Иранските демонстранти палат полициски станици: Ќе умреме, ама ќе го вратиме Иран (ВИДЕО)

Демонстрантите во Техеран и другите ирански градови денеска запалија полициски станици и возила, изразувајќи го својот гнев поради девојката која почина во притвор на моралната полиција.

Иранците продолжуваат да протестираат поради смртта на 22-годишната Махса Амини, која почина во притвор откако минатата недела беше уапсена од полицијата за немири поради наводно непочитување на правилото за хиџаб. Очевидци тврдат дека полицијата ја однела во возило и ја претепала. Властите ветија дека ќе спроведат истрага за нејзината смрт.

Немирите во делови од Иран се најголемите улични судири од 2019 година. Најголем дел од протестите се одржуваат во иранскиот Курдистан на северозападот на земјата, но тие се проширија и во Техеран и околу 50 други градови низ земјата.

Полицијата употребува сила за да ги растера демонстрантите. Хуманитарните организации наведуваат дека во протестите загинале 31 лице.

Иранските новински агенции Тасним и Фарс јавуваат дека за време на немирите, демонстрантите досега убиле четворица членови на провладината паравоена група Басија - полиција за ред и мир.

Демонстрантите на маршовите велат дека „ќе умрат, но и ќе го вратат Иран“.

Смртта на Амина го разгори гневот низ Исламската Република поради ограничувањата на личните слободи, вклучително и строгите кодекси за облекување за жените и девојчињата. Огромното незадоволство дополнително беше поттикнато од колапсот на економијата погодена од санкциите.

Иранските верски водачи стравуваат од повторување на сценариото од 2019 година, кога 1.500 луѓе беа убиени во протестите поради покачувањето на цената на бензинот.

Кремљ: Сопственикот на Телеграм треба да биде повнимателен

Портпаролот на Кремљ, Дмитриј Песков, изјави дека нема планови за блокирање на апликацијата, но оти Дуров треба да биде повнимателен.

Кремљ го предупреди сопственикот на Телеграм, Павел Дуров, да биде повнимателен откако се појавија информации дека апликацијата била користена за да се помогне во регрутирањето на вооружените лица, кои го извршија нападот на концертната сала во близина на Москва.

Портпаролот на Кремљ, Дмитриј Песков, изјави дека нема планови за блокирање на апликацијата, но оти Дуров треба да биде повнимателен.

- Ќе очекуваме зголемено внимание од Павел Дуров, бидејќи овој уникатен и феноменален ресурс од технолошка гледна точка, кој всушност растеше пред нашите очи, сè повеќе станува алатка во рацете на терористите, користена за терористички цели, посочи Песков.

Руската државната новинска агенција РИА Новости објави дека напаѓачите биле регрутирани преку радикален канал на Телеграм, кој припаѓа на групата Исламска држава - Хорасан.

Во текот на изминатите 2 дена, рускиот регулатор за комуникации „Роскомнадзор“ го ограничи пристапот до 11 канали на Телеграм поради „содржини поврзани со тероризам“.

Го забрзавме откривањето и верификацијата на каналите на Телеграм. Поконкретно, регистрираме создавање на канали, кои наводно известуваат за нови терористички напади. Тие се создадени со цел да се заплаши населението. Во изминатите два дена ограничен е пристап до 11 такви канали, се наведува во соопштението на „Роскомнадзор“.

Телеграм, основан од Дуров, е со седиште во Дубаи. Дуров (39) ја напушти Русија во 2014 година и живее во Дубаи, има двојно државјанство на Франција и Обединетите Арапски Емирати. Форбс го проценува богатството на Дуров на 15,5 милијарди долари.

Аустриан ерлајнс го започна својот штрајк кој ќе трае 36 часа

Триесет и шестчасовниот штрајк на вработените во Аустриан Ерлајнс (Austrian Airlines) почна денеска и веќе има откажани летови, јавија австриските медиуми. 

Според одлуката на синдикатот „Вида“, денеска и утре ќе бидат откажани вкупно 400 летови. Најмногу беа погодени аеродромите во Виена, Инсбрук, Грац и Клагенфурт, како и околу 50 илјади патници, според податоците на авиокомпанијата.

Аустриан Ерлајнс проценува 24 милиони евра загуби предизвикани од откажување летови во текот на тековните колективни преговори за договарање. Спорот за колективниот договор за труд трае веќе со недели, а досега 17 рунди преговори се без резултат. Синдикатот најави нова работна средба за 4 април.

Стотици летови се откажани од почетокот на преговорите. Откажани се и летовите од Виена до Скопје и обратно. На официјалната веб страница на Меѓународниот аеродром Скопје не се ставени ниту полетувањата, ниту слетувањата со оваа авиокомпанија.

Дебата на тема„Има помош за живот без насилство“ во организација на УНФПА

Веќе трета година по ред во Македонија се спроведува  проектот „Превенција и заштита од родово-базирано насилство во Македонија“ под покровителство на министерството за труд и социјала, британската амбасада и УНФПА.

Во рамки на проектот досега функционира програмата за реинтеграција на жртви, моделот за шелтер-засолниште на жртви на семејно насилство, а се даваат и препораките за подобрување на услугите на сос линиите за помош на жртвите.

притисни ентер