Илон Маск повторно интервенира-ќе се зголеми ли сега вредноста на биткоинот? - Канал 5

Технологија

Илон Маск повторно интервенира-ќе се зголеми ли сега вредноста на биткоинот?

Криптовалутите, вклучувајќи го и биткоинот, се намалуваат во последно време.

Илон Маск повторно интервенира-ќе се зголеми ли сега вредноста на биткоинот?

Биткоинот падна речиси за 50% од 14 април, кога достигна рекордно ниво од над 64.900. Цената на биткоинот скокна за повеќе од 8.000 долари во последните неколку дена, а некои предвидуваат дека биткоинот целосно ќе закрепне.

На 12 мај, твитот на Илон Маск дека Тесла повеќе нема да прифати биткоини како средство за плаќање, предизвика пад на оваа криптовалута и оттогаш не се опорави. Маск објасни дека рударството на биткоин е енергетски интензивно и не е еколошко. Следната недела, биткоинот падна за неколку илјади долари, губејќи речиси една четвртина од својата вредност. Оттогаш, Кина потисна се` што е поврзано со биткоинот, воведувајќи санкции за банките кои имаат било каков контакт со компании што продаваат биткоин, забранувајќи го рударството. Кина создава сопствена дигитална валута и со тоа сака да ги уништи своите конкуренти. Регулаторите во САД, Велика Британија и ЕУ, исто така, го комплицираат тргувањето со биткоин, бидејќи најпопуларните платформи за тргување, како што е Binance, се соочуваат со сериозна регулација. Многу земји велат дека криптовалутите се преплавени со нелегални активности како што е перење пари. Во меѓувреме, инвеститорите навикнати на фактот дека биткоинот достигнува нови рекордни нивоа секој ден, одеднаш претрпеа загуби и ги продадоа биткоините, плашејќи се дека скептиците се во право и дека е само прашање на време кога оваа криптовалута ќе пропадне.

Во последните денови, некои аналитичари предвидуваа дека ако работите не се променат во блиска иднина, цената на биткоинот може да падне на 21.000 долари. На 21 јули, Илон Маск бил гостин на конференцијата за криптовалути. Тој рече дека Тесла повторно ќе го воведе биткоинот како средство за плаќање. Цената на биткоинот скокна за неколку минути, а краткорочниот тренд на раст е повторно воспоставен во наредните денови. Но, не бил само Маск тој што помогнал да се зголеми цената. Извршниот директор на Твитер, Џек Дорси, рече дека крипто -валутите се голем дел од иднината на компанијата, а Кети Вуд од Арк Инвест уште еднаш изрази оптимизам за цената на биткоинот.

ЏП Морган ја намали целната цена за Биткоин од претходните 146.000 долари на 130.000 долари, но тоа е сепак многу повеќе од сегашната цена од околу 38.000 долари. Ark Invest продолжува да купува голем број биткоини и има долгорочна целна цена од 500.000 долари.

Следните неколку недели ќе бидат клучни кога ќе се види дали се враќа биткоинот или ова е само една краткорочна осцилација.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јанчев: Интензивно се одвиваат градежните активности на новиот СПА центар

Интензивно се одвиваат градежните активности на новиот СПА центар, кој се реализира како доградба на постојниот спортско-рекреативен објект – затворениот базен, на површина од 240 м².

Јанчев: Интензивно се одвиваат градежните активности на новиот СПА центар

🧖‍♀️ Новиот простор ќе понуди современи содржини за одмор, релаксација и рекреација, меѓу кои:

• парна бања и сауна

• џакузи

• топли лежалки/клупи

• тушеви и соблекувални

• простории за масажа

• придружни санитарни и технички простории

Со изградбата на СПА центарот, затворениот базен добива дополнителна содржина и покомплетна понуда за граѓаните.

Изведувач на градежните работи е „Жикол“.- објави градоначалникот на Општина Кавадарци, Митко Јанчев.

Тагови: Митко Јанчев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски: Денеска бевме дел од отворање на Генералното собрание на ОН

Македонската делегација на чело со премиерот Христијан Мицкоски беше дел од отворањето на Генералното собрание на Обединетите нации.

Мицкоски: Денеска бевме дел од отворање на Генералното собрание на ОН

„Денеска бевме дел од отворање на Генералното собрание на Обединетите нации.

Настан кој ги обединува претставниците на државите од целиот свет и претставува важна платформа за разговори за глобалните предизвици, мирот, безбедноста и иднината на меѓународната соработка.

Со гордост ја претставуваме Македонија на местото каде што се носат важни одлуки за светот и каде што се градат партнерства засновани на почит, дијалог и заеднички интереси.“- објави Мицкоски на Фејсбук.

Тагови: Христијан Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Нема извинување, има биографија, броила од 13,2 милиони и човек од доверба на Лазаревиќ

Божиновска бара извинување за 24 часа. СДСМ да ги повлече „лагите“. Фактите не се лаги. Тие се регистар.

СДСМ: Нема извинување, има биографија, броила од 13,2 милиони и човек од доверба на Лазаревиќ

Од 2011 до 2014 била извршен директор на Руднап Група за Централна и Источна Европа. Одговорна за активности во Северна Македонија, Србија, Бугарија и регионот.

Од 23 март 2012 до 11 март 2014 - управител на Руднап Бугарија ЕООД. Во 2012 таа фирма направила промет од над 130 милиони бугарски лева.

Името ѝ стои и во документацијата на загребската фирма на Руднап, промена регистрирана на 6 декември 2013, идентификувана со бугарски пасош.

Не била само вработена. Била запишана управител на компанија на Лазаревиќ во Бугарија и во списите во Хрватска.

Пред тоа, 2006–2011, работела во ЕЗПАДА, меѓународна трговија со струја. ЕЗПАДА се вкрстувала со мрежата на Руднап на Војин Лазаревиќ. Во 2011 нејзиното име влегува во собраниска расправа за увоз на струја.

РСЕ ги пренесува стенограмите: блискост на тогашните Руднап и ЕЗПАДА со тогашната власт на ВМРО-ДПМНЕ. Истиот човек. Истата гранка. Тогаш имаше шеф. Денеска е министерка.

На 11 август 2026 ЕВН склучува околу 13,2 милиони евра со METER&CONTROL од Србија за броила.

СДСМ ја врзува фирмата со групацијата на Лазаревиќ.

Граѓанинот ќе ги плати на сметка. Таа вели нема врска со постапката. Врската е целата кариера.

Мостот меѓу Лазаревиќ и Мицкоски е Душан Адамовиќ. Човек со криминално минато. Навивач од хулиганските кругови околу Вучиќ. Висок кадар на СНС. Бизнис-партнер на арамијата. Почесен конзул на Македонија во Србија - човек што нашата земја ја нарекува окупирана српска територија, окупирана од Македонци.

Тој е врската. Преку него оди увозот на струја. Преку него се врзуваат Лазаревиќ, Мицкоски и министерството.

Божиновска е ставена да го води ресорот енергетика како човек од доверба на Лазаревиќ.

Затоа има ново министерство. Затоа има увоз. Затоа има броила. Затоа има барање за извинување наместо хартија.

Божиновска не е само човек од доверба. Дваесет години е во бизнис-релација со Војин Лазаревиќ - од ЕЗПАДА, преку Руднап во Софија, Загреб и Скопје, до министерското столче и договорот за броила. Иста гранка. Исти луѓе. Иста каса.

Адамовиќ го држи мостот. Мицкоски ја држи власта. Народот ја плаќа сметката.

Наместо извинување, го молиме Обвинителството, ако може да реагира без повик од Мицкоски.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер