ИРМ бара објаснување од ЕВН кој и како ја пресметува струјата - Канал 5

Македонија

ИРМ бара објаснување од ЕВН кој и како ја пресметува струјата

Упативме Барање за доставување на податоци согласно Тарифниот систем за продажба на електрична енергија до компанијата ЕВН ХОМЕ ДОО Скопје, како универзален снабдувач со електрична енергија.

ИРМ бара објаснување од ЕВН кој и како ја пресметува струјата

Ве известуваме дека упативме Барање за доставување на податоци согласно Тарифниот систем за продажба на електрична енергија до компанијата ЕВН ХОМЕ ДОО Скопје, како универзален снабдувач со електрична енергија.

Во согласност со Тарифниот систем бр. 01-2437/1 од 17.11.2023 година, побаравме од ЕВН доставување на низа информации од суштинско значење за транспарентноста на процесот на формирање на цените на електричната енергија, меѓу кои се:

Финансиски извештаи и бруто биланси за 2023 и 2024 година,

Податоци за набавена и планирана електрична енергија за 2023, 2024 и 2025 година,

Број на домаќинства и мали потрошувачи, како и нивната потрошувачка во последните 12 месеци,

Локации на веб страните од јавно објавените предлог-одлуки и мислења од јавноста,

Објаснување за математичките методи за формирање на цените и применетите коефициенти.

Ова барање е поднесено поради сомневања за можни несогласувања во објавените цени и коефициенти при формирањето на цената на електричната енергија, за кои е потребно детално образложение и транспарентна проверка. Целта е да се обезбеди јавно одговорно и отчетно управување со процесот на одредувањето на цената, што е од исклучителен јавен интерес.

Очекуваме целосен одговор во рок од пет дена, идентично како роковите што се пропишано со Тарифниот систем при прибирањето на мислења и предлози од јавноста во врска со Предлог одлуките за цените кои ги носи универзалниот снабдувач ЕВН.

Оригиналниот текст на барањето е приложен кон ова соопштение.

БАРАЊЕ ЗА ДОСТАВУВАЊЕ НА ПОДАТОЦИ СОГЛАСНО ТАРИФНИОТ СИСТЕМ

Почитувани,

Согласно одредбите од Тарифниот систем за продажба на електрична енергија на потрошувачите кои ги снабдува универзалниот снабдувач и снабдувачот во краен случај Бр. 01-2437/1 од 17 ноември 2023 година (во натамошниот текст Тарифникот) бараме да ни ги доставите следните информации:

1) Финансиските извештаи за 2023 и 2024 година, заедно со сите прилози изготвени согласно барањата на меѓународните сметководствени стандарди, и ревидирани од страна на овластен ревизор;

2) Бруто билансите за 2023 и 2024 година;

3) Финансиско-сметководствени информации кои ги имате доставено до Регулаторната комисија за енергетика за 2023 и 2024 година,

4) Податоците за набавена електрична енергија, како и податоци за планирана набавка на електрична енергија за 2023, 2024 и 2025 година;

5) Податоците за бројот на домаќинства и мали потрошувачи вклучувајќи и ја нивната потрошувачка во последните 12 месеци од 2023, 2024 и 2025 година;

Наведените податоци бараме да ни ги доставите во електронска форма во формат што овозможува нивна понатамошна обработка.

Дополнително бараме да ни ги прикажете:

1) Линковите каде се објавени предлог одлуките со образложение за начинот на формирање на продажните цени вклучително и податоците врз основа на кои е направена пресметката, (на која од вашите веб страници истите се објавени во периодите пред 5 декември годините 2023 и 2024)

2) Линковите од веб страницата каде се објавени добиените мислења и предлози од заинтересираните правни и физички лица во однос на предлог одлуката од 2023 и 2024 година, а кои потоа сте ги доставиле до Регулаторната комисија за енергетика во рок не подолг од два дена од денот на добивањето, согласно одредбите од член 14 став (3) од Тарифникот.

Во врска со одлуката за формирање на продажни цени за вршење на енергетската дејност снабдување со електрична енергија на потрошувачи кои ги снабдува универзалниот снабдувач ЕВН ХОМЕ ДОО Скопје Бр. 02-1129/2-1 од 20.12.2024 година, а поради сомневање за можни грешки во коефициентите за кои не можеме ја утврдиме нивната точност, бараме објаснување:

1) Како се добиени цените на пресметковните елементи во износ од 15,1845 ден/kWh за категоријата мали потрошувачи, ако утврдената просечна цена е 4,6244 ден/kWh, а коефициентите се 0,8296?

2) Како, според која математичка метода или формула се определени коефициентите за категоријата мали потрошувачи за четирите високите тарифи и ниската тарифа?

Сите овие податоци бараме да ни се достават електронски во рок кој не може да биде подолг од пет дена од денот на испратеното барање, што е идентично како и роковите кои се предвидени за прибирање на мислењата и предлозите од заинтересираните правни и физички лица во однос на предлог одлуката која ја објавувате на вашата веб страна согласно одредбите од член 14 став (2) од Тарифникот.

ИНЖЕНЕРИ НА РЕПУБЛИКА МАКЕДОНИЈА - ИРМ

Тагови: ЕВН

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Распад на ЗНАМ – во тек е последната битка за фотелји меѓу Максо и Минчев

Се случува тотален распад на ЗНАМ. 

СДСМ: Распад на ЗНАМ – во тек е последната битка за фотелји меѓу Максо и Минчев

ЗНАМ беше вештачки создаден проект чија единствена цел беше да го ослабне СДСМ и да му обезбеди гласови на Мицкоски.

Сега, кога таа функција е завршена, дојде време за нивниот крај.

Во ЗНАМ во тек е последната битка за фотелји и тендери меѓу единствените што останаа, Горан Минчев и Максим Димитриевски.

Веќе не му се потребни на Мицкоски, па меѓусебе се борат за последните остатоци од она што им беше ветено.

Класичен пример на политичка корупција и морален банкрот на луѓето кои прво ја предадоа својата партија а потоа и своите гласачи.

Влегоа во политиката исклучиво за лична корист, ја наплатија својата улога на сателит на ВМРО, а наскоро ќе бидат фрлени во ѓубриштето на политичката историја.

Кога некој ја продава својата идеологија, својата партија и своите гласачи за фотелја, тоа не е политика. Тоа е предавство за пари.

Бидејќи ЗНАМ веќе не постои ниту во анкетите ниту во гласови, Христијан Мицкоски работи на создавање на нов сателит - ЗНАМ 2.0.

Граѓаните го препознаваат тоа и нема да дозволат да бидат излажани.

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

СЗО: 1.300 луѓе починаа од високите температури во Европа

Незапаметениот летен топлотен бран во Европа веќе однесе стотици животи, предупреди шефот на СЗО, Тедрос Аданом Гебрејесус.

СЗО: 1.300 луѓе починаа од високите температури во Европа

Само од 21 јуни наваму се регистрирани повеќе од 1.300 прекумерни смртни случаи поврзани со високите температури, кои тој ги нарече „тивок убиец“.

Најпогодена е Франција, каде здравствените власти пријавија околу 1.000 смртни случаи повеќе од очекуваното, главно кај лица над 65 години. Високите температури предзвикаа и огромни економски загуби и штети. Во Германија пукна асфалт и бетонски површи на автопатите, искривини пруги.. Жештините го загрозија и енергетскиот сектор.

Унгарската нуклеарна централа „Пакш“ мораше да го намали производството бидејќи реката дунав е премногу топла за да служи како ладилник. Во Италија, реката по пресушува, што дозволува продор на морска вода во внатрешноста и сериозно го загрозува земјоделството.

Црната статистика ја дополнуваат и десетици случаи на давење на луѓе кои барале спас од жештините во водите ширум континентот.

Тагови: СЗО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Мадона призна дека и била љубоморна на оваа пејачка!!-„Никогаш нема да бидам толку убава како неа“

Светската музичка ѕвезда, кралицата на поп-музиката Мадона во ново интервју откри дека во минатото и била малку љубоморна на својата колешка Кајли Миног затоа што сметала дека австралиската пејачка е премногу слатка.

Мадона призна дека и била љубоморна на оваа пејачка!!-„Никогаш нема да бидам толку убава како неа“

Имено, Мадона разговараше за ова и за голем број други теми со Греам Нортон во познатата лондонска концертна сала Коко.

Водителот ја потсети Мадона на доделувањето на MTV Europe Music Awards во 2000 година, кога носеше маица со името на Кајли Миног напишано со циркони. Тој беше заинтересиран како се појавила таа модна идеја.

„Бев во мојата вестерн фаза, лепев кристали на сè и размислував за пејачите во кои бев малку заљубена“, се присети Мадона.

„Секако дека помислив на Кајли и направив маица со нејзиното име на неа.“

Миног, која исто така учествуваше во интервјуто, се присети на својата реакција кога ја виде маицата на Мадона.

„Немаше никаква најава. Не знам што направив, веројатно речиси се онесвестив. Беше неверојатно“, рече таа.

Потоа Мадона ги сподели своите искрени мисли за австралиската ѕвезда.

„Всушност, малку ти љубоморев“, истакнала мадона.

„Зошто?“, праша Нортон. „Затоа што беше толку слатка“, одговори Мадона, алудирајќи дека нејзиниот тогашен сопруг, режисерот Гај Ричи, исто така влијаел врз нејзините чувства.

„Мислев: „Никогаш нема да бидам толку убава како Кајли!““

Нортон ја искористи можноста да ги провери гласините за можна соработка меѓу двете музички ѕвезди на новиот албум на Мадона, кој треба да излезе на 3 јули. „Се шпекулира дека Кајли е на албумот „Confessions II“. Можете ли да го потврдите тоа?“, праша тој. Пејачите се насмевнаа и гледаа, но не сакаа да ги потврдат или негираат шпекулациите. „Зошто мора да знаете сè? Толку сте љубопитни“, одговори Мадона на крајот.

Тагови: Мадона

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер