Истражување: Работниците во германскаста индустрија стравуваат за своите работни места - Канал 5

Свет

Истражување: Работниците во германскаста индустрија стравуваат за своите работни места

Вработените во голем број германски индустриски компании се плашат за своите работни места.

Истражување: Работниците во германскаста индустрија стравуваат за своите работни места

Вработените во голем број германски индустриски компании се плашат за своите работни места, а истражувањето на синдикатот IG Metall открива дека работничките совети во само 49 проценти од компаниите веруваат дека работните места се сигурни во наредните години.

Стравот е особено изразен во автомобилската индустрија, каде што само 31 процент од работниците имаат добри шанси да ги задржат своите работни места, покажа истражувањето. Челичната индустрија е исто така блиску, со само 41 процент од работниците со добри перспективи, пренесе Јутарњи.

Најстабилна е ситуацијата во секторот за производство на авиони, бродови и возови, со 71 процент од работниците со сигурна работа. И трговијата нуди добри можности за работа, според 63 проценти од „безбедните“ работници.

Економски перспективи и предизвици

Перспективите за економијата се само малку подобрени, покажува истражувањето, па 45 проценти од анкетираните проценуваат дека ситуацијата во следните три до шест месеци треба да биде барем добра. 47 проценти од нив се на мислење дека перспективите се лоши или многу лоши.

Речиси секоја петта компанија го намалува работното време и привремено ги вклучува вработените во посебна владина програма за субвенции за работници кои ги губат своите работни места во услови на намалено работно време поради недостаток на нарачки.

Горливиот проблем во Германија, според работничките совети, се високите цени на енергијата, што го издвоиле дури 82 проценти од испитаниците во секторот за челик, 66 проценти во производството на метал и 59 проценти во секторот за возила.

Недостаток на стратегија и влијание на американската политика

Царинската политика на САД е исто така отежнувачка околност, бидејќи 20 проценти од компаниите размислуваат да го преселат производството во САД, а осум проценти од нив веќе изготвуваат конкретни планови.

И синдикатот и вработените се жалат дека раководствата на компаниите, кои особено силно ги чувствуваат последиците од големите промени во економијата, не развиле стратегија и не се обидуваат активно да учествуваат во тој процес.

Помалку од 45 проценти од компаниите кои се особено изложени на притисокот од адаптацијата изготвиле стратегија, а само 38 проценти од нив разговараат со работниците и работат на иновации за производство на иднината, покажаа резултатите од анкетата.

IG Metall препорачува фокусирање на одржливи деловни сектори. „Мора да се фокусираме на областите на иднината“, рече претседателката на IG Metall, Кристијане Бенер.

„Во исто време, мора да отвориме нови филијали со полна сила, имено циркуларната економија, рециклирањето и вештачката интелигенција“, рече Бенер.

Тагови: работни места работниците

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ТИРЗ: ВДЛ Бус Македонија ќе започне со трета фаза на инвестицијата - производство на нов модел на автобус

Директорот на ТИРЗ Гоце Димовски денес имаше средба со Аврам Стојчевски, генерален директор на компанијата ВДЛ Бус Македонија. 

ТИРЗ: ВДЛ Бус Македонија ќе започне со трета фаза на инвестицијата - производство на нов модел на автобус

На средбата се разговараше за тековните активности на компанијата, реализирањето на третата фаза од инвестицијата која ќе изнесува повеќе од 5 милиони евра, со нови 150 висококвалификувани работни места во рамките на ТИРЗ Скопје 2.

Димовски нагласи дека Дирекцијата за ТИРЗ останува посветен партнер на компаниите кои веќе инвестираат во земјата, преку навремена институционална поддршка и активно следење на нивните потреби. Тој истакна дека токму постојните инвеститори претставуваат најсилен показател за квалитетот на деловното окружување, а нивното проширување е важен сигнал за довербата во домашната економија.

На средбата беше разгледан планот за реализација на третата фаза од инвестицијата, која предвидува производство на нов модел на автобус. Дополнително, беше потврдена заложбата за продолжување на конструктивна соработка, со цел создавање услови за успешна реализација на овој инвестициски циклус, натамошен развој и зајакнување на конкурентноста на домашната економија.

Инаку, компанијата во април годинава од ВДЛ Ван Хоол Македонија се преименува во ВДЛ Бус Македонија, со што истата започна нова развојна фаза во своето работење. Промената е дел од поширокиот процес на трансформација и развој на компанијата, со фокус на понатамошно унапредување на производствените активности и зајакнување на нејзината позиција во автомобилската индустрија.

Тагови: ТИРЗ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ДЗС: Неексплодирана граната со калибар 75mm извлечена од под вода во Црна Река кај с. Радобор

Станува збор за граната што била истрелана, но не експлодирала. 

ДЗС: Неексплодирана граната со калибар 75mm извлечена од под вода во Црна Река кај с. Радобор

Пиротехничарот на Дирекцијата за заштита и спасување (ДЗС), Ѓорѓи Стефанов, безбедно отстрани неексплодирана артилериска граната со калибар 75mm, што потекнува од Првата светска војна и беше пронајдена под вода во Црна Река, кај мостот во село Радобор, Општина Могила.

Станува збор за граната што била истрелана, но не експлодирала. За пронајденото убојно средство, ДЗС Битола ја прими дојавата преку единствениот повикувачки број за итни случаи 112.

Тагови: ДЗС

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода црногорец, со „БМВ“ возел со брзина од 205 километри на час

Лишен од слобода црногорец, на автопатот во гевгелиско со „БМВ“ возел со брзина од 205 километри на час, поднесена пријава.

Лишен од слобода црногорец, со „БМВ“ возел со брзина од 205 километри на час

На 13.07.2026 во 11:09 часот на автопатот А1, кај село Милетково, гевгелиско, полициски службеници од СВР Струмица- ОВР Гевгелија го лишија од слобода црногорскиот државјанин Д.Б.(36). При контрола на патниот сообраќај со радар, полициските службеници констатирале дека Д.Б. управувал патничко возило „бмв“ со црногорски регистарски ознаки, со брзина од 205 километри на час, на место каде со сообраќаен знак брзината на движење е ограничена на 120 километри на час. За настанот е запознаен јавен обвинител од Основното јавно обвинителство Гевгелија, а против лицето е поднесена соодветна пријава.

Тагови: бмв

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер