Инфлуенсерка има 31, а партнерот двојно повеќе години и тврдат дека имаат искрена љубов: Парите не се важни (ВИДЕО) - Канал 5

Живот

Инфлуенсерка има 31, а партнерот двојно повеќе години и тврдат дека имаат искрена љубов: Парите не се важни (ВИДЕО)

Џиџи (31) и Тим (62) од Бристол, пар кој стана вирален хит на социјалните мрежи, тврдат дека љубовта „не познава возраст“.

Инфлуенсерка има 31, а партнерот двојно повеќе години и тврдат дека имаат искрена љубов: Парите не се важни (ВИДЕО)

Иако многу луѓе ги осудуваат поради големата разлика во години, Џиџи и Тим уживаат во својата врска и не обрнуваат внимание на негативните коментари, објави Мирор.

Љубов, патување и 350 љубовни состаноци

Џиџи и Тим се во врска 15 месеци, а за тоа време тој ја однел на повеќе од 350 љубовни состаноци и на шест заеднички патувања. Тим, кој води автосервис, сака да ја изненадува својата партнерка, додека таа редовно споделува моменти од нивната романса со своите повеќе од 33.000 следбеници.

@regardinggee falling in love with my 62-year-old boyfriend over & over again… can’t wait for our next adventure 🥹❤️✈️🇯🇵 #agegap #inlove ♬ original sound - is.fuad

„Луѓето можат да ме нарекуваат спонзоруша колку што сакаат, но искрено тоа не ме загрижува“, изјави инфуенсерката за „What's The Jam“. „Обожаваме да излегуваме на романтични вечери, а за 15 месеци бевме на шест патувања. Наскоро одиме во Јапонија и едвај чекаме!“

„Не се работи за парите, туку за енергијата“

Кога луѓето ќе дознаат дека нејзиниот партнер има 62 години, многумина веднаш мислат дека станува збор за интерес. Сепак, Џиџи тврди дека нивната врска е многу подлабока:

„Тие не гледаат дека мојот маж изгледа неверојатно за неговите години. Јас сум задоволна од неговата енергија и начинот на кој се однесува кон мене. Критичарите се тажни и љубоморни - среќните и самоуверени луѓе не мразат.“

Таа додаде дека најмногу ја цени внимателноста и традиционалниот пристап на Тим:

„Тој секогаш ја плаќа сметката, но не секоја вечера е луксузна. Не се работи за парите, туку за уживање во заедничкото искуство. За мене, тоа е израз на машка енергија - кога мажот ја презема контролата и ја прави жената да се чувствува сакана.“

350 љубовни состаноци и безвременска романса

Двојката излегува во просек три пати неделно, а Џиџи се присети со насмевка: „Мислам дека досега сме го посетиле речиси секој ресторан во Бристол! Сакаме да пробаме нови кујни и секогаш откриваме нешто ново.“

Тим, кој е разведен повеќе од 20 години, е татко на две возрасни деца, а неговата ќерка е приближно на иста возраст како Џиџи. Сепак, младата Британка вели дека семејниот однос е одличен:

„Неговите деца ме прифаќаат многу добро, а неговите пријатели знаат колку сум луда по него. Моите родители се среќни затоа што гледаат дека сум среќна и го сакаат Тим.“

„Никогаш не сум била посреќна“

Пред оваа врска, Џиџи била во брак осум години - се омажила на 21 година и се развела на 29 години. „Никогаш немав долга фаза на запознавање затоа што речиси целите дваесетти години ги поминав во брак. Мојот поранешен сопруг беше 11 години постар од мене“, призна таа.

Денес, вели таа, ја живее својата најубава љубовна приказна:

„Ова е мојата најпосебна, најискрена врска досега. Никогаш не сум била посреќна.“

Тагови: инфлуенсерка љубовта

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ТИРЗ: ВДЛ Бус Македонија ќе започне со трета фаза на инвестицијата - производство на нов модел на автобус

Директорот на ТИРЗ Гоце Димовски денес имаше средба со Аврам Стојчевски, генерален директор на компанијата ВДЛ Бус Македонија. 

ТИРЗ: ВДЛ Бус Македонија ќе започне со трета фаза на инвестицијата - производство на нов модел на автобус

На средбата се разговараше за тековните активности на компанијата, реализирањето на третата фаза од инвестицијата која ќе изнесува повеќе од 5 милиони евра, со нови 150 висококвалификувани работни места во рамките на ТИРЗ Скопје 2.

Димовски нагласи дека Дирекцијата за ТИРЗ останува посветен партнер на компаниите кои веќе инвестираат во земјата, преку навремена институционална поддршка и активно следење на нивните потреби. Тој истакна дека токму постојните инвеститори претставуваат најсилен показател за квалитетот на деловното окружување, а нивното проширување е важен сигнал за довербата во домашната економија.

На средбата беше разгледан планот за реализација на третата фаза од инвестицијата, која предвидува производство на нов модел на автобус. Дополнително, беше потврдена заложбата за продолжување на конструктивна соработка, со цел создавање услови за успешна реализација на овој инвестициски циклус, натамошен развој и зајакнување на конкурентноста на домашната економија.

Инаку, компанијата во април годинава од ВДЛ Ван Хоол Македонија се преименува во ВДЛ Бус Македонија, со што истата започна нова развојна фаза во своето работење. Промената е дел од поширокиот процес на трансформација и развој на компанијата, со фокус на понатамошно унапредување на производствените активности и зајакнување на нејзината позиција во автомобилската индустрија.

Тагови: ТИРЗ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ДЗС: Неексплодирана граната со калибар 75mm извлечена од под вода во Црна Река кај с. Радобор

Станува збор за граната што била истрелана, но не експлодирала. 

ДЗС: Неексплодирана граната со калибар 75mm извлечена од под вода во Црна Река кај с. Радобор

Пиротехничарот на Дирекцијата за заштита и спасување (ДЗС), Ѓорѓи Стефанов, безбедно отстрани неексплодирана артилериска граната со калибар 75mm, што потекнува од Првата светска војна и беше пронајдена под вода во Црна Река, кај мостот во село Радобор, Општина Могила.

Станува збор за граната што била истрелана, но не експлодирала. За пронајденото убојно средство, ДЗС Битола ја прими дојавата преку единствениот повикувачки број за итни случаи 112.

Тагови: ДЗС

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода црногорец, со „БМВ“ возел со брзина од 205 километри на час

Лишен од слобода црногорец, на автопатот во гевгелиско со „БМВ“ возел со брзина од 205 километри на час, поднесена пријава.

Лишен од слобода црногорец, со „БМВ“ возел со брзина од 205 километри на час

На 13.07.2026 во 11:09 часот на автопатот А1, кај село Милетково, гевгелиско, полициски службеници од СВР Струмица- ОВР Гевгелија го лишија од слобода црногорскиот државјанин Д.Б.(36). При контрола на патниот сообраќај со радар, полициските службеници констатирале дека Д.Б. управувал патничко возило „бмв“ со црногорски регистарски ознаки, со брзина од 205 километри на час, на место каде со сообраќаен знак брзината на движење е ограничена на 120 километри на час. За настанот е запознаен јавен обвинител од Основното јавно обвинителство Гевгелија, а против лицето е поднесена соодветна пријава.

Тагови: бмв

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер