Ибрахимовиќ, и покрај годините и короната постигна неверојатен голгетерски рекорд

Златан Ибрахимовиќ ги постигна двата гола за победа на Милан (2: 0) против Каљари во рамките на 18-тото коло во Серија А. Така, тој постави свој рекорд, што е импресивен од многу пошироки размери.

Три месеци по неговиот 39-ти роденден и на првиот натпревар кој го игра како стартер во 2021 година, првиот гол на Ибрахимовиќ за Каљари го означи како играч кој постигнувал гол на секој официјален натпревар во последните 23 години.

Покрај тоа, тој постигна гол на деветтиот натпревар по ред што го игра од самиот почеток. Златан успеа во тоа за прв пат откако игра во лигата. Инаку, во својата богата кариера, Ибрахимовиќ играл во клубови од четири од петте најсилни лиги.

Подвигот и тековниот личен рекорд со девет последователни првенствени натпревари во кои постигнал гол за Ибрахимовиќ е импресивен од многу аспекти. Тој дојде до тоа на 38/39 години, во една од најсилните лиги, и таа серија трае скоро половина година. Тој започна на 29 јули минатата година во Сампдорија, кога постигна два гола во претпоследното коло од минатата сезона. Во последниот додаде еден гол против Каљари.

Златан продолжи во истиот стил и оваа сезона. Сепак, тој имаше големи проблеми со инфекцијата со коронавирус и повреди на мускулите и листот, но и покрај сето тоа, постигнува гол на секој шампионски натпревар што го игра од самиот почеток.

Во првото коло ги постигна двата гола за победа против Болоња. Потоа се зарази и пропушти два натпревара поради короната. Неговото враќање беше импресивно. Двата гола за победа во дербито над Интер и потоа два гола во уште едно дерби, против Рома. Следуваа натпревари против Удинезе и Верона, со кои тој постигна по еден гол и уште едно дерби со два гола, против Наполи.

Потоа беше нападнат од споменатите повреди, поради што пропушти дури осум првенствени натпревари. Сепак, тој го одбележа своето враќање како првотимец со двата гола за победа над Каљари.

Златан постигна дури 15 гола на последните девет натпревари во Серија А, кои ги играл во последните шест месеци, но пропушти осум натпревари поради повреди и болест.

(Обновено)ВЕСТИ ОД ИДНИНАТА: Кои се новите Министерства и Министри во новата експертска Влада?

Текстот е фикција/козерија и нема никаква , ама баш никаква сличност со ниту едно споменато име или одредена дескрипција на истото лице. Ова е само наш придонес за поубава и попросперитетна Македонија.Имаме уште еден министер, под број.11

Денес е 1ви Април 2021 год., а на вчерашната прва седница на Новата Експертска Влада на Македонија, која се одржа во старо-новата зграда ( барокната фасада беше извадена со цел да се означи нов почеток во нашата преубава држава н.з. ), се изгласаа неколку нови Министерства и нови Министри.
Како и секогаш , Канал 5 ексклузивно ги дознава и ви ги претставува:

- Кои се новите Министерства и новите Министри во заедничката Влада на СДМС и ВМРО-ДПМНЕ

1.Министер за губење време и истражување на руда – Златко Марин, од градоначалник на Аеродром , за своите врвни резултати, особено за планот на голф игралиштата, доделено му е ова значајно , сосема ново, политичко место. Истражувањето на руда ќе го прави сам , фацијално, а губењето на време ќе се обиде да им го пренесе на многуте неработници во нашата Македонија

2.Министерка за басни, сказни и историски приказни за ученици – Мирка Велиновска, а заменик ќе и биде Васко Ефтов. Целта на ова министерство е постојано ги повторуваат приказните од нашата историја со што бугарскиот и секој иден непријател , уште на самиот старт од политичкиот проблем, ќе се соочи со суровата вистина. Заменикот на министерката Велиновска е долгогодишен новинар и општествено-научен работник, познат експерт за балканска и домашна научна криминалистика

3.Министер за Правда и правичност – Миле Јанакиески, кој е вистински правен егземплар за тоа како еден човек може да биде одговорен за сите кривични дела извршени во период од 10 год. Исто така ќе биде и визитинг професор на Правниот Факултет во Скопје. Заменик министер ќе биде Катица Јанева која пред се ќе ги ре-отвара неправедно затворените правни случаи – со помош на нејзината фраза „ Отвори, отвори, отвори“. Европската Комисија во Скопје со огромно воодушевување ја прими информацијата за ангажман на заменик министерката Јанева

4.Министер за Фискултура на јавен простор – Љубомир Фрчковски. После за жал, некоректниот однос на неколку странски земји, кои не сакаа да издадат агремани, поради банална причина – не можеле на време да ги затворат сите отворени паркинг простори, Експертската Влада сепак креираше соодветно министерство кое гарантирано со голем успех ќе биде водено од некогашниот министер за внатрешни и надворешни работи. Главна негова задача ќе биде вежбање на машката со женската популација на урбани но и јавни површини во нашата земја, со што ќе се промовира девизата „ Во здраво машко тело и раце, здрава и послушна жена “

5.Министер за борба ЗА корупција . Ова министерство е ново, и има сосема нов концепт на работење, кое се базира дека со нула корупција нема економски и демократски напредок. Поради опасноста на обврски на овој Министер , единствени што знаеме дека неговото име завршува на буквата Е. За да се добие името на овој министер, неопходно е лицето кое ќе ја бара оваа класифицирана информација да го поседува највисокиот НАТО безбедносен сертификат

6.Министер за издавање на сертификати за државна тајна – кој друг ако не Сашо Орданоски. На предлог на Новата влада, човекот кој веќе неколку години на волшебен начин поседува сертификат за државна тајна, а го поседуваше и во периодот кога работеше во 1ТВ на Боки 13, и се уште е државна тајна, дали сертификатот за државна тајна, со што ќе му се овозможи преглед на државните тајни и останатите сертификати за државни тајни – ги поседува. Вистински волшебник на „државните тајни“

7.Министер за Географија - Мишко Иванов, подобро познат како новинар од една мала телевизија. Неговото чувство за самопоставување и ненадејно самоизникнување на вистинско место, во вистинско време, и ноншалантно однесување при средбата со екс првиот човек на УБК, Сашо Мијалков, и потврди на Владата дека тоа е вистинскиот Министер за географија. Точно знае каде секој од нас се наоѓа во секое време во Македонија, но за да биде 100% сигурен ,доколку сретне некој од неговите „таргети“ во Македонија, првото трик прашање , за збунување на субјектот, повторно ќе му биде – Вие сте во Македонија?

8.Министерство за преговори – Владо Бучковски. Екс премиерот се покажа во вистинско светло како феноменален преговарач со соседна Бугарија, и , на големо задоволство на целиот македонски народ обезбеди бугарската Национална Телевизија БНТ 4 , на која се емитуваат прекрасни документарни филмови за настанувањето на македонската нација и јазик. Со овој потег и неколку други потези од минатото му го обезбедија ова Министерско место на Владо Бучковски

9.Министерство за анкети – ова министерство е исто така ново и е стратешки важно, поради фактот што ќе треба на дневна основа да се штанцуваат анкети по различни прашања, кои ќе бидат адекватна замена за пописот кој новата Влада го одложи за една година. Министер, кој друг ако не – екс обвинителот – Сотир Костов. Тој ќе има тешка и напорна задача да изработува/штанца дневни анкети во својата канцеларија, со што ќе дава вистинска насока за перцепцијата на граѓаните на Македонија , во смисла , во која насока сакаат да се движи нашата земја и нормално, во секоја анкета задолжително ќе стојат прашања поврзани со „циркус“, „НАТО“, ЕУ“, „Кина“ и „Русија“

10.Министерство зa заштита на природни убавини – Блерим Беџети. Досегашниот Министер на општина Сарај , кој на феноменален начин се справува со запуштената природа, и и дава нов живот и енергија, поставувајќи платоа и ресторани на Матка, како и бркајќи ги старите и одвратно запуштени камп приколки на езерото треска. Заменик на Беџети ќе биде уште еден градоначалник, а тоа е градоначалникот на Охрид, Константин Георгиески, кој во рекордно време успеа да го врати градот Охрид на листата на загрозени културни природни наследства, а новата Влада се надева дека ова исто ќе му успее да го направи и со Галичник, Дојран како и градот на мостовите – Кратово.

