Ишиба: Јапонија нема да поседува, произведува или дозволува нуклеарно оружје на своја територија - Канал 5

Свет

Ишиба: Јапонија нема да поседува, произведува или дозволува нуклеарно оружје на своја територија

На 6 август 1945 година, САД фрлија атомска бомба врз Хирошима, при што до крајот на таа година загинаа околу 140.000 луѓе.

Ишиба: Јапонија нема да поседува, произведува или дозволува нуклеарно оружје на своја територија

Јапонскиот премиер Шигеру Ишиба ја потврди посветеноста на Јапонија на своите долгогодишни принципи за неширење нуклеарно оружје и повтори дека неговата земја нема да поседува, произведува или дозволува нуклеарно оружје на своја територија, објавија јапонските медиуми.

Во говорот по комеморативната церемонија по повод 80-годишнината од атомското бомбардирање на Хирошима, Ишиба категорично ја отфрли можноста Јапонија да се приклучи на нуклеарен сојуз со САД, сличен на оној во рамките на НАТО. Сепак, тој ја нагласи потребата од зајакнување на ефикасноста на американскиот „нуклеарен чадор“ под кој се наоѓа земјата од крајот на Втората светска војна. Според него, ова не е во спротивност со аспирацијата за свет без нуклеарно оружје.

На 6 август 1945 година, САД фрлија атомска бомба врз Хирошима, при што до крајот на таа година загинаа околу 140.000 луѓе. За време на својот говор, Ишиба нагласи дека сегашната меѓународна ситуација е исклучително напната, особено со оглед на тоа што земјите во регионот имаат нуклеарно оружје.

Како знак на неговата посветеност на мирот, премиерот го посети и Меморијалниот музеј за мир во Хирошима, кој ги документира уништувањата и последиците од нуклеарниот напад. Ова е прва посета на јапонски премиер на музејот на 6 август 2022 година.

Во 2023 година, за време на самитот на Г7 во Хирошима, музејот го посетија лидери на земјите-членки, вклучувајќи ги САД, Велика Британија и Франција - трите нуклеарни сили во групата.

Ишиба сè уште не објавил кога ќе даде официјална изјава за претстојната 80-годишнина од предавањето на Јапонија, која паѓа на 15 август. Капитулацијата на Јапонија пред осум децении донесе крај на Втората светска војна. Овој датум традиционално се означува како крај на вториот глобален конфликт.

Денеска, Ишиба изјави дека неговата земја никогаш повеќе не треба да води војна.

Тагови: Ишиба јапонија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Влада донесе одлука: Се намалува ДДВ-то за горивата од 18 проценти на 10 проценти

Согласно пресметките на Владата, со намалувањето на ДДВ од 18% на 10% значително ќе се ублажи очекуваното зголемување на цените на горивата.

Влада донесе одлука: Се намалува ДДВ-то за горивата од 18 проценти на 10 проценти

Владата на денешната седница, донесе Одлука со која ДДВ се намалува од 18% на 10%, со цел директно да се ублажи ценовниот удар врз граѓаните и стопанството во услови на кризна состојба поради можноста за нарушувања во снабдувањето со нафта и нафтени деривати.

Согласно пресметките на Владата, со намалувањето на ДДВ од 18% на 10% значително ќе се ублажи очекуваното зголемување на цените на горивата.

Кај нафтата, наместо редовното очекувано зголемување од околу 5 денари, со оваа мерка се очекува намалување од околу 2 денари. Тоа значи вкупно ублажување на ценовниот удар од околу 7 денари, при што новата цена би изнесувала околу 99 денари за литар.

Кај бензините, согласно пресметките, се очекува зголемување од околу 3,5 денари, што значи дека новата цена би изнесувала околу 100,5 денари за литар за бензинот ЕУРОСУПЕР БС-95, односно 102,5 денари за литар за бензинот ЕУРОСУПЕР БС-98.

Повластената даночна стапка од 10% ќе се применува од 00:01 часот на 15 септември 2026 година до 24:00 часот на 28 септември 2026 година.

Со оваа одлука Владата презема конкретна и навремена мерка за заштита на животниот стандард на граѓаните, намалување на финансискиот товар и поддршка на стопанството во услови на кризна состојба.

Владата продолжува внимателно да ги следи состојбите на пазарот на нафтени деривати и да презема мерки во интерес на граѓаните и економијата.

Тагови: влада

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Шкотска, Велс и Северна Ирска се здружуваат – бараат право на референдуми за независност

Шкотскиот премиер Џон Свини смета дека политичките промени покажуваат дека сегашната состојба не може да трае бесконечно.

Шкотска, Велс и Северна Ирска се здружуваат – бараат право на референдуми за независност

Лидерите на Шкотска, Велс и Северна Ирска во понеделник ќе се сретнат во Кардиф, каде што треба да потпишат заедничка декларација со која ќе го потврдат правото на нивните нации на самоопределување и ќе побараат можност граѓаните на референдуми да одлучуваат за својата иднина.

Според „Телеграф“, ова ќе биде прв заеднички настап на тројца лидери на Шкотска, Велс и Северна Ирска кои отворено се залагаат за промена на сегашниот уставен статус во рамките на Обединетото Кралство.

По состанокот се очекува нивните партии да потпишат и меморандум за соработка во четири области – економијата, енергетиката, европа и меѓународната соработка и самоопределувањето.

Сите три политички опции имаат и европска агенда. Шкотската национална партија и Плајд Камри се залагаат независните Шкотска и Велс во иднина да станат членки на Европската Унија, додека Шин Фејн бара обединување на Северна Ирска со Република Ирска.

Шкотскиот премиер Џон Свини смета дека политичките промени покажуваат дека сегашната состојба не може да трае бесконечно.

Тагови: референдум

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот.

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот – кој утрово исчезна откако беше изгубен контактот со него во Јаванското Море поради лошите временски услови – при што едно лице загина, а друго е повредено, изјави Дани Рахмат, портпарол на пристанишниот оператор „Пелиндо“.

Претходно, државната агенција за потрага и спасување на индонезија соопшти дека бродот Virgo Transport 8, испловил во саботата од градот Сурабаја во Источна Јава кон Банџармасин во Јужен Калимантан, потоа бил изгубен контактот, што ги поттикнало спасувачите да започнат потрага и да испратат тим на последната позната локација на бродот.

Тагови: брод

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер