Инженерите на НАСА се изненадиле од одговорот од најоддалечениот сателит во вселената - Канал 5

Технологија

Инженерите на НАСА се изненадиле од одговорот од најоддалечениот сателит во вселената

Инженерите на НАСА испратија сигнал до Војаџер 1 и одговорот од најоддалеченото вселенско летало во вселената ги изненади.

Инженерите на НАСА се изненадиле од одговорот од најоддалечениот сателит во вселената

Наместо неупотребливи податоци - наизменични низи од единици и нули - кои пристигнуваат на Земјата со месеци, овој пат пристигнале податоци кои може да се дешифрираат, што дава надеж дека е можно да се поправи комуникацискиот систем на вселенското летало што е на повеќе од 24 милијарди километри далеку во вселената.

Вселенското летало Војаџер 1 испраќа радио сигнал на Земјата од ноември 2023 година, но без употребливи податоци. Причината за ова е проблем со еден од трите компјутери на сондата - Подсистемот за податоци за летот (FDS), кој е одговорен за пакување на научни и инженерски податоци пред да ги испрати на Земјата, објави НАСА на својот блог.

- Тимот на мисијата Војаџер на 3 март забележале активност на дел од ФДС што се разликува од другите нечитливи податоци испратени од компјутерот. Новиот сигнал сè уште не е во форматот што го користи Војаџер 1 кога FDS работи нормално, но тимот веднаш не знаеше што значи тоа. Инженер во Deep Space Network, кој ги контролира антените одговорни за комуникација со Војаџерите и со сите вселенски летала што летаат од Месечината наваму, успеа да го декодира новиот сигнал и откри дека ја содржи целата меморија на FDS, соопшти НАСА.

Меморијата FDS ги содржи сите собрани податоци и инструкции и може да се преземе. Овој нов сигнал е резултат на командата испратена до Војаџер 1 на првиот ден од март. Тимот го нарече „копче“, а целта на командата беше да му „шепне“ FDS да проба други секвенци во неговиот софтверски пакет.

Бидејќи Војаџер 1 е толку далеку од Земјата, потребни се 22,5 часа радио сигналот да стигне до него, а потоа уште 22,5 часа за да се врати назад до командата. На 7 март инженерите почнале да ги декодираат податоците и на 10 март утврдиле дека пораката ги содржи податоците што сега ги анализираат.

- Извештаите за смртта на Војаџер 1 можеби биле предвремени! Инженерите на НАСА добија ветувачки одговор од нашето најоддалечено вселенско летало, а тоа би можело да помогне во решавањето на проблемот со податоците - изјави Кори С. Пауел, популаризатор на науката, на платформата Икс (Твитер).

- Дијагностицирање и поправка на компјутер стар 47 години и оддалечен повеќе од 15 милијарди милји. Неверојатно - објави аналитичарот Џо Мекендрик на X.

Сузан Дод, проект менаџер на мисијата Војаџер во Лабораторијата за млазен погон (JPL) на НАСА, неодамна рече дека поправката на компјутерите на овие вселенски летала е предизвик бидејќи тие се примитивни машини кои се послаби дури и од денешните клучеви за автомобили.

Војаџер 1 е едно од двете вселенски летала од програмата Војаџер што беше испратено да ги проучува најоддалечените планети на Сончевиот систем, а потоа и меѓуѕвездениот простор. Интересно е што Војаџер 2 беше лансиран прв на 20 август 1977 година, а Војаџер 1 полета само 16 дена подоцна. И двата ја завршија својата мисија во Сончевиот систем и влегоа во меѓуѕвездениот простор - Војаџер 1 во 2012 година, а Војаџер 2 во 2018 година. Првиот досега поминал околу 24,35 милијарди километри и станал најдалечниот објект направен од човек во универзумот, а другиот е на 20,4 милијарди.

Двата објекти носат со себе таканаречена златна чинија со пораки за вонземјани на 59 јазици: „Ви посакуваме се најдобро од нашата планета“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Франција ја ограничува продажбата на алкохол за време на топлотниот бран

Француските власти воведоа забрани за консумирање и продажба на алкохол на јавни места во Париз, во обид да го намалат притисокот врз болниците во главниот град за време на топлотниот бран.

Франција ја ограничува продажбата на алкохол за време на топлотниот бран

На парижаните ќе им биде забрането да пијат алкохол на јавни места од пладне во петок до 7 часот наутро во сабота. Мерките ќе бидат во сила во истото време од сабота до недела.

Топлотниот бран што ги остави шпанија, Велика Британија и Франција прегреани со денови ќе се помести кон исток, а метеоролозите во Германија и Чешка предупредуваат на екстремни температури.

Температурите во Германија би можеле да достигнат 40 степени целзиусови низ целата земја во петок. во поголемиот дел од Чешка е во сила предупредување за екстремни временски услови.

Забраната за продажба на алкохол ќе биде во сила од 18:00 часот во петок до 7:00 часот во сабота во главниот град, а повторно во истото време од сабота до недела.

Тагови: Алкохол

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Спасена Венецуелка: Се држев за довратокот, додека сите катови се уриваа (ВИДЕО)

Спасувачките екипи се тркаат со времето додека ги пребаруваат урнатините за преживеани откако два силни земјотреси ја погодија Венецуела во близина на главниот град.

Спасена Венецуелка: Се држев за довратокот, додека сите катови се уриваа (ВИДЕО)

Грасиела Мора беше свесна додека вработените во службите за итни случаи и волонтерите ја извлекуваа од урнатините на срушената зграда во Ла Гваира. „Кога започна тресењето, ја зграпчив рамката на вратата најсилно што можев“, вели таа, „толку силно што си го скршив прстот“.

Зборувајќи пред камера неколку моменти по спасувањето, додека сè уште беше на носилка, таа рече дека се држела за рамката на вратата „сè додека сите катови не се срушија“. „И тогаш видов рака и ја зграпчив“, го опиша моментот кога сфатила дека ќе биде спасена.

YouTube video

Помош пристигнува од целиот свет, а американската војска испраќа бродови и транспортни авиони. Бројот на исчезнати лица моментално изнесува 50.113. Најмалку 589 лица загинаа, а најмалку 4300 се повредени.

Луѓето спиеја на улиците, плашејќи се да се вратат во своите домови, додека спасувачите немаа опрема, а граѓаните копаа и со голи раце за да помогнат во извлекувањето на луѓето од урнатините. Шест тима кучиња-трагачи со водичи беа испратени во Венецуела.

Потсетете се дека првиот земјотрес со магнитуда од 7,2 степени беше проследен со уште посилен, со магнитуда од 7,5 степени. И двата земјотреси се случија близу до површината, предизвикувајќи уште поголеми разурнувања.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Дали пензионерите би можеле да се соочат со значително пониски пензии?

Вистинска паника меѓу сегашните и идните пензионери предизвикаа најавите дека тие  би можеле да се соочат со значително пониски пензии доколку не се спроведат реформи во пензискиот систем.

Дали пензионерите би можеле да се соочат со значително пониски пензии?

На оваа тема пред малку со директорот на ПИОМ Никола Мемов разговараше колегата Дејан Трајковски, го имаме во живо...

Дејан, што вели Мемов дали има место за загриженост околу пензиите?

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер