ИЈЗ. Препораки до населението во Гостивар - Канал 5

Здравје

ИЈЗ. Препораки до населението во Гостивар

Препораки за користење на водата и превенција на заболувања кои се пренесуваат преку вода.

ИЈЗ. Препораки до населението во Гостивар

Агенцијата за храна и ветеринарство на 17.07.2026 година издеде забрана за употреба на водата за пиење од гостиварскиот водоводен систем поради основано сомнение дека истата е загадена и небезбедна за употреба.

Поради времената забрана за употреба на водата за пиење од градскиот водовод во Гостивар, на граѓаните им се препорачува да ги почитуваат следните мерки до добивање на официјално известување дека водата повторно е безбедна за употреба.

Важно: До официјално укинување на забраната, водата од градскиот водовод не треба да се користи за пиење, ниту по превривање, освен ако надлежните институции не дадат поинаква препорака.

1. Вода за пиење и подготовка на храна

· Не користете вода од градскиот водовод за пиење и подготовка на храна.

· Ако имате пристап до флаширана вода, набавете ја за овој период.

Потребни се најмалку 4 литри вода по лице на ден.

· За пиење користете фабрички пакувана вода (флаширана вода).

· Не користете вода од водоводот за:

o подготовка на храна;

o миење овошје и зеленчук кои се консумираат свежи;

o подготовка на мраз;

o подготовка на сокови, кафе, чај и други пијалаци.

· Не користете вода од водоводот за подготовка на храна за доенчиња.

2. Хигиена на рацете

· Рацете мијте ги често со сапун и безбедна вода (флаширана вода), особено:

o пред подготовка и консумирање храна;

o по користење на тоалет;

o по менување пелени;

o по контакт со заболено лице.

· Доколку нема безбедна вода, користете средство за дезинфекција на база на алкохол кога рацете не се видливо извалкани.

3. Лична хигиена

· За миење заби користете исклучиво безбедна вода (флаширана вода).

· За туширање и капење да се користи безбедна вода (флаширана вода) или превириена вода, но да се внимава водата да не се голта.

· Доколку нема безбедна вода, користете влажни марамчиња или крпи за еднократна употреба за периодот додека водата е забранета за употреба.

4. Подготовка на храна

· Храната треба добро термички да се обработува.

· Избегнувајте подготовка на храна која не се готви доколку не може да се користи безбедна вода.

· Користете еднократни чинии и прибор за јадење за да избегнете миење.

5. Ресторани, кафулиња и угостителски објекти

· да не користат вода од водоводот за подготовка на пијалаци;

· да не користат вода за миење овошје и зеленчук;

· да користат само безбедна вода (флаширана вода) за подготовка на

храна;

· машините за мраз да не се користат.

6. Градинки

· децата да пијат исклучиво безбедна вода (флаширана вода);

· да не се користат чешмите за полнење шишиња;

· храната да се подготвува само со безбедна вода (флаширана вода).

7. Здравствени препораки

Веднаш обратете се кај матичен лекар или во најблиската здравствена установа доколку се појават:

· дијареја;

· повраќање;

· гадење;

· стомачни грчеви;

· покачена температура;

· слабост;

· знаци на дехидратација (силна жед, сува уста, намалено мокрење,

омалаксаност).

Особено внимание е потребно кај:

· доенчиња и мали деца;

· бремени жени;

· постари лица;

· лица со хронични заболувања и ослабен имунитет.

8. Превенција на заболувања кои се пренесуваат преку вода

Небезбедната вода може да биде извор на бактериски, вирусни и

паразитарни инфекции кои предизвикуваат гастроентеритиси.

За намалување на ризикот:

· користете само безбедна вода за пиење и подготовка на храна;

· редовно мијте ги рацете;

· одделувајте сирова од готова храна;

· храната чувајте ја на соодветна температура;

· одржувајте добра хигиена во кујната;

· не споделувајте чаши и прибор за јадење со лица кои имаат симптоми на

стомачна инфекција.

9. Следете ги официјалните информации

Граѓаните треба редовно да ги следат известувањата на надлежните институции (Институт за јавно здравје, Центар за јавно здравје,

Министерство за здравство, Агенција за храна и ветеринарство).

Водата од градскиот водовод повторно може да се користи за пиење само по официјално известување дека забраната е укината и дека водата е безбедна за употреба.

10. Што да се направи кога ќе се укине забраната

По официјалното укинување на забраната:

· пуштете ја водата да тече 5–10 минути;

· испразнете и исчистете ги апаратите за вода;

· исфрлете го мразот направен за време на забраната;

· заменете ги филтрите доколку производителот го препорачува тоа.

ПОРАКА ДО ГРАЃАНИТЕ

Со навремено почитување на овие препораки значително се намалува ризикот од појава и ширење на заболувања кои се пренесуваат преку вода. Особено внимание треба да се посвети на заштитата на доенчињата, малите деца, бремените жени, постарите лица и лицата со хронични заболувања, кои имаат поголем ризик од потешки последици при појава на цревни инфекции.

- Оддел за епидемиологија на заразни заболувања

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Бајрами спроведен во суд: Не се чувствувам виновен за скандалот во Лотарија

Поранешниот директор на Државна лотарија, Перпарим Бајрами, за првпат беше спроведен во Кривичниот суд. 

Бајрами спроведен во суд: Не се чувствувам виновен за скандалот во Лотарија

Ексдиректорот на државна лотарија Перпарим Бајрами не призна вина на денешното судско рочиште како првоосомничен за проневера на 9,7 милиони евра во оваа државна Институција. Бајрами за првпат седна на обвинителната клупа, откако по речиси две години бегство на 9 септември на граничниот премин Блаце самиот и предаде на полицијата. Неговиот адвокат Еленко Миланов по денешното судење рече дека листата на докази е веќе подготвена – не сакаше да открие на кои аргументи точно ќе се темели одбраната, но рече дека меѓу материјалните докази е и добиено позитивно мислење од Министерството за финансии во однос на набавката на терминали за државна лотарија.

– Станува збор за материјални докази со коишто ќе докажуваме одредени факти за оспорување на овао бвинение. Денеска во суштина и не се случуваше многу во судницата, со тоа што можам да кажам дека постоеше коректно однесување и од судот и од обвинителството во делот на начинот на изведување на доказите. Во однос на сите овие постапки, на сите барања, дури и за правото да може да се приредува самостојно постпјат мислења од министерството за финансии, коишто се позитивни.

Покрај Перпарим Бајрами, на денешното рочиште вина негираше и последноообвинетиот Башким Авдиу, кој на претходното рочиште бараше превод на обвинителниот предлог од македонски на албански јазик. Ова сега значи дека сите осуммина обвинети се чувствуваат за невини и во наредниот дел до постапката најавија дека тоа и ќе го докажуваат. Покрај Перпарим Бајрами, за злоупотреба на службена положба и проневера на нешто помалку од 10 милиони евра во државна лотарија обвинети се уште седум лица, меѓуу кои и поранешнииот прв вицепремиер Артан Груби, како и поранешниот генерален секретар на владата Методија Димовски. Случајот ќе продолжи во среда на 23 септември со изведување на материјалните докази на обвинителството.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Економија

Средба на Министерството за финансии, УЈП и Царинската управа – буџетските приходи за 8% повисоки од лани

Буџетските приходи заклучно со август изнесуваат околу 3,75 милијарди и се за 8 проценти повисоки во однос на истиот период лани, додека даночните приходи бележат раст од 8,2 проценти.

Средба на Министерството за финансии, УЈП и Царинската управа – буџетските приходи за 8% повисоки од лани

Овие податоци биле разгледани на средба на министерката за финансии Гордана Димитриеска-Кочоска со директорите на УЈП и Царинската управа, Елена Петрова и Бобан Николовски.

Од Министерството оценуваат дека буџетот засега се реализира согласно планираната динамика, без позначајни отстапувања.

Средбата доаѓа само неколку дена откако Димитриеска-Кочоска не ја исклучи можноста за нов ребаланс или прераспределба на средства поради случувањата на глобалните пазари и влијанието на кризата врз цените на енергентите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Крвав напад во Пакистан- најмалку 16 загинати во експлозија во џамија (ВИДЕО)

Најмалку 16 лица, вклучувајќи пет полицајци, беа убиени во напад врз џамија во северозападен Пакистан откако возило натоварено со експлозив се удри во неа. 

Крвав напад во Пакистан- најмалку 16 загинати во експлозија во џамија (ВИДЕО)

Висок полициски службеник во Пешавар ја потврди веста, според Би-Би-Си.

Борби на местото на настанот

Нападот се случил во округот Кохат, во покраината Хајбер Пахтунхва, каде што сè уште се водат престрелки меѓу напаѓачите и безбедносните сили. Еден официјален претставник изјави дека еден напаѓач е убиен и дека се во тек спасувачки операции.

Пакистанскиот претседател Асиф Али Зардари испрати „најдобри желби за брзо закрепнување на повредените во експлозијата“ во официјално соопштение.

Никој сè уште не ја презеде одговорноста за нападот. Премиерот Шехбаз Шариф, исто така, ја осуди експлозијата.

Активноста на милитантите во граничните области на Пакистан нагло се зголеми во последните месеци, а цел беа армијата и полицијата.

Исламабад тврди дека милитантите користат безбедни засолништа во Авганистан за обука и планирање напади во Пакистан. Талибанската влада во Авганистан ги негира обвинувањата и вели дека милитантното насилство е внатрешен проблем на Пакистан.

Тагови: Пакистан џамија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер