Исени: Заштитата на децата во дигиталната средина е заедничка одговорност на институциите и општеството - Канал 5

Македонија

Исени: Заштитата на децата во дигиталната средина е заедничка одговорност на институциите и општеството

Исени денеска имаше обраќање на промоцијата на истражувачкиот извештај „Спречување на штетата во Македонија“, спроведен од УНИЦЕФ.

Исени: Заштитата на децата во дигиталната средина е заедничка одговорност на институциите и општеството

Заменик министерот за внатрешни работи Астрит Исени денеска имаше обраќање на промоцијата на истражувачкиот извештај „Спречување на штетата во Македонија“, спроведен од УНИЦЕФ, посветен на ризиците со кои се соочуваат децата во дигиталната средина и унапредувањето на механизмите за нивна заштита.

На настанот присуствуваа резидентната координаторка на Обединетите нации во земјава Рита Колумбиа, претставничката на УНИЦЕФ, госпоѓа Лесли Милер, како и претставници на националните институции и меѓународните организации.

Во своето обраќање, заменик министерот Исени го поздрави сеопфатниот и инклузивен пристап на УНИЦЕФ при спроведувањето на истражувањето, во кој беа вклучени институциите, стручната јавност и граѓаните, нагласувајќи дека заштитата на децата во дигиталната средина бара координиран одговор на целото општество.

„Брзата дигитализација отвори огромни можности за комуникација, образование и развој, но истовремено донесе и нови ризици од злоупотреба и експлоатација. Затоа заштитата на децата е заедничка одговорност и само преку партнерство, инклузивност и силна институционална координација можеме да создадеме безбедна дигитална средина за секое дете“, истакна Исени.

Тој посочи дека извештајот овозможува подобро согледување на однесувањето на младите во онлајн просторот, најчестите ризици со кои се соочуваат и областите во кои е потребен поефикасен институционален одговор. Препораките, како што нагласи, претставуваат основа за унапредување на законската рамка, поддршка на професионалците кои работат со деца и подобрување на практичните механизми за превенција и заштита.

Исени потенцираше дека Министерството за внатрешни работи има значајна улога во оваа област преку превентивните активности, подигањето на јавната свест, навременото откривање на ризиците и соработката со домашните институции и меѓународните партнери.

„Ова истражување не е само документ, туку повик за акција. Потребни ни се подобра превенција во училиштата и заедниците, поефикасна размена на информации меѓу институциите, јасни процедури за пријавување и постапување и соодветна поддршка за децата и семејствата. Министерството ќе продолжи да ги унапредува капацитетите на полицијата и да ја зајакнува координацијата со образовните и социјалните служби“, порача заменик-министерот Исени.

На крајот, тој изрази благодарност до УНИЦЕФ, истражувачите, меѓународните партнери и националните институции кои придонесоа за подготовката на извештајот, потенцирајќи дека Министерството за внатрешни работи останува посветено на имплементација на препораките кои ќе придонесат за поголема безбедност и благосостојба на децата во Македонија.

Тагови: Астрит Исени

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Манчестер Сити плати 100.000.000 евра за тинејџер од Мароко

Богатиот англиски премиерлигаш Манчестер Сити го доведе 18 годишниот Мароканец Ајуб Буади од францускиот Лил за 100 милиони евра.

Манчестер Сити плати 100.000.000 евра за тинејџер од Мароко

18-годишниот фудбалер за врска со гигантот од Етихад потпиша петгодишен договор .

Тимот на Енцо Мареска го ангажираше талентираниот фудбалер откако ги продаде Родри на Барселона и Тиџани Рејндерс на Ал-Кадисија.

Младиот Буади инаку остави силен впечаток на Светско првенство, настапувајќи како стартер на пет од шесте натпревари за Мароко, репрезентација која беше елиминирана во четвртфиналето.

„Ова е посебен ден за мене и за моето семејство. За мене, Сити е најдобриот клуб во светот. Вистински сон е да се биде овде и да можам да кажам дека сум играч на Сити“, изјави Буади.

Буади има одиграно 96 натпревари за Лил од своето деби во 2023 година, помагајќи му на тимот да го освои третото место во Лига 1 минатата сезона.

На 16-годишна возраст, тој стана најмладиот фудбалер што некогаш заиграл за некој француски тим во Лигата на Европа, а потоа се прослави на светската сцена со клучната улога во победата над Реал Мадрид во 2024 година. „Сити“ работи на реорганизација на средниот ред; Елиот Андерсон веќе е доведен од Нотингем Форест, а подготвена е и посилна понуда за Енцо Фернандез од Челзи.

Тагови: Манчестер сити

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Секое десетто дете во Македонија било изложено на сексуална злоупотреба со помош на технологијата

Секое десетто дете на возраст од 12 до 17 години било изложено на сексуална експлоатација и злоупотреба олеснета преку технологијата, што претставува 12.000 деца на национални ниво, покажува извештајот од резултатите од истражувањето „Disrupting harm“

Секое десетто дете во Македонија било изложено на сексуална злоупотреба со помош на технологијата

Поеднакво се засегнати и момчињата и девојчињата. во 78 отсто од случаите сторителот бил лице познато на детето, а во 57 отсто од случаите сторителите биле возрасни лица, наспроти 22 отсто во кои биле вклучени врсници. Во 39 отсто од случаите бил вклучен сегашен или поранешен интимен партнер или лице кон кое детето чувствувало симпатии, додека во 27 отсто бил вклучен член на семејството. Во 52 отсто од случаите биле вклучени платформи на социјалните медиуми, додека 30 отсто се случиле преку платофрми за онлајн игри. Најчеста форма е изложувањето на децата на сексуална содржина без нивна согласност, а друга форма вклучувала барања децата да споделат слики или видеа на кои се прикажани нивните интимни делови.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Шефот на ЦИА во ненајавена посета на Русија, Москва негира дека Ретклиф се сретнал со Путин

Директорот на ЦИА, Џон Ретклиф, кој вчера престојуваше во ненајавена посета на  Москва, не се сретна со рускиот претседател Владимир Путин, изјави портпаролот на Кремљ, Дмитриј Песков..

Шефот на ЦИА во ненајавена посета на Русија, Москва негира дека Ретклиф се сретнал со Путин

-Не. Средба со претседателот немаше, одговори Песков на прашање на руските медиуми, без да одговори дали за време на посетата му пренел на Путин некаква порака од американскиот колега Трамп.

Песков само кусо посочил дека неговиот престој во Русија бил поврзан со „контакти меѓу тајните служби“..

Ретклиф, вчера тајно ја посети Москва, откако податоците од следењето на летот потврдија дека голем американски воен авион слетал на аеродромот Внуково во Москва.

Ова се смета за прва посета на актуелниот шеф на ЦИА и на највисоко рангиран функционер на администрацијата на Трамп на Русија.. Светските медиуми шпекулираат дека целта на неговата посета е нов обид да се издејствуваат преговори за постигнување мировно решение во Украина..

Тагови: москва ЦИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер