Истражување: Престанувањето со пушење го забавува губењето меморија и подоцна во животот - Канал 5

Здравје

Истражување: Престанувањето со пушење го забавува губењето меморија и подоцна во животот

Престанувањето со пушење, дури и во подоцнежниот живот, може да помогне во забавувањето на проблемите со мозокот и помнењето поврзани со возраста, покажа ново истражување. 

Истражување: Престанувањето со пушење го забавува губењето меморија и подоцна во животот

Според научниците, наодите се дополнителни докази дека откажувањето од цигари може да помогне во спречувањето деменција, но нагласуваат и дека се потребни повеќе истражувања. Написот е објавен во списанието „Лансет хелти лонгивити“ (Lancet Healthy Longevity).

Тим од британскиот Универзитетски колеџ во Лондон проучи податоци од 9.436 лица на возраст од 40 години и повеќе, од 12 земји. Половина се откажале од пушење, додека половина продолжиле. Според истражувачите, „врската меѓу пушењето и когнитивното здравје е добро воспоставена“, но долгорочните придобивки од откажувањето се не толку јасни. Анализата на тестовите што ја мереа меморијата и течното говорење покажа дека тие параметри кај луѓето кои се откажале од цигари се намалиле побавно во шесте години откако се откажале. Кај пушачите кои се откажале, стапката на опаѓање била околу 20 насто побавна за меморијата и 50 отсто побавна за говорот, пренесува д-р Микаела Блумберг од Институтот за епидемиологија и здравствена заштита при Универзитетскиот колеџ.

- Нашето испитување посочува дека откажувањето од пушење може да им помогне на луѓето да одржат подобро умствено здравје на долг рок, дури и кога сме во 50-тите години или постари. Веќе знаеме дека откажувањето од пушење - дури и подоцна во животот, често е проследено со подобрувања во физичкото здравје и благосостојбата. Се чини, и за нашето когнитивно здравје никогаш не е предоцна да се откажеме (од цигарите). Ова откритие е особено важно затоа што пушачите на средна и постара возраст имаат помала веројатност да се обидат да се откажат, отколку помладите групи, но сепак, тие непропорционално ги доживуваат штетите од пушењето, појасни Блумберг.

Нејзиниот колега, проф. Ендрју Стептоу, се согласува дека побавниот когнитивен пад е поврзан со помала опасност од деменција.

- Овие наоди се дополнителни докази за тоа дека откажувањето од пушење може да биде превентивна стратегија за болеста. Сепак, ќе бидат потребни и натамошни истражувања што конкретно ја испитуваат деменцијата за да се потврди ова, изјави тој.

Според последните проценки, во Велика Британија, околу 11,9 отсто - т.е. шест милиони од луѓето на 18 години или повеќе, пушат цигари. Д-р Џулија Дадли, раководител на истражувањето во Британската фондација за истражување на Алцхајмеровата болест (Alzheimer's Research UK), рече:

- Пушењето е поврзано со повеќе сериозни здравствени состојби, меѓу коишто и рак, срцеви заболувања и деменција, особено Алцхајмерова болест и васкуларна деменција. Прекинувањето од пушење може значително да ја намали опасноста од развој на овие болести. Бидејќи ова е опсервациски научен труд, ова само укажува на врската меѓу когнитивниот пад и откажувањето од пушење... Следењето други мерки на работата на мозокот, како што е решавањето проблеми, исто така, би дало поголема слика за придобивките од откажувањето од пушење, изјави докторката

Ова, според научниците, е дополнителен импулс на потребата да им се помогне на што е можно повеќе луѓе, на која било возраст, целосно да се откажат од пушењето.

Тагови: цигари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Русите уапсија јапонски новинар и го однесоа во затвор во Москва (ВИДЕО)

Федералната служба за безбедност (ФСБ) на Русија објави дека уапсила јапонски новинар под сомнение дека собирал информации за одбранбените капацитети на Русија. 

Русите уапсија јапонски новинар и го однесоа во затвор во Москва (ВИДЕО)

Според службата, станува збор за вработен во весникот „Хокаидо Шимбун“ кој бил приведен во регионот Сахалин, пренесува Ројтерс.

Новинарот бил уапсен кратко пред неговото планирано заминување од Русија. По апсењето, тој бил префрлен во Москва, каде што му е одреден притвор.

Тагови: москва новинар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Вдовица и четири деца се во војна за семејно наследство од 250 милиони евра- реагира и судот

Семејно богатство вредно потенцијални 250 милиони евра стана предмет на жесток правен спор во Италија. 

Вдовица и четири деца се во војна за семејно наследство од 250 милиони евра- реагира и судот

Од едната страна се четирите деца на покојниот бизнисмен, а од другата неговата втора сопруга. Во срцето на конфликтот се два различни тестаменти, милиони евра префрлени на членовите на семејството и прашањето колку пари всушност оставил починатиот милионер.

Според италијанската агенција АНСА, станува збор за наследството на Маурицио Зампарини, поранешниот сопственик на фудбалските клубови Палермо и Венеција, кој почина во 2022 година на 80-годишна возраст.

Спорот дојде пред судот во Бусто Арчицио, во италијанската покраина Варезе, кој пресуди за двојно судско запленување на имотот, со цел да се спречи негово евентуално префрлање или отуѓување додека трае постапката.

Богатство од 250 милиони, а пронајдени се само девет

Најголемата мистерија во целиот случај е вистинската вредност на имотот што го оставил Зампарини. Според досегашниот инвентар, официјално евидентираното наследство е приближно девет милиони евра. Сепак, учесниците во спорот веруваат дека вкупната вредност на наследството би можела да достигне дури 250 милиони евра.

Токму оваа огромна разлика го покрена прашањето што припаѓа на наследството и дали одредени делови од богатството претходно биле префрлени на членови на семејството.

Зампарини остави четири деца од својот прв брак, кој заврши со развод, како и втора сопруга. Неговиот петти син, кого го имаше во вториот брак, почина во 2021 година, на само 23 години.

Децата бараат 37 милиони, вдовицата споменува 75 милиони

Четирите деца го оспоруваат тестаментот од 31 август 2020 година и бараат заштита на средства во вредност од најмалку 37 милиони евра, кои се поврзани со втората сопруга на нивниот татко. Тие веруваат дека постои можност дел од овој имот да биде исклучен од процесот на распределба на наследството.

Сепак, вдовицата има поинаква верзија на настаните. Таа се повикува на втор тестамент, датиран на 27 септември 2020 година, како и на документација што подоцна беше пронајдена на плочата на Зампарини.

Според нејзините тврдења, при утврдувањето на вредноста на наследството, треба да се земат предвид претходните подароци, како и средствата што покојниот бизнисмен им ги доверил на своите деца. Таа ја проценува вредноста на овие средства на приближно 75 милиони евра.

Така, двете страни се нашле во сосема спротивставени позиции - децата бараат средствата поврзани со вдовицата да бидат заштитени, додека таа бара средствата што претходно им припаѓале на децата да бидат преиспитани.

Судот пресуди: Имотот останува под контрола

Судијката Анарита Д'Елија одлучи да ги прифати барањата за привремени мерки од двете страни. Донесена е одлука за двојно судско запленување на средствата вклучени во спорот, што го спречува нивното евентуално пренесување или промена на сопственоста додека не се утврдат сите релевантни факти.

Оваа мерка не претставува конечна одлука за тоа кому му припаѓа наследството. Напротив, нејзината цел е да се зачуваат средствата до крајот на судската постапка, која, според очекувањата, може да трае долго.

Судот сега се соочува со сложената задача да ја утврди вистинската вредност на богатството на Зампарини, како и кои делови од имотот треба да бидат вклучени во наследството. Само тогаш ќе биде можно да се одлучи како ќе се подели меѓу наследниците. Семејниот конфликт отвори прашање на кое засега никој нема дефинитивен одговор: колку всушност вредеше богатството на човекот кој со децении беше едно од добро познатите имиња во италијанскиот бизнис и фудбал?

Тагови: вдовица наследство

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Лет од Рим е откажан поради инвазија на одвратни инсекти- се завлекле и во седиштата (ФОТО)

Стеници биле пронајдени на летот на „Квантас“ од Перт до Рим. 

Лет од Рим е откажан поради инвазија на одвратни инсекти- се завлекле и во седиштата (ФОТО)

Паразитските инсекти биле откриени во предниот дел од кабината во економска класа на „Боинг 787 Дримлајнер“ на летот QF5 на 9 октомври, потврди денеска извор запознаен со инцидентот, објави „Гардијан“.

Стениците се ситни инсекти кои се многу тешки за искоренување и се хранат со крвта на одредени цицачи, вклучително и луѓето.

Како што првично објави „Сиднеј Морнинг Хералд“ (SMH), авионот бил повлечен од употреба откако пристигнал во италијанската престолнина за темелно чистење. Како резултат на тоа, летот на „Квантас“ од Рим до Перт, закажан за 10 октомври, е откажан.

Портпаролот на авиокомпанијата изјави дека летот е откажан за да можат инженерите и екипите за одржување темелно да го исчистат авионот откако „проблемот бил забележан кај мал број седишта во економската класа“.

Компанијата соопшти дека искрено им се извинува на патниците за непријатностите и нарушувањето на нивните планови за патување.

На патниците погодени од откажувањето на летот им беше обезбеден сместување и беа пренасочени кон алтернативни летови во рок од 48 часа од нивното првично заминување, соопшти Квантас.

Авиокомпанијата соопшти дека кабините на нејзините авиони редовно се чистат по исклучително висок стандард и се дезинфицираат на секои 50 дена како дел од превентивна мерка.

Професорката Мишел Пауер, паразитолог на Универзитетот Маквари, рече дека стениците веројатно биле внесени во авионот во нечиј багаж или на нивната облека, пред да се рашират низ кабината.

„Тие се поврзани со патување. Луѓето можат да престојуваат во хотел со стеници и бидејќи овие инсекти се кријат на темни места и се привлечени од мирисот на облеката на луѓето, можат да завршат во нечиј багаж“, објасни таа.

Според неа, креветните бубачки не се опасни, иако нивните каснувања можат да предизвикаат чешање и иритација. Сепак, тие се исклучително тешки за искоренување бидејќи можат да се кријат во постелнината и разни пукнатини долго време, дури и без храна.

Тагови: инсекти Рим

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер