Илјадници верници се собраа во Ватикан на прогласувањето на тинејџер за светец (ВИДЕО) - Канал 5

Свет

Илјадници верници се собраа во Ватикан на прогласувањето на тинејџер за светец (ВИДЕО)

Тинејџер кој починал од леукемија во 2006 година денес стана првиот католички светец од милениумската генерација, на церемонија во Ватикан предводена од папата Лав, на која присуствуваа илјадници млади верници од десетици земји.

Илјадници верници се собраа во Ватикан на прогласувањето на тинејџер за светец (ВИДЕО)

Карло Акутис, италијански тинејџер роден во Британија кој починал на 15-годишна возраст, научил компјутерско програмирање за да креира веб-страници за да ја шири својата вера. Неговата приказна го привлече вниманието на католичката младина, а сега е на исто ниво со Мајка Тереза ​​и Франциск од Асизи.

Лав, првиот папа на Америка, денеска го канонизираше Акутис заедно со Пјер Џорџо Фрасати, млад Италијанец познат по помагањето на сиромашните кои починал од полио во 1920-тите.

Папа: Сите сме повикани да бидеме светци

Во импровизирано обраќање до собраните на плоштадот Свети Петар во Ватикан на отворањето на настанот, Лав рече дека Акутис и Фрасати се примери за светост и помагање на оние на кои им е потребна помош.

„Сите вие, сите ние заедно, сме повикани да бидеме светци“, им рече Папата на насобраната младина.

Канонизацијата на Акутис со нетрпение ја очекуваа многу млади католици со месеци. Првично беше закажана за април, но беше одложена по смртта на папата Франциск.

Неделниот настан е првпат Лав, кој беше избран за папа од светските кардинали во мај, да претседава со таква церемонија.

Антонио Д'Аверио, 24, кој присуствуваше на церемонијата, ја нарече канонизацијата „подадена рака од Црквата кон нас младите“. Д'Аверио рече дека бил компјутерски програмер и особено се идентификува со приказната на Акутис.

„И тој ја сакаше компјутерската наука“, рече младиот човек. „За светец... тоа е сигурно нешто ново. Тоа е исто така нешто што, според мене, беше неопходно“.

„Сакаме да ги следиме нивните стапки“

Клара Маруган Мартин, 20, дојде од Шпанија за настанот.

„Многу ни е мило што сме тука бидејќи Карло и Пјер Џорџо се два примери на млади луѓе полни со Бог, полни со благодат, и ние сакаме да ги следиме нивните стапки“, рече таа.

Прогласувањето за светец значи дека Црквата верува дека лицето живеело свет живот и сега е на небото со Бога.

YouTube video

Други светци кои починале млади се Тереза ​​од Лизие, која починала на 24 години во 1897 година и била позната по промовирањето на „малиот пат“ на милосрдието; и Алојзиус Гонзага, кој починал на 23 години во 1591 година, откако се грижел за жртвите од епидемија во Рим.

Како што Акутис напредувал по официјалниот пат на Црквата кон светост, неговото тело било преместено во црква во ридестото гратче Асизи во централна Италија, каде што Свети Франциск, во согласност со последните желби на Акутис.

Последното почивалиште на новиот светец- тинејџер, каде што Акутис бил погребан облечен во спортска маица, фармерки и патики, станало популарно место за богослужба кое привлекува илјадници верници секој ден.

Тагови: Ватикан тинејџер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Видео-фото: Џеј Ло воодушеви во Милано, Ѓердан од 74 карати и фустан за кој зборува светот

Светската музичка ѕвезда, Џенифер Лопез официјално пристигна во Милано и веднаш се фати за работа, создавајќи незаборавни моменти на Модната недела.

Видео-фото: Џеј Ло воодушеви во Милано, Ѓердан од 74 карати и фустан за кој зборува светот

Латино дивата Џенифер Лопез се појави во италијанската престолнина на модата за време на Модната недела во Милано и, со внимателно одбран елегантен, но и впечатлив стајлинг – луксузен црн балски фустан достоен за модерна принцеза – ги остави сите без здив.

57 годишната, Џеј-Ло беше фотографирана како шета низ Милано во впечатлива креација во целосно црна боја. Скулптуралниот фустан со потпис на „Долче и Габана“ се одликуваше со припиен корсет инспириран од долната облека, украсен со нежна тантела и романтично, длабоко деколте.

Од половината, силуетата драматично се ширеше во раскошно здолниште со полна должина, прекриено со црни цветни апликации со тродимензионален ефект и блескави украси.

Во еден момент, Џенифер Лаупер дури и заигра со еден маж од публиката и направи неколку вртења – погледнете како изгледаше тоа.

@voguemagazine From the block to the Galleria runway. #Jlo just walked #VogueWorld: Milan in #DolceAndGabbana ♬ original sound - Vogue
Тагови: Џенифер Лопез

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Ал Пачино повторно со поранешната партнерка 54 години помлада од него- Еве што ги спои повторно

Холивудскиот великан, актерот Ал Пачино и неговата поранешна партнерка Нур Алфалах – која е 54 години помлада од него – повторно го привлекоа вниманието на јавноста со тоа што се појавија заедно во Лос Анџелес.

Ал Пачино повторно со поранешната партнерка 54 години помлада од него- Еве што ги спои повторно

Поранешните партнери се појавија заедно во Лос Анџелес, а фотографијата и описот што ги објави Нур ја открија причината за нивното повторно обединување.

Холивудскиот великан, актерот Ал Пачино и неговата поранешна партнерка Нур Алфалах – која е 54 години помлада од него – повторно го привлекоа вниманието на јавноста со тоа што се појавија заедно во Лос Анџелес.

Легендарниот 86-годишен актер и 32-годишната продуцентка присуствуваа на отворањето на Музејот на наративна уметност „Лукас“, а Нур сподели нивна заедничка фотографија на Инстаграм.

Покрај фотографијата, таа остави краток, но впечатлив опис: – Мајката и таткото на Роман – напиша таа, додавајќи емотикон со црвено срце.

Со ова таа покажа дека, без оглед на природата на нивната моментална врска, ги поврзува нивниот тригодишен син Роман, кој се роди во 2023 година.

За таа пригода, и двајцата избраа црни комбинации, а нивната блискост повторно поттикна прашања за тоа каква е нивната врска денес.

Нејзината сестра, Софија Алфалах, во коментарите напиша „Вечерно излегување за родителите“, со што дополнително ја истакна нивната заедничка улога како родители.

Пачино и Нур претходно беа во романтична врска, но кога во интервју за списанието „Пипл“ (People) во 2024 година беше прашан дали е во врска, славниот актер одговори: „Не. Имам пријателски однос.“

Неговиот претставник тогаш исто така изјави дека Пачино и Алфалах останале добри пријатели и заеднички се грижат за својот син, Роман.

Тагови: Ал Пачино

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Робертсон проговори за целосниот распад во Ливерпул-„Бев на неговата свадба, а една недела подоцна тој почина“

Дефанзивецот на англискиот премиерлигаш од Енфилд Роуд, Енди Робертсон јавно зборуваше за смртта на својот соиграч и пријател Диого Жота и за тоа колку тешко му било на целиот тим на Ливерпул.

Робертсон проговори за целосниот распад во Ливерпул-„Бев на неговата свадба, а една недела подоцна тој почина“

Диого Жота за жал почина минатата година на само 28-годишна возраст, во тешка сообраќајна несреќа заедно со својот брат Андре Силва.

Тоа беше тежок удар за неговите најблиски, но и за сите во Ливерпул. Енди Робертсон беше еден од неговите најблиски пријатели во клубот и нему сè уште му е тешко да зборува за тоа.

„Тешко е да се опише и да се зборува за она низ што сите поминавме. Беше ужасно. Ако зборуваме за новите засилувања... Новите играчи дојдоа во клуб чие срце беше скршено. Многу ми беше жал за нив. Дојдоа за големи пари – зборувам за фудбалот. Им требаа неколку месеци за да се прилагодат. Искрено, не ни беше грижа за фудбалот. Тоа беше вистината. Изгубивме еден од нашите најдобри пријатели од соблекувалната“, рече Робертсон, кој донекаде застана во одбрана на Флоријан Вирц, Александар Исак и скапите засилувања што пристигнаа во тоа време.

Тој призна дека најтешко му паднало тоа што претходно бил на свадбата на Жота – сите биле среќни и весели. А потоа... „Сите фудбалери го имаат тоа нешто, таа предност. А кога ќе го изгубите тоа, не можете да играте на највисоко ниво. Кога се навраќам на минатата сезона, гледам дека ја изгубивме решителноста. Се прашувавме: 'Која е поентата на сè? Погледнете го семејството и децата на Жота'. Бевме во жалост; тој за нас не беше само играч – беше навистина тешко. Само една недела претходно бев на неговата свадба – една од најтешките ситуации во мојот живот – а веќе следната недела го гледав неговото семејство скршено од болка.“

Тагови: Ливерпул

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер