Балкан

Иницијатива на Грција во ОН за заштита на цивилите во воените конфликти – потпишана од 80 делег

Иницијатива на Грција во ОН за заштита на цивилите во воените конфликти – потпишана од 80 делегации меѓу кои и земјава.

Имам чест да ја пренесам оваа изјава во име на 80 делегации, кои се обврзаа за почитување на меѓународното хуманитарно право и заштита на цивилите во вооружени конфликти, рече министерот за надворешни работи на Грција Јоргос Герапетритис од ОН во однос на грчката иницијатива за заштита на цивилите во воените конфликти, потпишана и усвоена од 80 земји, меѓу кои и нашата, јави дописничката на МИА од Атина.

Иницијативата на Грција е во рамките на грчкото претседателство со Советот за безбедност на ОН, а Герапетритис во соопштувањето на заедничката изјава посочи дека „Обединетите нации регистрираа најмалку 36.000 цивилни жртви во 14 вооружени конфликти во 2024 година“.

За Газа, рече дека според канцеларија на ОН за координација на хуманитарни прашања, се соочува со „најлошата хуманитарна криза“ од почетокот на непријателствата, по нападите на 7 октомври 2023 година, а се осврна и на ситуацијата во Судан, Конго, Мали, Мозамбик, Мјанмар, Нигерија, Сомалија, Јужен Судан, Сирија, Украина и на други места.

- Ова не може да продолжи. Денес, доаѓаме со една јасна порака: Заштитата на цивилите не е опционална. Тоа е законска обврска според меѓународното хуманитарно право и морален императив што не можеме да си дозволиме да го занемариме. Соочени со продлабочување на конфликтот и непочитувањето на цивилниот живот во премногу региони, ги повикуваме сите страни во вооружените конфликти да го почитуваат меѓународното хуманитарно право во сите околности и ги повикуваме сите земји-членки да го искористат своето влијание за да се гарантира ова почитување. Ова е основата – не е аспирација, туку обврзувачка обврска, законска обврска, рече Герапетритис.

Дополнително, истакна дека ја поздравуваат работата на хуманитарните актери и ги осудуваат сите акти на насилство и закани против нив, нагласувајќи дека минатата година беше најсмртоносна досега за хуманитарниот персонал, кога повеќе од 360 хуманитарци беа убиени во 20 земји, нешто што, како што посочи „мора да престане“.

- Ги повикуваме страните во конфликтот да дозволат и олеснат, како што бара меѓународното хуманитарно право, безбеден, брз и непречен хуманитарен пристап до сите цивили на кои им е потребна помош. Инструментализацијата на помошта за политички, воени или безбедносни стратешки цели е неприфатлива, истакна шефот на грчката дипломатија.

Се осврна и на работата на новинарите и медиумите, повикувајќи ги страните во конфликтите „да ја почитуваат нивната професионална независност и права“ и додаде дека во време кога дезинформациите стануваат полесни и широко распространети, „честопати поттикнувајќи конфликт, независните медиуми и известувањето од местото на настанот се од особено значење“.

Заедничката изјава во ОН за заштита на цивилите во воените конфликти, на иницијатива на Грција ја потпишаа 80 делегации, односно Алжир, Ерменија, Австралија, Австрија, Бахами, Бахреин, Бангладеш, Белгија, Босна и Херцеговина, Бразил, Бугарија, Канада, Чиле, Кина, Колумбија, Костарика, Хрватска, Кипар, Чешка, Данска, Доминиканска Република, Египет, Естонија, Европската Унија, Финска, Франција, Грузија, Германија, Грција, Гватемала, Гвајана, Исланд, Индонезија, Ирска, Италија, Јапонија, Јордан, Кореја, Кувајт, Латвија, Либан, Лихтенштајн, Литванија, Луксембург, Малезија, Малта, Мексико, Молдавија, Монако, Црна Гора, Мароко, Холандија, Нов Зеланд, Македонија, Норвешка, Оман, Пакистан, Палестина, Перу, Полска, Португалија, Катар, Романија, Саудиска Арабија, Сејшели, Сиера Леоне, Сингапур, Словачка, Словенија, Јужна Африка, Суверениот Воен Ред на Малта, Шпанија, Свети Винсент и Гренадини, Судан, Шведска, Швајцарија, Источен Тимор, Турција, ОАЕ и Уругвај.

Тагови: грција Обединетите нации

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишени од слобода 28 возачи за „безобѕирно управување возило“, 25 возеле без возачка дозвола

Во текот на изминатото деноноќие на целата територија на државата, полициските службеници лишија од слобода 28 возачи поради „безобѕирно управување возило“.

Од нив, 25 лица управувале возило без возачка дозвола (осум лица во Скопје, четири во Битола, по две лица во Велес, Свети Николе, Тетово и Кичево и по едно лице во Делчево, Кочани, Кавадарци, Неготино и Куманово). Иако имале активна забрана за управување патничко возило, затекнати се како управуваат возило по едно лице во Чашка и тетовско, додека со брзина поголема од дозволената управувало едно лице во гевгелиско. По целосно документирање на случаите ќе бидат поднесени соодветни кривични пријави.

Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.

Тагови: безобѕирно управување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода пробиштипјанец кој со закани изнудил пари од 18-годишна девојка

За настанот е известен јавен обвинител.

На 07.07.2026 во 22:25 часот во Пробиштип, полициски службеници од ОВР Пробиштип го лишија од слобода Ј.Ј.(40) од Пробиштип, постапувајќи по претходна пријава дека со закани во два наврати од 18-годишна девојка од Пробиштип изнудил да му даде пари. За настанот е известен јавен обвинител и по целосно документирање на случајот ќе биде поднесена соодветна пријава.

Тагови: изнуда

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: СДС шири дезинформации за лековите

Владата на ВМРО-ДПМНЕ го штити интересот на граѓаните, се проширува позитивната листа на лекови, се обезбедува поголем избор и пониски цени.

СДС продолжува со лаги и манипулации на граѓаните.

Чии интереси штити СДС? Тврдењата дека „се излажани пациентите" се неточни и намерно ја игнорираат целата слика.

Точно е дека референтната цена на „Фостер" беше намалена откако генеричкиот лек влезе на позитивната листа, токму со цел да се создаде конкуренција и пациентите да добијат алтернатива, наместо да зависат од еден единствен производител. Алтернативата е достапна во земјата.

Ова е стандардна пракса и препорака на СЗО за внесување на генерики кои ќе донесат заштеда, средства кои остануваат за здравствениот систем, а не за странски фармацевтски компании.

Обвинувањата за „хаос и негрижа" не објаснуваат зошто СДС молчеше кога хронично болните пациенти со онколошки заболувања, останаа без биолошка терапија под нивна власт или кога умираа пациенто со цистична фиброза!

Наместо да се бараат политички поени врз грбот на пациентите, властите преземаат конкретни чекори, проширување на позитивна листа и намалување на цените. И да, заштедените средства повторно ќе бидат употребени за нови лекови за истите пациенти.

Владата предводена од ВМРО-ДПМНЕ се грижи за граѓаните. Позитивната листа е проширена со три нови антикоагулантни лекови еноксапарин, надропарин и ривароксабан, кои од 1 јули се достапни во аптеките во земјата. Кај еноксапаринот се достапни два бренда, кај надропаринот е достапен еден бренд и кај ривароксабанот во почетниот период ќе биде достапен еден бренд. Тоа ќе значи заштеда на граѓаните и олеснет пристап.

СДС молчеше додека Филипче профитираше за време на корона кризата, а пациентите останаа без лекови.

За разлика од изминатите 7 години, кога здравството беше во колапс и ликови како Филипче го руинираа и ограбуваа здравството за лични и партиски интереси, сега работиме на враќање на довербата кај граѓаните и здравство кое ќе биде исклучиво за пациентите.

СДС да не собира политички поени врз здравјето на граѓаните. Тоа е СДС. Расипничкото владеење на СДС и ДУИ го испразни буџетот за својот луксуз и тендери, а цената ја плаќаа граѓаните.

Здравството е приоритет на Владата предводена од ВМРО-ДПМНЕ, се зголемуваат плати, се реновираат оддели и се купува нова медицинска опрема.

ВМРО-ДПМНЕ

Тагови: ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.