11. Министерство за отворање и клатење на врати - Кој друг ако не Крсто Мукоски. Пратеникот кој се прослави со навремено, храбро и со помош на своите надчовечки сили, отворање на главните но тешки врати на Собранието на Македонија. Некои велат дека е виден и во Капитол кога демострантите влегоа , што дополнително ја зајакна неговата кандидатура за министер во ова ново министерство. Една од главните задачи, при секое наредно менување на Владата, тој да биде одговорното лице кое ќе ги отвора портите и во Собранието, Владата, Идризово, Претседателската палата. Еден и едиснтвен - Министер Крсто Мукоски

Канал 5 дознава дека ова не е конечниот список на новите министерства и министри во новата експертска Влада на СДСМ и ВМРО-ДПМНЕ, а најголем напор правиме да дознаеме кој ќе биде новиот Премиер на Македонија?

За секоја нова информација, нашите гледачи и читатели ќе бидат навреме запознаени.

Ваш Канал 5

Текстот е фикција/козерија

Периодичната работа во странство, сè уште го крепи животот во делчевското село Град

Периодичната работа во странство, сè уште го крепи животот во делчевското село Град. Горан Анастасов, жител на селото вели дека бројот на млади луѓе во селото од ден на ден се намалува. 

За преживување и самиот како што вели неколку месеци во годината заминува на привремена печалба во западно-европските земји. Селото во моментот како што дополни брои повеќе од 200 жители, од кои повеќето се ергени кои имаат потреба од вработување за сопствена егзистенција.

-Во селото повеќето се по странство, нема веќе млади, нема егзистенција. Останаа над 150-200 жители, ама повеќето се неженети, бараат работа за да можат да опстанат. Жителите кои се овде, во главно се занимаваат со овоштарство и земјоделие, но слабо има народ, нема пари, сиромаштија е. Јас периодично работам, по 2,3 месеци во странство, па пак си доаѓам и така преживуваме. Среќа што синот оди на работа, инаку тешко е да се бориме за опстанок, истакна Анастасов.

За барем малку да се олесни животот на оние кои останале во селото, во тек се активности за подобрување на патната инфраструктура. Анастасов додаде дека во тој поглед се реконструира и селската чешма, а се градат и неколку улички, кои наскоро ќе бидат асфалтирани. Во тој поглед Анастасов изрази задоволство што некој се сетил по 40 години да направи нешто за жителите.

-Сакаме да ја санираме чешмата имавме проблеми со некои спојки. Ние, 3,4 луѓе од селото се собравме заедно со работниците да направиме нешто да ископаме, да ја реновираме чешмата. Во однос на уличките, во моментот како што е планот, ако се направи се како што е замислено, ќе сме благодарни што после 30,40 години се прави нешто за жителите, додава Анастасов.

Градежните активности за изградба на неколку крака од улиците во село Град, како што додаде градоначалникот на општината Горан Трајковски ќе финишираат деновиве. Додаде дека освен во село Град ќе се градат улици и во останатите селски населби.

-Крај на февруари е, се отпочна со градежните работи, со инфраструктурните работи продолжуваме интензивно за да се завршат овие улички во село Град. Општината за оваа година има изготвено 29 проекти за 29 улички кои ќе се градат на територијата на општина Делчево, рече Трајковски.

Со реализирањето на овие активности од општината очекуваат над 90 посто да бидат решени проблемите со инфраструктурата во селските населби. /МИА.

Пресечен меѓународен канал за трговија со хашиш, приведен албански државјанин

МВР продолжува со интензивните мерки и активности за сузбивање на нелегалната трговија со дрога.

Полициски службеници од Одделот за криминалистичка полиција – Сектор за недозволена трговија со дрога, во координација со ОВР Струга, Регионалниот центар за гранични работи Исток и Царинската управа, вчера пресекоа меѓународен канал за транспорт на хашиш од Албанија преку Македонија и Бугарија, со крајна дестинација Турција, при што се запленети околу 14 килограми хашиш и пакувања хашиш смола и хашиш масло, соопшти денеска портпаролот на МВР. Тони Ангеловски.

– По претходно преземени мерки, во 12.45 часот на граничниот премин Деве Баир (на излез од Република Македонија) извршен е претрес на возило БМВ, управувано од албанскиот државјани Х.Х. (60), при што во два бункера биле пронајдени пакувањата со хашиш. Х.Х. е лишен од слобода и во текот на денот ќе биде предаден на надлежното обвинителство со соодветна кривична пријава, рече Ангеловски.

МВР продолжува со интензивните мерки и активности за сузбивање на нелегалната трговија со дрога.

– Завчера беа запленети над половина тон марихуана, а акциите продолжуваат и во наредениот период, вели Ангеловски.

притисни ентер