Им подлега на повредите палестинскиот доктор, кој загуби девет деца во израелски напад (ВИДЕО) - Канал 5

Свет

Им подлега на повредите палестинскиот доктор, кој загуби девет деца во израелски напад (ВИДЕО)

Палестински доктор кој загуби девет деца во израелски воздушен напад врз градот Кан Јунис во јужна Газа починал од повредите, соопштија локалните здравствени власти.

Им подлега на повредите палестинскиот доктор, кој загуби девет деца во израелски напад (ВИДЕО)

Хамди Ал-Наџар беше сериозно повреден кога израелските сили го бомбардираа неговиот дом на 24 мај, според извори.

На фотографиите на агенцијата Анадолу Аџанси, очигледно е дека докторот Хамди Ал-Наџар претрпел тешки повреди на главата.

Докторката работела во болницата, телата на нејзините деца пристигнале

Палестинскиот педијатар Ала Ал-Наџар била скршена кога, додека била на должност во болницата Насер, ги примила телата на своите девет деца кои биле убиени во израелскиот напад. Во нападот врз нивниот дом, единственото преживеано дете, Адам, и таткото, д-р Хамди Ал-Наџар, пренесе Би-Би-Си.

Британски хирург кој работи во болницата изјавил дека оперирал 11-годишно момче кое преживеало.

Цивилната одбрана на Газа објави вознемирувачко видео од местото на нападот. На него се гледаат медицински работници како го креваат ранетиот маж на носилка, додека други се обидуваат да го изгаснат пожарот што ја зафатил куќата. Тие ги пронаоѓаат телата на неколку деца во урнатините и ги завиткуваат во бели чаршафи.

ИДФ: Ги истражуваме обвинувањата

Израелската војска по нападот објави дека нејзините авиони погодиле „неколку осомничени лица“ во Кан Јунис, додавајќи дека „тврдењето за цивилни жртви кои не биле вклучени во борбите моментално се проверува“.

Израелските одбранбени сили (ИДФ) изјавија дека „авионите погодиле неколку осомничени лица кои биле идентификувани додека дејствувале од објект во непосредна близина на израелските трупи во областа Кан Јунис“. „Областа на Кан Јунис е опасна воена зона. Пред почетокот на операциите, ИДФ евакуирале цивили од областа за нивна безбедност“, соопшти израелската армија.

„Израелската агресија уништува цели семејства“

Мунир ал-Барш, генерален директор на Министерството за здравство во Газа, изјави по нападот дека сопругот на д-р Наџар штотуку се вратил дома кога куќата била погодена. „Нивните девет деца беа убиени: Јахја, Ракан, Раслан, Гебран, Ева, Ривал, Сајден, Лукман и Сидра“, напиша Барш на платформата X. Тој додаде дека сопругот е на одделот за интензивна нега.

„Ова е реалноста со која нашите здравствени работници во Газа се соочуваат секој ден. Зборовите не можат да ја опишат болката. Во Газа, здравствените работници не се единствените цели - израелската агресија уништува цели семејства“, рече Барш.

YouTube video

Ахмад ал-Фара, доктор во болницата Насер, за Си-Ен-Ен изјави дека д-р Наџар продолжила да работи дури и откако ги изгубила своите деца, повремено проверувајќи ја состојбата на нејзиниот сопруг и единственото преживеано дете, единаесетгодишниот Адам. Таткото и синот биле подложени на две операции и сè уште се лекуваат, рече Фара.

Јусеф Абу ал-Риш, висок функционер во Министерството за здравство, рече дека д-р Наџар ги оставила децата дома за да „ја исполни својата должност и да им се јави на болните деца за кои болницата Насер е единственото засолниште“. Кога пристигнал во болницата, ја нашол „како стои исправено, мирна, трпелива и смирена, со поглед полн со прифаќање. Таа не изговори ништо освен тивки шепотења на пофалби кон Бога и молитви за прошка“.

Во интервју снимено од новинската агенција АФП, членот на семејството Јусеф ал-Наџар рекол: „Доста! Смилувај ни се! Ги молиме сите земји, меѓународната заедница, народот, Хамас и сите фракции да ни се смилуваат. Уморни сме од прогон и глад, доста е!“

Д-р Наџар има 38 години и е педијатриски специјалист, но како и повеќето лекари во Газа, таа работи во одделот за итни случаи за време на израелските напади.

Тагови: Доктор израелски напад

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Татко монструм бил во врска со својата 18 – годишна ќерка, таа си пресудила, тој доби минимална казна

Татко-монструм од Калифорнија е осуден на само една година затвор откако призна дека имал сексуален однос со својата 18-годишна ќерка, која си го одзеде животот неколку месеци подоцна!

Татко монструм бил во врска со својата 18 – годишна ќерка, таа си пресудила, тој доби минимална казна

Стивен Винсент Чавез, 41, се изјасни за виновен во мај за инцест и обезбедување алкохол на малолетник, а оваа недела беше осуден, соопшти канцеларијата на окружниот обвинител на округот Вентура, објави Дејли Меил.

Пресудата предизвика јавен бес откако се дозна дека Чавез ќе избегне да оди во државен затвор и ќе отслужи само една година во окружен затвор, по што ќе следат три години условна казна.

Чавез призна дека ѝ дал алкохол на својата ќерка, Макајла Сетлс, 18, по семејно собирање во јули 2025 година, пред да има сексуален однос со неа во нивниот дом.

Според обвинителите, инцидентот се случил само два дена откако Макајла се преселила во домот на нејзиниот татко. Тоа следело по „ден на пиење“ на семејно собирање, по што Чавез купил дополнителен алкохол за себе и за својата ќерка.

„Потоа Чавез имал сексуален однос со неа“, се вели во соопштението на обвинителите.

Макаила изврши самоубиство пет месеци подоцна, во декември 2025 година.

Благата казна предизвика критики, бидејќи обвинителите бараа тригодишна казна во државен затвор, максималната казна за инцест според законот на Калифорнија.

Обвинителите ја критикуваа пресудата, велејќи дека спогодбата за признавање на вина му била презентирана директно на судијата на Вишиот суд на округот Вентура, Дасти Каваи, заобиколувајќи ја препораката за казна предложена од обвинителството.

Каваи тврдеше дека не може законски да ја изрече максималната казна бидејќи Чавез немал претходно криминално досие, објави „Њујорк пост“.

Трагичните настани што доведоа до самоубиството на Макаила ги наведоа обвинителите да размислат за поднесување дополнителни обвиненија, вклучително и силување, но тие рекоа дека немаат доволно докази за да го поткрепат таквото обвинение и дека можат да го обвинат Чавез само за инцест.

Во кампањата GoFundMe што ја започнаа роднините на Макаила, семејството го изрази своето незадоволство од одлуката, велејќи дека Чавез требало да се соочи со многу посериозни обвиненија.

„И покрај јасните докази, вклучувајќи комплет за силување, изјава до полицијата и снимен разговор во безбедна куќа, окружниот обвинител на округот Вентура ни кажа дека ништо од ова не може да се искористи бидејќи Макајла повеќе не е тука да зборува за себе“, напишаа тие.

„Ова нè остави беспомошни и скршени од срце, но одбиваме да дозволиме нејзината приказна да заврши без борба.“

Нејзините најблиски рекоа дека сега бараат средства за да ангажираат адвокат за граѓански права, „кој може да го преземе случајот на Макајла и да ни помогне да постигнеме правда, не само за неа, туку и за другите кои може да се соочат со слични околности.“

Во соопштение за медиумите, канцеларијата на окружниот обвинител истакна дека на рочиштето за изрекување на пресудата на Чавез, неколку членови на семејството на Макајла дале потресни изјави за влијанието врз жртвата, „опишувајќи ја трајната траума предизвикана од постапките на обвинетиот и разорната загуба на Макајла.“

Заменик-окружниот обвинител Теса Мекарти, исто така, го осуди Чавез по изрекувањето на пресудата, велејќи дека ја искористил својата мала ќерка и ја издал нејзината доверба на ужасен начин.

„Чавез ја злоупотребил својата татковска позиција, ја изневери довербата на својата ќерка, ја снабдувал со алкохол и се впуштил во криминално однесување кое засекогаш го променило текот на нејзиниот живот“, рече таа.

„Иако ја почитуваме одлуката на судот, продолжуваме да веруваме дека затворската казна на државата била оправдана врз основа на фактите од овој случај“, додаде таа.

Реакциите за благата казна на Каваи доаѓаат само неколку недели откако судијата го привлече вниманието и за кршење на упатствата на обвинителството во случајот на маж од округот Вентура кој уби две лица во сообраќајна несреќа додека возел со брзина од над 160 км/ч.

Во тој случај, Каваи ја намали казната на осомничениот, Шарбел Тума, на две години и му изрече само три години и четири месеци затвор - помалку отколку што се надеваа обвинителите.

