И покрај тешката болест, Брус Вилис ќе снима филм- го препознава гласот само на една жена - Канал 5

Шоу биз

И покрај тешката болест, Брус Вилис ќе снима филм- го препознава гласот само на една жена

Една од најголемите холивудски ѕвезди, Брус Вилис, се повлече од светот на филмот пред речиси една година, кога му беше дијагностицирана афазија, а потоа и деменција.

И покрај тешката болест, Брус Вилис ќе снима филм- го препознава гласот само на една жена

Сепак, обожавателите ширум светот беа воодушевени од веста дека тој повторно би можел да биде на големото платно.

Имено, познатиот режисер Квентин Тарантино наводно сака да му додели улога на Брус Вилис во своето ново дело. Како што пренесуваат медиумите, Тарантино веќе се подготовува за новиот филм „Филмски критичар“, а Брус ќе има помала улога во оваа продукција.

Иако Тарантино, наводно, сè уште не контактирал со семејството на актерот, тој планира да ја почитува нивната одлука доколку кажат дека Вилис е премногу лошо за да учествува во филмот. Во тој случај, во филмот ќе вметнат снимки од некои претходни дела на Вилис.

Да потсетиме, по дијагнозата на болеста, состојбата на актерот со текот на времето се влошувала, а најголема поддршка му е семејството, но и поранешната сопруга Деми Мур.

Неодамна се огласи неговата поранешна партнерка Марија Браво која откри дека на познатиот актер му е сѐ полошо.

- Нему му е сѐ полошо и полошо. Не е добро. Зборував со неговата сопруга Ема и за жал тоа е прогресивна болест. Му испраќам многу позитивна енергија и љубов, изјави неодамна Марија.

Како што неодамна откри извор близок до семејството, Брус полесно го препознава гласот на својата поранешна сопруга Деми Мур отколку гласовите на другите, па таа секојдневно разговара со него за да го спречи понатамошниот развој на болеста.

- Деми е во постојан контакт со Брус и Ема. Таа ја користи секоја слободна можност да помине време со него. Ако не е со него, му се јавува за Брус да ѝ го слушне гласот. Не може многу да зборува, а изгледа малку разбира од тоа што му го кажуваат - изјави неодамна извор за Радар онлајн, додавајќи дека семејството тешко се справува со веста за неговата дијагноза. Дали ќе се согласи да се појави во новиот филм на Тарантино, останува да видиме.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео- фото: Сабаленка објави секси видео во бикини: Сите гледаа како Ари танцува

Една од најдобрите светски тенисерки, атрактивната Арина Сабаленка привлече големо внимание на социјалните мрежи откако објави провокативно видео. Во преден план беа нејзините прекрасни облини и харизматичен изглед.

Видео- фото: Сабаленка објави секси видео во бикини: Сите гледаа како Ари танцува

Арина Сабаленка привлекува големо внимание од јавноста, како на теренот, така и на социјалните мрежи.

Таа е често активна на Инстаграм, каде што редовно објавува фотографии од својот приватен и професионален живот, а нејзините атрактивни модни изданија го привлекуваат вниманието на светската јавност.

Таа неодамна објави провокативно видео на своето „Инстаграм стори“ на кое танцува.

За таа прилика, носеше црн едноделен костим за капење што ја истакнуваше нејзината фигура, а изгледот го надополни со црни очила – омилениот моден додаток на денешните трендсетери.

Судејќи според видеото, Арина беше очигледно добро расположена, а нејзините обожаватели можеа да ја почувствуваат и онаа посебна харизма што ја краси.

Тагови: Арина Сабаленка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Полицијата во Германија заплени робот кој сексуално нападнал девојче?!

Германската полиција покрена истрага откако робот, управуван од двајца млади мажи, наводно сексуално вознемирил 16-годишно девојче во Келн.

Полицијата во Германија заплени робот кој сексуално нападнал девојче?!

Инцидентот се случил доцна вечерта во неделата, на 11 октомври, пред ресторан за брза храна во овој град во западна Германија.

Според полициското соопштение, роботот – висок околу 120 сантиметри – ѝ пришол на девојката одзади, ја допрел по задникот и извел сексуално сугестивни движења.

Во тој момент, девојката била во друштво на две пријателки, на возраст од 17 и 18 години.

Според Си-Ен-Ен (CNN), полицијата се сомнева дека со роботот управувале неговиот шеснаесетгодишен сопственик и неговиот деветнаесетгодишен пријател.

Истражителите наведуваат дека двајцата го снимале настанот и го емитувале во живо на социјалните мрежи. Полицијата пристигнала на местото на настанот кратко потоа и ги пронашла младите момчиња.

Роботот бил пронајден во багажникот на автомобил и потоа одземен како доказ. Исто така, биле одземени и мобилните телефони на осомничените.

Истражителите сега се обидуваат да утврдат дали движењата на роботот биле однапред програмирани или дали младите момчиња директно управувале со него за време на инцидентот. На интернет се појави и видео на кое се гледа како роботот носи бел елек, златно ланче и очила за сонце.

На снимката се гледа како тој им приоѓа на жени на улицата и прави сексуално сугестивни движења. Полицијата ги истражува околностите на инцидентот и потенцијалната кривична одговорност на лицата кои управувале со уредот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

УЕФА ги казни БиХ, Хрватска и Унгарија

 УЕФА изрече казни за фудбалските сојузи на Босна и Херцеговина, Хрватска и Унгарија поради прекршоци за време на октомвриските натпревари во Лигата на нации.

УЕФА ги казни БиХ, Хрватска и Унгарија

Најголема сума ќе треба да платат Унгарците, кои веќе имаат изречена условна казна.

Федерацијата на БиХ е казнета со вкупно 50.500 евра по натпреварот против Полска, одигран на 5 октомври.

Причините за казната вклучуваат расистички извици, употреба на ласери и пиротехника, фрлање предмети на теренот и доцнење на екипата.

Исто така, изречена е мерка за затворање на пет отсто од капацитетот на стадионот, но оваа мерка е условна во следните две години.

Хрватската федерација ќе треба да плати 57.000 евра поради инцидентите на натпреварот против Шпанија на 6 октомври.

Казните се однесуваат на употреба на пиротехника, блокирани премини и други прекршоци на трибините. Делумното затворање на стадионот, кое опфаќа 20 отсто од капацитетот, исто така е условно во траење од две години.

Според истиот извор, Унгарија е казнета со 77.578 евра по гостувањето во Украина. Поради расистичко однесување, активирана е условната казна изречена во октомври 2024 година, па така федерацијата нема да може да продава билети за еден натпревар на гостински терен.

На Унгарците им е изречена нова условна забрана за продажба на билети за гостувања, како и парични казни за употреба на пиротехника, фрлање предмети, непочитување на националните химни и оштетување на стадионот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер