Индонезија регистрира рекорден број новозаразени со коронавирусот

Индонезија денеска регистрира повеќе од 1.449 смртни случаи од Ковид-19, што е најголем број на жртви за еден ден, јави ДПА.

Земјата пријави 49.509 случаи на коронавирус за последните 24 часа, со што вкупниот број на потврдени инфекции надмина три милиони, соопшти Министерството за здравство во Џакарта.

Вкупниот биланс на смртни случаи поврзани со коронавирусот изнесува 79.032.

Дневниот број на жртви во Индонезија од 16 јули постојано е над 1.000.

– Ова не може да продолжи, изјави Вику Адисасмито, портпарол на владината работна група за Ковид-19.

– Тоа не се статистички податоци. Тоа се наши пријатели, роднини, колеги и наши најблиски, рече тој на прес-конференција.

Од минатиот месец, повеќе од 2.300 луѓе кои имале позитивен тест за Ковид-19 починале додека биле во самоизолација, половина од нив во Џакарта, бидејќи болниците биле принудени да одбиваат пациенти, соопшти LaporCovid-19, волонтерска група која собира податоци за пандемијата.

– Реалниот број е секако поголем, бидејќи не добивме извештаи од повеќе провинции, рече Фариз Хибан, аналитичар на податоци во „ЛапорКовид-19".

Индонезија се бори да ја спречи експлозијата на случаи на Ковид-19, која ги совлада болниците на островите Јава и Бали во последните неколку недели.

Официјални лица ја обвинија многу вирулентната Делта варијанта за зголемувањето на бројот на новозаразени.

Индонезиската Владата ја продолжи делумната блокада во 25 јули, која за првпат беше воведена на почетокот на овој месец.

Светската здравствена организација (СЗО) ја повика Индонезија да воведе построги ограничувања.

– Имајќи предвид дека некои VOCs (варијанти на загриженост) имаат многу поголема преносливост, навременото приспособување е многу важно за време на напливот, вклучително и употребата на строги мерки како што се ограничувања на движењето што е можно побрзо, соопшти СЗО во извештајот за ситуацијата.

Досега се вакцинирани над 43 милиони Индонезијци, најмногу со кинеската „Синовак", но само 16,9 милиони примиле втора доза. Архипелагот во Југоисточна Азија има население од 270 милиони жители.

Научниците се обидуваат да го спречат изумирањето на белите носорози, останале само две женки

Екипа од меѓународни научници кои работат на изнаоѓање начини за што побрзо спасување на редок вид на северен бел носорог, велат дека постигнале напредок со производство на уште три ембриони.

Конзорциумот BioRescue, предводен од професорот Томас Хилдебрант од Лајбниц институтот за зоолошки градини и диви животни во Германија, соопштил дека овој месец се произведени уште три ембриони од подвидот на носорогот, со што вкупниот број живи ембриони се искачил на 12.

Научниците зеле јајца од една од двете преостанати женки од северниот бел носорог во паркот за диви животни во Кенија. Замрзнатите сперматозоиди од двајцата мртви мажјаци биле користени за оплодување, и велиот експеримент е направен во италијанска лабораторија.

Два од трите нови ембриони се произведени со користење на семето на северниот бел носорог, чиј генетски код служи за сите постоечки ембриони.

Сепак, третиот ембрион е произведен откако семето на Ангалифу, носорогот што живеел во Сафари паркот Сан Диего, а почина во 2014 година, е користено за прв пат.

Сегашниот план е да се создаваат повеќе ембриони на секои три до четири месеци, а тие наскоро ќе бидат всадени во сурогат мајки, женки на јужниот бел носорог, за да се спречи изумирањето на северната варијанта на белиот носорог. Тоа е потфат кој започнал во 2019 година.

Санкционирани 51 возач за пребрзо возење на територија на СВР Битола

Полициски службеници од СВР Битола денеска од 8 до 13 часот спроведоа засилена акциска контрола за санкционирање на возачи кои управуваат возило со брзина поголема од пропишаната на територија на СВР Битола, при што санкционирани се 51 возач.

Засилените сообраќајни контроли продолжуваат и во наредните денови, известуваат од МВР.

-Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта, потенцираат од МВР.

Секторот за внатрешни работи Битола ги известува граѓаните дека на 1 и 2 август 2021 година (недела и понеделник), поради одржување на прослава по повод националниот празник Илинден во Крушево, ќе бидат преземени посебни мерки за безбедно и непречено одвивање на сообраќајот.

-Од тие причини, СВР Битола ќе преземе мерки за посебен режим на сообраќај, почнувајќи од 15.00 часот утре, па сè до 22.00 часот на 2 Август, на регионалниот пат Р-1306, делница: Прилеп – Кривогаштани – Крушево – Демир Хисар, како и на регионалниот пат Р-2337, делница: Крушево – место наречено Слива, на уличната мрежа низ градот Крушево и на патеките кои водат кон Мечкин Камен, информираат од полицијата.

За безбедно одвивање на сообраќајот потребно е да се почитуваат сообраќајните знаци, прописи и наредби на полициски службеници, велат од МВР.

Руски „Иљушин-76“ пристигна на помош во Турција за гаснење на пожарите (ВИДЕО)

Авион на руската служба за итни случаи Иљушин-76 слета денеска во Турција за да им помогне на тамошните власти во гаснењето на пожарот што беснее во околината на Анталија.

Три авиони што Русија ги испрати во Турција, од типот Б-200, веќе се во акција и го гаснат пожарот во околината на Анталија.

Еден од авионите денеска го гаснел огнот неколку часа на потегот помеѓу градовите Анталија и Манавгат, објави ТАСС .

Турските власти побарале помош за гаснење на пожарите во близина на населбите и туристичките зони каде што се руските туристи.

Руското Министерство за одбрана и Руската служба за вонредни ситуации одлучиле да одговорат на барањето на Турција за помош со испраќање 11 авиони за гаснење на пожарите.

Пожарите избувнале во средата, недалеку од одморалиштето Манавгат, јужно од регионот Анталија, поради екстремно високите температури, а во четвртокот огнот се проширил и на други области, вклучително и одморалиштата во Ајдин и Мугла.

притисни ентер