Илон Маск: „Оптимус“ и „Сајбертрак“ на Марс до 2026 година - Канал 5

Технологија

Илон Маск: „Оптимус“ и „Сајбертрак“ на Марс до 2026 година

Основачот и извршен директор на „Спејс-Икс“ (SpaceX), Илон Маск е убеден дека ќе ги лансира своите „Старшип“ ракети на Марс во 2026 година.

Илон Маск: „Оптимус“ и „Сајбертрак“ на Марс до 2026 година

Основачот и извршен директор на „Спејс-Икс“ (SpaceX), Илон Маск е убеден дека ќе ги лансира своите „Старшип“ ракети на Марс во 2026 година, а дел од товарот ќе бидат и неговите роботи „Оптимус“ (Optimus) и електричните теренци „Сајбертрак“ (Cybertruck).

Идеално би било да има самоуправувачки системи за производство на гориво и кислород на Марс, така што овие ресурси ќе бидат подготвени за пристигнувањето на астронаутите, кои ќе тргнат на патување до Црвената Планета во 2028 година. Исто така, би било добро „Оптимус“ и „Сајбертрак“ да ги подготват местата за слетување за идните мисии. Во таа смисла, намерата на „Спејс-Икс“ е да ја искористи тн. „Сабатијерова реакција“ што вклучува јаглерод од атмосферата и водород од мраз. Со ова се произведува метан и вода.

Што се однесува до екстракцијата на вода, таа ќе се добие со ископување на мразот на Марс, особено на неговите поларни области, каде што го има во изобилство. Освен тоа, според „Спејс-Икс“, атмосферата на Марс се состои од 95 отсто јаглерод.

Во процесот на електролиза на водата, се вели, освен водород, се произведува и кислород што може да се претвори и во течност за употреба како ракетно гориво.

Моторите „Раптор“ (Raptor) на „Спејс-Икс“ се создадени да користат течен метан и течен кислород. Затоа, овие природни богатства на Црвената Планета, се погодни за користење. Енергијата потребна за овие процеси може да се добие со помош на сончеви панели.

Од друга страна, пак, Маск има намера да го тестира својот теренец и роботите - во смисла и на проучување на способностите на вештачката интелигенција за поддршка на човечкиот живот на Марс. „Сајбертрак“ има робусна конструкција, а неговиот електричен механизам е погоден за теренот на Марс и може да се користи за превоз на астронаути и пренос на опрема. Ова возило може да се движи на тешки терени и да влече потешки товари.

А пак, „Оптимус“ е понапреден вид човековидни роботи. Работи со помош на ВИ, за да може оптимално да се прилагоди во околината и за помош во извршувањето различни задачи. Тоа е флексибилен робот којшто може да се користи и за повторливи задачи, како што се сервисните работи. Може да се користи и за поставување структури, поправка на машини на Марс и слично.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Змија направи хаос во авион кон Сицилија- при слетувањето се спушти меѓу патниците од фиока за багаж

За време на летот од островот Лампедуза во јужна Италија до Палермо на Сицилија, од рачниот багаж се појавила змија додека авионот почнал да се спушта, предизвикувајќи паника кај патниците.

Змија направи хаос во авион кон Сицилија- при слетувањето се спушти меѓу патниците од фиока за багаж

Капетанот на авионот веднаш реагирал и ги известил аеродромските власти и полицијата, а по слетувањето на аеродромот „Фалконе е Борселино“ во Палермо, во авионот се качиле карабињери од аеродромската станица и членови на одделот CITES, кои ја фатиле и обезбедиле змијата, објавува порталот TGcom24.

Според првичните наоди, станува збор за вид Macroprotodon cucullatus, познат како „змија со качулка“, мал влекач карактеристичен за фауната на Лампедуза. Името „змија со качулка“ (или лажна мазна змија) го добила поради карактеристичната темна дамка на задниот дел од главата што наликува на качулка.

Карабињерите истражуваат како змијата се качила во авионот и кој ја донел и транспортирал.

Животното е предадено на херпетолог на Универзитетот во Палермо, кој ќе ја провери неговата здравствена состојба, по што треба да се врати во неговото природно живеалиште.

Лампедуза е единственото место во Европа каде што е регистрирана популација од овој вид.

„Змијата со качулка“, која обично расте помеѓу 50 и 70 сантиметри, се храни со гуштери и други помали змии. Таа е отровна, но нејзиниот отров се смета за речиси безопасен за луѓето.

Првенствено живее во областите на Северна Африка, како што се Тунис и Либија, а Лампедуза е единственото место во Италија и цела Европа каде што живее овој вид. Островот Лампедуза геолошки припаѓа на африканската континентална плоча, поради што ја дели флората и фауната со овој континент.

Тагови: змија сицилија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Јотова му се пожали на Фицо од Македонија и побара поддршка

Бугарската претседателка побара поткрепа од словачкиот премиер „за Скопје да ја следи европската политика за пристапување“.

Јотова му се пожали на Фицо од Македонија и побара поддршка

Бугарската претседателка Илијана Јотова и словачкиот премиер Роберт Фицо на денешната средба во Софија го разгледале и проширувањето на Европската унија, при што шефицата на бугарската држава му се пожалила од Македонија и побарала поддршка од гостинот.

„Знаете дека имаме некои проблеми со Македонија и нејзиното членство во ЕУ. Бараме ваша поддршка за Скопје да ја следи европската политика за пристапување. Четири години не видовме напредок во спроведувањето на обврските преземени од Македонија во 2022 година“, изјави Јотова.

„Двајцата беа категорични дека процесот на пристапување мора да биде според правилата и врз основа на достигнувањата на земјите-кандидати за членство“, стои во соопштението од кабинетот на претседателката на Бугарија.

Тагови: Јотова Роберт Фицо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Топло време и до крајот на наредната недела со температура до 37 степени

До крајот на новата работна седмица времето ќе биде сончево и топло, со мала локална облачност во текот на денот, информираат од УХМР.

Топло време и до крајот на наредната недела со температура до 37 степени

МАКСИМАЛНА ТЕМПЕРАТУРА

24 Попова Шапка, 26 Крушево, 30 Берово, Претор, Охрид, 31 Маврови Анови, 32 Крива Паланка, Прилеп, 33 Виница, Битола, 35 Тетово, Кавадарци, Струмица, Штип, 36 Демир Капија, Гевгелија, 37 Скопје Петровец, Велес.

ВРЕМЕТО ДЕНЕСКА И ДО КРАЈОТ НА ДЕНОТ

Времето денес беше сончево и топло со мала до умерена локална облачност. Дуваше слаб до умерен ветер од променлив правец. До крајот на денот ќе биде стабилно и топло со мала до умерена локална облачност.

ВРЕМЕТО УТРЕ

Сончево и топло со мала до умерена локална облачност. Ќе дува засилен ветер од северозападен правец, кој наместа, особено долж Повардарието, ќе достигнува брзина од 60 km/h. Минималната температура ќе биде во интервал од 12 до 21, а максималната ќе достигне од 30 до 37 степени.

Во Скопје, сончево и топло со мала до умерена облачност. Ќе дува засилен ветер од северен правец. Минималната температура ќе се спушти до 16, а максималната ќе достигне до 33 степени.

ВРЕМЕТО ВО НАРЕДНИТЕ ДЕНОВИ

До крајот на новата работна седмица времето ќе биде сончево и топло, со мала локална облачност во текот на денот. Утре ќе дува засилен ветер од северозападен правец, кој наместа, особено долж Повардарието, ќе достигнува брзина од 60 km/h. Од вторник ветерот ќе го смени правецот во југоисточен.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер