Истражителите се шокирале кога дознале што гуглал Коста пред да го изврши масакрот во Белград - Канал 5

Балкан

Истражителите се шокирале кога дознале што гуглал Коста пред да го изврши масакрот во Белград

Коста К. (13) кој изврши масакр во основното училиште „Владислав Рибникар“ во Белград, речиси секојдневно на Google ги барал најмасовните убијци ширум светот.

Истражителите се шокирале кога дознале што гуглал Коста пред да го изврши масакрот во Белград

Бил воодушевен и од Ел Чапо. На 3 мај, ученикот од седмо одделение уби осум ученици, еден чувар и повреди уште седум лица.

- Се зачудивме кога дознавме дека неговата секојдневна потрага се однесуваше на тоа кои се најмасовните убијци ширум светот. Како убивале, што користеле, кои им биле жртвите...Често го пребарувал и Ел Чапо барајќи нови информации за него - вели извор близок до истрагата.

Како што неофицијално дознава Курир, момчето гледало филмови и серии кои ги прикажуваат страдањата на семејствата на убиените. Убиецот го планирал злосторството еден месец. На неговото биро полицијата пронашла и две белешки. На едната била мапа на движење низ училиштето, а на другата биле имињата на 16 деца. На списокот за ликвидација имало и деца кои момчето не ги знаело. Се сомневаат дека ги сакал мртви бидејќи во нешто биле подобри од него.

За тоа дека не е кривично одговорен дознал со истражување на Кривичниот законик на Србија. По масакрот тој не покажал никакво каење. Само му било студено. Таа среда, на 3 мај, дошол на училиште со два пиштоли на татко му и 4 молотови коктели. Прво пукал во чуварот, потоа во три девојчиња во холот, а потоа влегол во училницата и убил пет соученици, ја ранил професорката по историја и шест ученици.

Неофицијално, по масакрот тој скокнал од прозорецот и повикал полиција. Влегол во училиштето во 8 часот и 40 минути, а две минути подоцна повикал полиција. Тој испукал 57 куршуми од пиштол CZ99 кон жртвите. По злосторството, уапсен е и неговиот татко, кој е во притвор. Неофицијално, таткото рекол дека оружјето му било во сефот под шифра и дека не знае како момчето дошло до него.

Од станот во кој живееле, полицијата одзела на вештачење уште 5 пиштоли, компјутери и работи на момчето. Своите стрелачки вештини ги стекнал на стрелиштето каде одел со својот татко. Истрагата се води и против сопственикот на стрелиштето, објави српски Курир.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре облачно и постудено време со температура до 18 степени- разведрување за викендот

Утре времето ќе биде променливо облачно и постудено, информира УХМР.

Утре облачно и постудено време со температура до 18 степени- разведрување за викендот

МАКСИМАЛНА ТЕМПЕРАТУРА

4 Попова Шапка, 5 Крушево, Маврови Анови, 9 Берово, Прилеп, 10 Претор, Крива Паланка, Битола, 11 Охрид, 12 Тетово, Зајчев Рид, Виница, Кавадарци, Штип, 13 Демир Капија, Струмица, Велес, Скопје Петровец, 15 Гевгелија.

КОЛИЧИНА НА ВРНЕЖИ за изминатите 9 часа во (l/m2)

8 Кавадарци, 6 Берово, Прилеп, 5 Битола, Демир Капија, 4 Виница, 3 Штип, Гевгелија, Претор, Охрид, 2 Велес, Крушево, 1 Маврови Анови, Крива Паланка.

ВРЕМЕТО ДЕНЕСКА И ДО КРАЈОТ НА ДЕНОТ

Времето денес беше променливо облачно и посвежо. Наместа имаше повремени локални врнежи од дожд. Во вечерните часови и во текот на ноќта ќе има повремени локални врнежи од дожд. Наместа врнежите ќе бидат поројни и пообилни.

ВРЕМЕТО УТРЕ

Променливо облачно и постудено. Ќе дува засилен до силен ветер од северен правец, кој наместа ќе надминува брзина од 60 km/h. Минималната температура ќе биде во интервал од 4 до 11, а максималната ќе достигне од 11 до 18 степени.

Во Скопје, променливо облачно и постудено. Ќе дува умерен, во делови од котлината повремено засилен ветер од северен правец. Минималната температура ќе се спушти до 10, а максималната ќе достигне до 15 степени.

ВРЕМЕТО ВО НАРЕДНИТЕ ДЕНОВИ

До петок ќе преовладува променливо облачно и постудено време. Денес и во петок ќе има повремени локални врнежи од дожд, кои на некои од повисоките планини ќе преминат во снег. Ќе дува засилен ветер од северен правец, кој наместа ќе биде силен со брзина над 60 km/h. За време на викендот ќе биде сончево со мала до умерена облачност.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Итно се повлекуваат возила на Форд- причината е ризик од пожар

Патничкото возило Ford, Transit Custom, Tourneo Custom е предмет на отповикување поради идентификуван ризик за потрошувачите.

Итно се повлекуваат возила на Форд- причината е ризик од пожар

Повлекувањето се однесува на Transit Custom, Tourneo Custom модел или модели, а видот на ризик е: Ризик од пожар.

Овој случај е заведен под отповикување број 130/2026, од 13.10.2026 година. Категоријата на случај е отповикување на производи за потрошувачи.

На потрошувачите кои го поседуваат овој производ им се препорачува да проверат дали нивната копија е покриена со повлекувањето и да ги следат упатствата на производителот, дистрибутерот на Форд или надлежните органи.

Тагови: Форд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Распишана централна и меѓународна потерница по Михаилова Ива

Министерството за внатрешни работи распиша потерница по Михаилова Ива (23) од Кочани, од татко Симеон и мајка Христина двајцата од Кочани. 

Распишана централна и меѓународна потерница по Михаилова Ива

Лицето е барано по централна и меѓународна потерница по барање на Основен суд Кочани за кривично дело по член 300 став 4 и член 297 став 3 од Кривичниот законик.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер