ИНРМ: Црквите под удар на ЕВН – помош бараат од ИНРМ, а правда од РКЕ - Канал 5

ИНРМ: Црквите под удар на ЕВН – помош бараат од ИНРМ, а правда од РКЕ

Претставници од Преспанско-Пелагониската православна епархија – Битола, побараа помош од ИНРМ во врска со сериозните проблеми кои ги имаат со начинот на наплата за потрошена електрична енергија. 

ИНРМ: Црквите под удар на ЕВН – помош бараат од ИНРМ, а правда од РКЕ

Поединечните црковни објекти на епархијата (цркви, параклиси, манастири) немаат пристап до фактури во соодветна форма, со што црковните одбори, кои најчесто се составени од постари лица, не се во можност да ја следат навреме состојбата со долговите. Па наместо да бидат предупредени со навремена опомена, објектите остануваат без информација сѐ до моментот кога веќе е покрената постапка за извршување и присилна наплата. Овие црковни објекти ЕВН ги води под еден кориснички број, па при било каков долг на било кој објект се врши присилна наплата преку извршители, притоа без било каква претходна опомена. Ваквата постапка е неправедна и директно ги крши основните обврски за транспарентност, еднаков третман и индивидуализирана наплата, пропишани во Законот за енергетика и Правилата за снабдување. Претставниците на Епархијата со право сметаат дека, ЕВН треба да постапува на начин каде објектите кои не платиле фактури треба да бидат исклучени од мрежата согласно законската процедура, што би претставувало јасен сигнал дека постои обврска која треба да се подмири. Таквиот начин би бил фер и транспарентен пристап со кој не би се доведувале во ситуација извршители да наплатуваат долгови за кои епархијата не може ниту да биде свесна дека постојат. Праксата со која сите црковни објекти на епархијата (цркви, параклиси, манастири) се водат под еден заеднички кориснички број не дава можност секој објект да биде индивидуално следен, да добие посебна фактура и што е најважно да одговара исклучиво за сопствената потрошувачка. Наместо тоа, долговите на поединечни објекти автоматски се претвораат во колективен долг на целата епархија, врз основа на кој се покренуваат извршни постапки и присилна наплата. Таквиот модел на наплата е крајно нетранспарентен, административно нефункционален и правно спорен.

По разгледување на случајот кој ни го презентираа, ги советувавме сето ова да го образложат во официјална претставка до Регулаторната комисија за енергетика како орган кој е надлежен да постапува кога се нарушени правата на потрошувачите. Претставниците на епархијата го прифатија советот и доставија писмен приговор до РКЕ, со кој укажаа на низата нерегуларности и дискриминаторски практики од страна на ЕВН.

Сметаме дека Регулаторната комисија има обврска да ја уважи поднесената претставка, бидејќи случајот содржи низа правни и системски неправилности што се спротивни на националната регулатива пред сé на Законот за енергетика, но и на подзаконските акти, меѓу кои и Правилата за снабдување со електрична енергија кои се сѐ уште во сила.

Ваквиот однос на ЕВН Хоме и ЕВН Електродистрибуција се неприфатливи, бидејќи станува збор за компании кои иако потекнуваат од Австрија, тое сепак имаат обврска да ги почитуваат Уставот, законите и прописите на Република Македонија. Не е дозволиво снабдувачот да создава услови во кои потрошувачите се дискриминирани, ставени во нерамноправна положба или лишени од пристап до точни и навремени информации. Не смее да се применуваат практики што ја ускратуваат можноста за транспарентна наплата, правна сигурност и еднаков третман.

Од тие причини, ИНРМ ја поддржува поднесената претставка и бара од Регулаторната комисија за енергетика да постапи по истата во најкус можен рок, да спроведе увид во случајот и да наложи соодветни мерки кон снабдувачот и операторот. Верските објекти и сите потрошувачи мора да бидат заштитени од системска неправда и непочитување на правата што им следуваат по закон.

Инженери на Република Македонија - ИНРМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Мајмун нападна жена среде улица и крвнички ја изгриза (Вознемирувачко видео)

Жителите на комплексот Инфиниум Флетс во Индија се соочија со сериозен проблем откако агресивен мајмун нападна жена пред нејзиниот дом на 13 ноември, каснувајќи ја повеќе пати.

Мајмун нападна жена среде улица и крвнички ја изгриза (Вознемирувачко видео)

Жртвата претрпе сериозни повреди, додека снимките од безбедносните камери ги забележаа драматичните моменти и предизвикаа страв кај другите жители.

Повреди на телото

Вознемирувачката снимка го прикажува дивото животно како одеднаш ја напаѓа жената, која не направи ништо за да го испровоцира. Мајмунот ја каснува повеќе пати, додека таа вреска и се обидува да се одбрани.

Таа претрпе длабоки повреди на телото, поради што веднаш беше однесена во блиската болница, каде што доби медицинска помош, објавува Дејли Стар.

Жителите велат дека веќе некое време се справуваат со мајмуни во комплексот, а најновиот напад повторно го отвори прашањето за безбедноста на жителите.

Сериозен проблем

Снимката оттогаш се појави на социјалните мрежи и предизвика бројни дискусии за присуството на мајмуни во станбените области.

Соседите велат дека нападот толку многу ги исплашил луѓето што жените и малите деца сега се плашат да ги напуштат своите домови. Според нив, зголеменото присуство на мајмуни во урбаните средини стана сериозен проблем, но властите сè уште не презеле никакви конкретни чекори за да го решат. Агресивниот мајмун подоцна бил фатен од службеници на Шумскиот оддел, што исто така било снимено со камера.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Лагард размислува за нова раководна функција по оставката во Европската централна банка

Претседателката на Европската централна банка (ЕЦБ), Кристин Лагард, денеска изјави дека по напуштањето на таа позиција, би можела да размисли за преземање лидерска позиција на Светскиот економски форум.

Лагард размислува за нова раководна функција по оставката во Европската централна банка

Претседателката на Европската централна банка (ЕЦБ), Кристин Лагард, денеска изјави дека по напуштањето на таа позиција, би можела да размисли за преземање лидерска позиција на Светскиот економски форум, но нагласи дека засега не сака да шпекулира за својот иден ангажман.

Кога беше прашана за можноста да го преземе раководството на организацијата со седиште во Женева, Лагард на самитот на „Њујорк тајмс Дилбух лист“ изјави дека тоа е „една од можностите“, пренесува „Блумберг“.

Таа додаде дека ќе остане на чело на Европската централна банка до 7 февруари и дека нема планови да се пензионира.

Зборувајќи за нејзиниот иден јавен ангажман, Лагард нагласи дека мора да ја задржи политичката неутралност додека ја води ЕЦБ, особено со оглед на бројните избори што се очекуваат во Европа.

Се очекува дека по напуштањето на централната банка, таа би можела поотворено да зборува за политичката и економската состојба во Франција, чии буџетски проблеми и политичкиот застој во последните месеци придонесоа за притисок врз пазарот на државни обврзници, според агенцијата Њујорк.

„Сметам дека е моја должност да разјаснам работи, да исправам неточни изјави и да зборувам од искуството што го стекнав“, рече Лагард.

Таа претходно ги отфрли шпекулациите дека би можела да се кандидира за наследник на Емануел Макрон на функцијата претседател на Франција.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Градоначалник добил отказ, откако било откриено дека е порно актер

Швеѓанецот Ларс Ериксон (55) ја изгуби работата минатиот месец откако беше откриено дека се појавил во филм за возрасни. Тој тврди дека филмот е направен пред да влезе во политиката!

Градоначалник добил отказ, откако било откриено дека е порно актер

Ериксон глуми во порнографски филмови од 2018 година, истата година кога го напушти Риксдаг, шведскиот парламент, објави Дејли Меил.

Сепак, неговата кариера како порно актер излезе на виделина откако Ериксон беше идентификуван во два филма за возрасни, кои беа објавени во 2025 година и во октомври оваа година, додека беше претседател на општинскиот совет на Јокмок во шведска Лапонија, според локалните медиуми.

Според извештаите, тој бил отпуштен на 19 октомври, а бил вратен на работа една недела подоцна, но без овластувања врз вработените, финансиите и буџетот на општината.

Ериксон тврди дека филмовите, снимени во Соединетите Држави, се направени пред тој да стане градоначалник на Јокмок и дека неговиот последен контакт со порно индустријата бил во 2022 година.

Тој глумел во филмовите под псевдонимот „Ханс“ и се појавил пред камерата во филмот, кој беше објавен во октомври.

Ериксон претходно беше пратеник од Социјалдемократската партија за изборната единица Вестманланд, која се наоѓа во близина на Стокхолм, во шведскиот национален парламент.

Истрагата на шведската телевизија SVT откри дека филмовите биле промовирани преку сметка на социјалната мрежа X до минатиот месец.

Сепак, Ериксон изјави за шведскиот медиум дека немал влијание врз тоа кога филмовите ќе бидат објавени и дека не ја управувал сметката, додавајќи дека таа била управувана во име на дистрибутерот.

„Со оглед на тоа што ова е легална, иако табу, активност што е завршена повеќе од две години пред да бидам подобен за вршење функција во општинската власт, тешко ми е да видам какво влијание би можело да има ова“, рече тој.

Ериксон е претседател на општинскиот совет и градоначалник на Јокмок од февруари 2024 година, но објавено е дека ќе биде разрешен од функцијата општински лидер, според весникот „Афтонбладет“, и покрај тоа што беше вратен на работа една недела по неговото првично разрешување.

Тој ќе добие пакет отпремнина еквивалентен на седум месечни плати.

Трудовата комисија на Јокмок ја оправда одлуката за отпуштање на Ериксон велејќи дека порнографските филмови претставуваат потенцијален безбедносен ризик, бидејќи криминалците би можеле да ги искористат за да го уценуваат поранешниот претседател на општинскиот совет.

Општинскиот советник Роланд Боман наведе „безбедносни причини“ кога беше прашан за одлуката на SVT. Боман тврдеше дека верува оти Ериксон не ја информирал општината за својата кариера во порно индустријата.

„Самата општина е од голем интерес за странските сили, а јас првенствено мислам на Русија. Да се ​​има таков фактор на ранливост во општина што е од големо значење од гледна точка на безбедносната политика не е оптимално, но тоа е нешто што општината би морала да го реши и отстрани“, рече Оле Лундин, професор по административно право на Универзитетот во Упсала.

Сепак, Ериксон одговори дека обидот да ја искористи својата порно кариера како средство за уцена би бил „бесмислен“, бидејќи бил отворен во одговарањето на прашања од шведските медиуми кога бил замолен за коментар.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер