консултации „ПМП Стратеџи“ (PMP Strategy). Според наводите, вработените во музичкиот сектор ќе изгубат речиси следните четири години четвртина од приходите поради генеративната вештачка интелигенција (ВГИ). Покрај музичарите, и вработените во аудиовизуелниот сектор ќе се соочат со пад на приходите за повеќе од 20 отсто, паралелно со растот на пазарот на ВГИ од три милијарди на проектираните 64 милијарди евра годишно, до 2028 година. Заклучоците од истражувањето ги објави МКЗАК вчера во Париз, Франција.

Конфедерацијата претставува повеќе од пет милиони автори ширум светот.

Потпретседателот на МКЗАК, режисерот и сценарист Анхелес Гонзалес-Синде Рег рече дека ВИ-алатките можат да ја поддржат и зајакнат работата на филмаџиите, но исто така, постои „огромна загриженост дека во брзањето да се искористи и монетизира ВГИ, креаторите ќе бидат третирани како „со ретроспектива“, без право на овластена употреба на нивните дела.

- Истражувањето ја нагласува потребата од етички и економски здрави политики коишто ги ставаат правата на создавачите во самото средиште на светот на ВИ. Човечките креатори мора да бидат во средиштето на креирањето на политиките и регулативата, рече тој.

Од друга страна, пак, според наводите, брзиот раст на ВИ значително ќе ги збогати големите технолошки компании. Извештајот вели и дека без регулаторна заштита, запазувањето авторски права и приходите ќе бидат драстично намалени.

Претседателот на МКЗАК и поранешен член на „АББА“, Бјорн Улвеус ги истакна Австралија и Нов Зеланд како водечки земји во обликувањето на политиките за заштита на креативците од ВГИ. Политиките на тие земји, според неговата проценка, би можеле да обезбедат ВИ да служи како алатка за подобрување на човечката креативност, а не да ја замени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Тајфун и свлечиште направија хаос во Кина- има загинати и повредени, спасувачите во трка со времето (ВИДЕО)

Жителите на градот Гаопинг во кинеската покраина Џијангси се разбудија во хаос. 

Тајфун и свлечиште направија хаос во Кина- има загинати и повредени, спасувачите во трка со времето (ВИДЕО)

Во лизгање на земјиште предизвикано од обилните дождови загина најмалку едно лице, а 11 се водат како исчезнати, соопштија локалните власти.

Во раните утрински часови, лизгањето на земјиштето затрупа неколку згради и оштети 12 куќи, додека спасувачките екипи се бореа да пронајдат преживеани, објави кинескиот државен радиодифузер CCTV.

Трагичните сцени се резултат на тајфунот Саудел и студениот фронт што донесе обилни дождови и поплави во покраината Сечуан. Жителите беа заробени, патиштата беа оштетени, а клучните јавни услуги беа сериозно нарушени.

Гаопинг е погоден од екстремните временски услови што ја погодија Кина во последните месеци, особено во планинските области.

Тајфунот Саудел, 18-ти што ја погоди Кина оваа година, дополнително ја влоши ситуацијата кога во четвртокот по трет пат стигна до копното во округот Џијангпу, предизвикувајќи евакуација на десетици илјади луѓе поради предупредувања за силни ветрови и обилни дождови. Во соседната покраина Џијангси, тајфунот погоди 128.500 жители во 53 окрузи, принудувајќи речиси 8.700 луѓе да се евакуираат.

Тагови: Кина тајфун

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Пожар во хотел во Истанбул, евакуирани се голем број луѓе

Денеска во хотел во истанбулската населба Бакиркој избувна пожар, а пожарникарите евакуираа голем број луѓе кои биле во зградата.

Пожар во хотел во Истанбул, евакуирани се голем број луѓе

Пожарникарите реагираа на местото на пожарот, а операцијата за гаснење е во тек, објави Хуриет.

Засега нема информации за повредени.

Бакиркој е општина на европската страна од Истанбул, на брегот на Мраморното Море.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Дрога е пронајдена кај кампери во Галичник, уапсени се петмина

Лишени од слобода пет лица во Галичник, при претрес во шаторите каде престојувале пронајдена марихуана, кокаин, таблети, следува пријава.

Дрога е пронајдена кај кампери во Галичник, уапсени се петмина

На 04.09.2026 во периодот од 19:20 до 20:45 часот, во с. Галичник на местото викано „Стопанче“, полициски службеници од ОВР Гостивар и ПО Маврово, во рамки на оперативна акција, лишија од слобода пет лица, А.Ј. (32), М.М. (38), К.С. (45) и В.В. (44) од Скопје, како и Р.Т. (38) од Куманово.

При претрес во шаторите каде престојувале лицата, пронајдени и одземени се повеќе пакувања со марихуана, бела прашкаста и грутчеста материја, халуциногени печурки и таблети.

Лицата се задржани во ПС Гостивар за понатамошна постапка и по документирање на случајот ќе следува соодветен поднесок, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер