„Супер Ел Нињо“ урива рекорди: Научниците предупредуваат на повеќе од 450.000 дополнителни смртни случаи - Канал 5

Свет

„Супер Ел Нињо“ урива рекорди: Научниците предупредуваат на повеќе од 450.000 дополнителни смртни случаи

Климатските научници проценуваат дека повеќе од 450.000 луѓе би можеле да починат во текот на следните шест месеци поради екстремните горештини предизвикани од „супер Ел Нињо“.

„Супер Ел Нињо“ урива рекорди: Научниците предупредуваат на повеќе од 450.000 дополнителни смртни случаи

Повеќе од 450.000 дополнителни смртни случаи во светот во следните шест месеци би можеле да бидат поврзани со екстремните горештини што ги носи исклучително силниот Ел Нињо, покажуваат проценките на климатски научници.

Проекцијата од околу 451.000 случаи се однесува на периодот од септември до февруари 2027 година и не ги вклучува предвремените смртни случаи што веќе се поврзуваат со долгорочниот раст на температурите.

Научниците предупредуваат дека зголемената смртност од горештините би можела да продолжи и до јуни или јули следната година.

Најпогодени во следните шест месеци се очекува да бидат Нигерија, Индонезија, Судан, Индија и Бразил, додека меѓу најизложените региони се Сахел и Југоисточна Азија. Во САД се проценуваат околу 3.500 дополнителни смртни случаи поврзани со високите температури.

Проекциите се базираат на податоци за односот меѓу температурите и дополнителната смртност во повеќе од 24.000 региони низ светот, комбинирани со прогнозите за Ел Нињо. Научниците велат дека сегашниот Ел Нињо веќе ги надминал претходно забележаните температурни рекорди за овој климатски феномен, неколку месеци пред очекуваниот врв.

Покрај екстремните горештини, се очекува зголемен ризик од суши, шумски пожари и поплави, како и последици врз производството и цените на храната.

Како итни мерки се препорачуваат подобри предупредувања за топлотни бранови, отворање центри за разладување, дополнителен медицински персонал и поголема заштита на луѓето што работат на отворено.

Научниците нагласуваат дека Ел Нињо е природен климатски феномен, но дека неговите последици можат дополнително да се засилат поради глобалното затоплување.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Ходник дипломатија на Мицкоски со 50 луѓе на екскурзија и антимон со вредност помала од DЈ

Арамијата Мицкоски е цела недела на екскурзија во САД со 50 луѓе а немаше ниту една официјална средба и нема никаков резултат.

СДСМ: Ходник дипломатија на Мицкоски со 50 луѓе на екскурзија и антимон со вредност помала од DЈ

Неформален разговор во ходник го прикажува како средба а како најголем „успех“ го претставува 5 милиони долари за антимон.

Народот не го прашува, сам одлучува.

Поведе делегација од околу 50 луѓе на трошок на граѓаните, за концерт фрлија 5,53 милиони евра народни пари од Лотарија а за отров 5 милиони долари ги претставува како голема инвестиција.

Антимонот не е храна туку метал за воена индустрија.

Од јаловината влегува во почвата, во бунарите, во растенијата.

СЗО има лимит во водата за пиење. Европа таквите ископи ги запира затоа што отровот останува, додека профитот заминува.

Владата на Мицкоски не може чиста вода за пиење да обезбеди, во Гостивар 11 недели не се објавува извештај за водата, во над 50 населени места не се објавува извештај, тие нема да можат водата, почвата и здравјето на луѓето да ги заштитат од штетните последици од ископот и преработката на антимон.

Ова е распродажба на штета на здравјето на луѓето. Не е партнерство.

Целта се провизиите и диловите, тоа граѓаните веќе многу добро го знаат.

Концертот го платија скапо, богатството на Македонија го распродаваат ефтино, за багателна цена. Разликата е во провизијата.

Македонија не е на продажба!

Скопје, 23.09.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Зеленски:„Во моментов има разузнавачки информации дека Русија подготвува нов масовен напад врз Украина“

„Во моментов има разузнавачки информации дека Русија подготвува нов масовен напад врз Украина“, напиша Зеленски.

Зеленски:„Во моментов има разузнавачки информации дека Русија подготвува нов масовен напад врз Украина“

Украинскиот претседател Володимир Зеленски изјави дека Русија планира нов голем напад врз неговата земја.Зеленски, објавувајќи на телеграм за неговата средба со британскиот премиер Енди Бернам на маргините на Генералното собрание на ОН, рече дека Украина е во постојана комуникација со своите сојузници за обезбедување нова противвоздушна одбрана.

„Во моментов има разузнавачки информации дека Русија подготвува нов масовен напад врз Украина“, напиша Зеленски.

Тој рече дека не може да има никаква дискусија за ублажување на санкциите против Русија „кога Украинците живеат секој ден под закана од ракетни и беспилотни летала“.

Руските сили долго време спроведуваат големи ноќни напади со беспилотни летала и ракети, но ја променија тактиката во последните недели, започнувајќи постојани напади во текот на денот.

Додека беше во Њујорк, Зеленски разговараше со американскиот претседател Доналд Трамп за напорите за завршување на војната, вклучително и потенцијално билатерално прекинување на огнот врз цели поврзани со енергетиката.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Драма во Њујорк; полицијата на нозе; наредена итна евакуација

Синоќа во Њујорк биле евакуирани неколку згради, додека полицијата истражувала сомнителен пакет во близина на улицата „Источна 43-та“ и Третата авенија на Менхетен.

Видео: Драма во Њујорк; полицијата на нозе; наредена итна евакуација

Сè се случило на неколку блокови од седиштето на Обединетите нации, каде што заседава Генералното собрание на ОН.

Полициската управа на Њујорк (NYPD) ги затвори улиците од Источна 42-ра до Источна 44-та, меѓу Втората и Лексингтон авенија, и ги повикала граѓаните да ја избегнуваат областа околу Источната 43-та улица и Третата авенија поради затворените патишта и можните доцнења, пренесува „Фокс њуз“.

Според непотврдени информации, сомнителниот предмет би можел да биде куфер оставен без надзор. Полицијата потврди дека зградите биле евакуирани, но не соопшти колку згради биле опфатени со евакуацијата.

Откако интервенцијата завршила, улиците повторно биле отворени, а полициските службеници не сакале да соопштат детали за сомнителниот пакет, вклучувајќи ја неговата локација и содржина.

Инцидентот се случи за време на Генералното собрание на ОН, на кое присуствуваат многу светски лидери. Американскиот претседател Доналд Трамп во вторникот одржа говор на Генералното собрание и оствари неколку билатерални средби со странски претставници.

Тагови: Њујорк

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер