Свет

Иран призна дека по грешка го соборил украинскиот авион

Иран призна дека авионот во кој загинаа  176 патници во близина на Техеран го погодиле со ракета, Украина побара извинување.

Командантот на Иранската револуционерна гарда генералот Амир Али Хаџизаде изјави дека неговата единица прифаќа „целосна одговорност“ за падот на патничкиот авион.Во своето обраќање на државната телевизија, Хаџизаде рече дека кога дознал за несреќата на авионот „посакал да е мртов“.

Објаснувањето на иранската војска е дека авионот е погоден од ракетата ненамерно и тоа во моментот кога леталото поминувало во близина на воен објект на револуционерната гарда . Одговорните за ракетирањето, како што тврди Иран, ќе одговараат во рамките на армијата.

Иранскиот претседател Хасан Рохани на Твитер напиша дека Иран најдлабоко жали за „катастрофалната грешка“,а Министерот за надворешни работи Мохамед Џавад Сариф рече дека ракетирањето е резултат на „човечка грешка во кризни времиња, предизвикани од американската авантуристичка политика“.

Американскиот претседател Трмп денеска изјави дека Иранскиот генерал, Касам Сулејмани, кој беше убиен од страна на американците, имал планирано напади врз четири американски амбасади.

Украинскиот претседател Володимир Зеленски од Техеран побара сторителите да одговараат и да се плати обесштетување. „Денешново утро не беше добро, но барем ја изнесе вистината на виделина’, напиша Зеленски на Твитер. Освен тоа, украинскиот претседател од Техеран очекува „целосна и отворена истрага“.

Канадскиот премиер Џастин Трудо порача дека очекува целосна соработка од иранските власти во истрагата за падот на украинскиот патнички авион над Техеран, во која загинаа и канадски државјани.

.Авионот беше соборен во средата наутро, непосредно по полетувањето од Техеран. И тоа за кратко време кога ирански ракети погодија американски бази во Ирак, со цел да се одмаздат за убиството на иранскиот генерал Касем Сулејмани .

Меѓу патниците кои загинаа во авионската несреќа во Иран имаше 82 државјани на Иран и 57 Канаѓани, како и државјани на Украина, Шведска, Авганистан, Германија и Британија. До вчера, Иран упорно ги демантираше обвинувањата на САД и Канада кои твдреа дека имаат информации дека тие се виновници за падот на авионот, а иран нивните тврдења ги нарече „психолошка војна“.

Свет

Калињак: Словачкиот премиер Фицо е надвор од животна опасност

 Словачкиот премиер Роберт Фицо е надвор од животна опасност по обидот за атентат, изјави денеска министерот за одбрана и вицепремиер Роберт Калинак за словачката новинска агенција ТАСР.

Состојбата на Фицо се подобрува и вчера беше соопштено дека е стабилизирана, според министерката за здравство Зузана Долинкова.

Лекарската комисија утре треба да одлучи дали тој ќе биде префрлен. Фицо моментално се опоравува во универзитетската болница во Банска Бистрица.

Фицо беше тешко повреден на 15 мај, по седницата на Владата во градот Хандлова, кога 71-годишниот писател Јурај Цинтула, од непосредна близина неколку пати пукаше со пиштол во него. Специјалниот кривичен суд во словачкиот град Пезинок, со силно полициско обезбедување вчера му одреди притвор на Цинтула. /МИА

Свет

Во Унгарија две лица загинаа во судир на чамци на Дунав

Унгарската полиција објави дека две лица загинале, а пет се водат како исчезнати по судар на чамци на Дунав северно од Будимпешта.

Доцна во саботата полицијата добила дојава дека на брегот на Дунав во близина на градот вероча, на околу 50 километри северно од Будимпешта е пронајден маж со крвавење од глава.

Полицијата утврдила дека во несреќата со чамецот учествувал мажот, а подоцна во близина биле пронајдени тела на маж и жена.

Полицијата се уште трага по уште пет лица кои се наоѓале во тој чамец.

Истрагата утврдила дека во оваа област во моментот на несреќата имало и хотелски чамец, кој бил запрен со оштетен труп во близина на градот Комарома.

Македонија

Мицкоски: По прегласувањето во ИЕ 5 очекуваме обезбедување двотретинско мнозинство

 Претседателот на ВМРО-ДПМНЕ Христијан Мицкоски по прегласувањето во изборната единици 5 очекува обезбедување двотретинско мнозинство од 62 пратеника во Парламентот. 

Како што изјави денеска во своето обраќање во делчевското село Разловци, каде присуствуваше на одбележување на годишнината од Разловечкото востание, ова е историска можност за државата.

-Фокусирајќи се на народот, имаме навистина би рекол една историска можност како никогаш досега, во овие повеќе од три децении. Се уште имаме малку да ја завршиме задачата, на 22-ми мај ќе има прегласување во изборната единица 5, очекуваме уште еден пратеник таму и веќе на следното мое обраќање со вас со народот на Македонија да не кажувам за 61, туку да зборувам веќе за 62 пратеника, рече Мицкоски.

Следната цел, како што рече, е две третини во Парламентот. - Мислам дека и тоа многу скоро, денеска веќе, кон крајот на следната недела ќе можеме и тоа да го оствариме, со што ќе биде променет законот за организација на ресорите во самата Влада ќе добиеме нова структура на Влада, модерна Влада, влада којашто ќе одговара на потребите на граѓаните во Македонија, рече Мицкоски.

Потоа, како што додаде, ќе отпочне еден историски реформскиот процес кој што е досега невиден Македонија.

-Во првите 100 дена очекуваме исклучително добри вести за сите граѓани, во смисла на подобрување на стандардот, една финансиска бомба би рекол. Ние нема да се занимаваме, со политички бомби, со ниски страсти, со напади, ние планираме да работиме за подобрување на стандардот на граѓаните, тоа е нашата цел и планираме да го заслужиме нашето место во историјата, додаде Мицкоски.

Во рамки на посетата на Разловци, Мицкоски положи цвеќе пред спомен-плочата на Поп Стојан, еден од организаторите на Разловечкото востание.

притисни ентер