Индија ја надмина Британија според бројот на заболени од коронавирус

Индија ја надмина Велика Британија по бројот на заразени со ковид-19 и стана четврта најпогодена земја со коронавирус, покажуваат податоците на тамошното Министерство за здравство.

Според овие податоци, Индија има 295.772 заразени.

Индија, која е во процес на отворање по продолжената изолација, забележа експоненцијален пораст на инфекцијата минатата недела. Во четвртокот, објави рекордни 9.996 нови заразени.

Земјата, дом на 1,3 милијарди луѓе, има релативно ниска стапка на смртност од „ковид-19“. Владата досега соопшти дека 8498 лица починале.

Индија е зад Соединетите Држави, каде што има повеќе од два милиони заразени, по Бразил и Русија во однос на бројот на заболени.

Експертите предвидуваат дека бројот на случаи во Индија ќе се зголеми значително во текот на следните неколку месеци бидејќи земјата ги отвора канцелариите на владата, бизнисите, верските места и трговските центри.

Случаите на инфекција сега се претежно сконцентрирани во градовите, но големата миграција на работниците во руралните области предизвикува загриженост дека вирусот би можел да се рашири во оние области кои имаат лоша здравствена инфраструктура.

ССМ: Со државни пари да не се богатат газдите на грбот на граѓаните и работниците

Владата претпазливо да постапува со планот да го помогне стопанството со 250 милиони евра од кредит, да не ги прави истите грешки што ги правеа предходните влади.

Владата претпазливо да постапува со планот да го помогне стопанството со 250 милиони евра од кредит, да не ги прави истите грешки што ги правеа предходните влади кои даваа финансиска поддршка на компаниите, а голем дел од нив ја злоупотребија, а не ги дадоа ниту платите на работниците и ја изиграа државата, а денеска токму ние работниците и граѓаните ги враќаме кредитите за таа намена.

Истите тие работодавачи кои ја очекуваат поддршката од Владата од 250 милиони евра, го подкрадуваат буџетот за исто толку 250 милиони евра кои не влегуваат во државната каса поради непријавените работници кои сочинуваат 11,8% од вкупниот број на вработени.

Не ја гледаме оправданоста работодавачите да добијат половина милијарда евра на поклон од државата (пари од кредитот и пари кои работодавачите не ги плаќаат во буџетот, а кои потоа ги враќаат и работниците и граѓаните), а Владата и работодавачите да имаат изговор за да не се зголеми минималната плата веднаш на 450 евра, како и да не се зголемат платите во приватниот и во јавниот сектор.

Синдикатите можат да имаат активна улога во контролата и во спречувањето на злоупотребата на овие средства ако главен критериум биде срествата да се доделат на компании кои го почитуваат социјалниот дијалог, немаат злоупотребено буџетски средства, не се казнувани за прекршување на работничките права и имаат синдикат на ниво на работодавач, а се во спротивно ќе биде поклон или злоупотреба.

Сојуз на синдикатите на Македонија

Шведските ракометарки набавија душеци од ИКЕА за поубав сон во Олимпиското село

 Шведската женска ракометна репрезентација купи душеци од ИКЕА за престојот во Париз за време на Олимписките игри.

Според „Aftonbladet“, повеќето играчи на тимот нарачале душеци на сопствен трошок, бидејќи не биле задоволни од понудените во Олимпиското село.

- Проблемот не е што во Олимпиското село има картонски кревети - тоа многу ни одговара. Но, душеците се тврди. Тие се многу нови и ќе биде потребно време да омекнат. Чувствувавме дека едвај чекаме и решивме добро да се наспиеме од самиот почеток, изјави ракометарката Јамина Робертс.

Олимпијадата ќе се одржи од 26 јули до 11 август.

СПАК откри криминалната група, која за 20-45 000 долари пренесувала албански државјани до САД

Специјалното обвинителство против организиран криминал и корупција, СПАК,  откри криминална група, која преку фалсификувана документација, организирала префрлување албански државјани, со крајна дестинација Соединетите американски држави.

Оваа криминална активност се сомничи дека е добро организирана на транснационално ниво, бидејќи илегалниот премин во САД е потврдено дека се вршел на релација Албанија-Италија-Шпанија-Мексико-САД.

-Лицата инволвирани во оваа криминална активност вршеле, пред сè воспоставување контакт меѓу лицата заинтересирани за заминување во САД а главниот организатор Л.М., во соработка со други лица, обезбедувало брзо изготвување фалсификувани документи за идентификација, патни билети, опремување со нови мобилни уреди и телефонски броеви, според земјите во кои се вршело патувањето и слично, јавија албанските медиуми.

Заинтересираните лица со албански пасош ја преминувале албанската граница, а на аеродромите во Шпанија од каде се вршел транзитот кон Мексико, па потоа кон САД, ги пречекувале други лица инволвирани во оваа криминална активност, кои ги обезбедувале нив со фалсификуван документ за идентификација. Целата оваа активност траела не повеќе од 15-20 дена и секое лице плаќало сума од 20 до 45 илјади долари.

Приведени се пет лица на кои им е одредена мерка притвор.

притисни ентер