Македонија

Иран утрово повторно нападна неколку земји од Персискиот Залив, се огласија сирените за узбуна во Израел

ИДФ утрово објави дека е лансиран нов бараж од ракети и беспилотни летала против Израел, а сирени се огласија во тие области.

Земјите од Персискиот Залив објавија дека ноќеска и утринава Иран извел нови напади, еден ден откако Техеран ги повикаа Обединетите Арапски Емирати да ги евакуираат трите главни пристаништа, упатувајќи за првпат од почетокот на конфликтот закана кон имот што не е американски и за ширење на конфликтот во регионот на Блискиот Исток.

ИДФ утрово објави дека е лансиран нов бараж од ракети и беспилотни летала против Израел, а сирени се огласија во тие области.

Техеран ги обвини САД дека користат „ пристаништа и скривалишта“ во ОАЕ за да започнат напади врз островот Карг, каде што се наоѓа главниот нафтен терминал на Иран преку кој се наоѓа извозот на нафта, без да даде докази за тоа, објавуваат американските медиуми.

Обединетите Арапски Емирати објавија околу 4:30 часот утрово дека нивните противвоздушни системи реагираат на ракетни и напади со беспилотни летала од Иран.

Нападите следеа по пожарот што го зафати пристаништето Фудаира, каде што се наоѓа главниот терминал за извоз на нафта на источниот брег на земјата, по вчерашниот напад со беспилотни летала.

Министерството за одбрана на Саудиска Арабија утрово објави дека неговите противвоздушни системи пресретнале и уништиле 10 беспилотни летала над главниот град Ријад и источниот регион на кралството.

Истовремено, Бахреин објави дека ги вклучил сирените и ги повика жителите да се упатат кон најблиското засолниште.

Во текот на ноќта, САД им наредија на неоперативните владини претставници и членови на нивните семејства да го напуштат Оман од безбедносни причини.

Кувајт утрово објави дека Националната гарда соборила пет ирански беспилотни летала во претходните 24 часа.

Доцна синоќа, Катар објави ажуриран извештај за нападите со ракети и беспилотни летала што ги одби вчера, но не пријави никакви нови напади во текот на измината ноќ.

Израелската армија рано утрово објави дека Иран лансирал уште една салва од ракети кон Израел. Сирени се огласиле во Тел Авив и други области и се слушнале експлозии.

Израелската војска објави дека сирените ги предупредиле жителите во областите под напад и дека е активирана противвоздушна одбрана.

Во денешното соопштение, иранската Заедничка воена команда го обвини таканаречениот „непријател“ дека користи копии од иранските беспилотни летала за напад врз соседните земји со цел да го обвини Техеран, објавија иранските државни медиуми.Во соопштението се вели дека копии од иранските беспилотни летала Шахед-136, познати како LUCAS, биле користени за да се погодат „неважни цели во земјите во регионот“, вклучувајќи ги нападите врз Турција, Ирак и Кувајт. Тие не дадоа докази за ова.

Американските медиуми прецизираат дека Иран вообичаено го користи зборот „непријател“ кога се осврнува на САД и Израел.

Тагови: Иран

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЦУК: Наскоро граѓаните ќе ја имаат на располагање апликацијата „Where Are You“

Директорот на ЦУК истакна дека наскоро граѓаните ќе ја имаат на располагање апликацијата „Where Are You“.

Апликацијата ќе овозможи:

• Прецизно испраќање на локацијата од местото на настанот;

• Испраќање фотографии од местото на настанот;

• Испраќање видеа од местото на настанот;

• Директна видео-комуникација со Оперативниот Центар во итни ситуации.

Дополнително, ќе биде достапна и функцијата „Silent Call“, која ќе им овозможи на жртвите на семејно насилство и на лицата кои се наоѓаат во опасност тивко и безбедно да побараат помош.

Со воведувањето на овие нови функционалности продолжуваме да го модернизираме системот 112, обезбедувајќи поголема сигурност за граѓаните, попрецизно пренесување на информациите и поефикасна реакција на надлежните служби во итни ситуации.

ЦУК

Тагови: ЦУК

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Комисијата за финансирање и буџет одржа средба со експерти од ТАИЕКС-проектот за независноста на НБ

На средбата беше реализирана конструктивна и плодна дискусија за прашања поврзани со независноста на Народната банка, монетарната политика и специфичните надлежности и обврски на централната банка.

Во Собранието, денеска, се одржа средба на претседателката на Комисијата за финансирање и буџет, Сања Лукаревска, и заменик-членот на Комисијата, Мартин Стојановски, со тимот експерти на ТАИЕКС-проектот, поддржан од Европската комисија, на тема „Заштитата на независноста на Народната банка во Република Македонија“.

На средбата беше реализирана конструктивна и плодна дискусија за прашања поврзани со независноста на Народната банка, монетарната политика и специфичните надлежности и обврски на централната банка. Воедно, беа разгледани и прашања што се однесуваат на постапките за именување на гувернерот, вицегувернерите и членовите на Советот на Народната банка, како и извештаите на Народната банка и усогласеноста на националното законодавство со меѓународните стандарди и практики во областа на централното банкарство.

Претседателката на Комисијата, Сања Лукаревска, им се заблагодари на експертите за размената на искуства и добрите практики, истакнувајќи дека ваквите средби придонесуваат за унапредување на законодавната рамка и за зајакнување на институционалната независност на Народната банка.

Тагови: ТАИЕКС

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Минчев во Струмица: ЗНАМ продолжува со работни средби со локалните организации и членството

ЗНАМ продолжува со работни средби со локалните организации и членството.

Генералниот секретар на Движењето ЗНАМ за Наша Македонија, Горан Минчев заедно со членот на ИО, Ивана Ѓорѓиевска, денес оствари работна посета на Општинската организација во Струмица, во рамки на караванот „Европска ЗНАМ, Европска иднина, Европска Македонија“.

Средбата со Извршниот одбор во проширен состав на ОО ЗНАМ Струмица беше можност за отворен разговор за актуелните состојби во организацијата, реализираните активности и плановите за периодот што следува. Беа разменети мислења за предизвиците на локално ниво, за потребата од уште посилна поврзаност меѓу членовите и за понатамошно унапредување на работата на организацијата.

Во фокусот на разговорите беа и активностите што произлегуваат од одлуките на Централниот одбор, особено изборните постапки за делегати, како и номинирањето кандидати за координативните тела на Клубот на млади и Клубот на жени. Овие процеси претставуваат важен чекор кон поголема вклученост на членството и создавање нови кадри кои ќе придонесат кон понатамошниот развој на ЗНАМ.

Караванот „Европска ЗНАМ, Европска иднина, Европска Македонија“ продолжува низ цела Македонија, со јасна цел, силни локални организации, активни членови и политики што произлегуваат од потребите на граѓаните.

Центар за комуникации и аналитика

ЗНАМ

Тагови: ЗНАМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.