Тагови: ќерка монструм

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Чистач на клима уреди е најгласниот човек на светот- влезе во Гинисовата книга на рекорди

Џозеф Мекгрејл-Бејтуп, професионален чистач на клима уреди од австралискиот главен град Канбера, е прогласен за носител на Гинисов рекорд за најгласна личност во светот, објавија денес австралиските медиуми.

Чистач на клима уреди е најгласниот човек на светот- влезе во Гинисовата книга на рекорди

Гинисовата книга на рекорди минатата недела потврди дека 58-годишниот маж поставил нов светски рекорд за најгласен извик, објави ABC News.

Џозеф го извикал зборот „сега“ со јачина од 122,4 децибели (dB), соборувајќи го претходниот рекорд од 121,7 dB поставен во 1994 година од наставничката од Северна Ирска, Аналис Фланаган.

Мекгрејл-Бејтуп рече дека не можел многу да се подготви или вежба за овој рекорд.

„Нема шанси да вежбате за ова. Мора да го чувате за денес, особено кога станува збор за обид за соборување на светски рекорд. Ми требаа седум обиди за да го соборам рекордот. Беше многу забавно“, рече новиот носител на Гинисов рекорд, додавајќи дека е среќен што Ирката Аналис Фланаган го задржа својот рекорд како најгласна жена во светот.

Тагови: Гинисовата книга на рекорди

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Грабнал автомобил под закана со нож и почнал да гази луѓе- ужас во Лос Анџелес (ВИДЕО)

Според полицијата, маж од Калифорнија се соочува со повеќекратни обвиненија за обид за убиство откако наводно украл автомобил под закана со нож и прегазил 10 лица!

Грабнал автомобил под закана со нож и почнал да гази луѓе- ужас во Лос Анџелес (ВИДЕО)

Хуан Луис Естрада, 45, од Перис, наводно украл бела Тојота Камри од неговиот сопственик на 16 јуни, а потоа започнал двочасовен хаос низ улиците на Калвер Сити и Лос Анџелес, соопшти полицијата.

Естрада наводно намерно удрил најмалку десет пешаци, на возраст меѓу 15 и 70 години, што довело до драматична полициска потера, објави Дејли Меил.

Снимките од безбедносните камери го покажуваат Естрада како излегува од бензинска пумпа со голема брзина и свртува за да удри пешак кој трчал. Силата на ударот го исфрлила човекот во воздух пред да падне на патот, а задното тркало на возилото му ги прегазило нозете.

Потоа, Естрада наводно удрил друг пешак кој стоел на тротоарот во близина на друга бензинска пумпа, а потоа и велосипедист на истата локација.

Подоцна објавеното видео од полицискиот надзор го покажа Естрада како брзо се движи по улицата и свртува за да удри друг пешак што ја преминува улицата. Потерата завршила кога тој се судрил со друг автомобил пред ресторан за брза храна.

„Се чинеше како намерно да се обидувал да удри пешаци низ целиот наш град во време кога сообраќајот на пешаци и возила е многу густ“, изјави портпаролката на полицијата Џенифер Атенза.

Полицијата ја започнала потерата откако една од жртвите го пријавила бројот на регистарската табличка на возилото, кој подоцна бил идентификуван од автоматски читач на регистарски таблички. Откако се судрил во влезот пред „Мекдоналдс“, Естрада се обидел да избега пеш.

Полицајците брзо го фатиле и го уапсиле, со што ја завршиле потерата. Видеото до кое дошла „CBS News“ покажува дека полицајците мораат да му ги врзат рацете и нозете за да го контролираат и да го приведат.

Еден полицаец е повреден во последните фази од потерата додека се обидувал да го уапси Естрада. По апсењето, тој бил задржан со кауција од 10,25 милиони долари.

Полицијата соопшти дека тој е обвинет по 10 обвиненија за обид за убиство, едно обвинение за кражба на автомобил, едно обвинение за бегство од полицијата што резултирало со сериозни телесни повреди, едно обвинение за напад врз полицаец и три обвиненија за убиство од небрежност во сообраќајна несреќа и бегство од местото на настанот.

И покрај тоа што бил удрен од автомобил, ниту една од жртвите не претрпел повреди опасни по живот. Сослушувањето за да се утврди дали Естрада е ментално способен да се соочи со судење е закажано за јули.

Тагови: Лос Анџелес нож

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер