Македонија

И без „Југохром“ воздухот во Тетово e екстремно загаден

Загадувањето на воздухот во Тетово со ПМ 10 честичките повторно на неколкупати во текот на изминатата недела за повеќепати го надминуваше дозволеното ниво иако фабриката Југохром од Јегуновце од први јануари не работи.

Министерот за животна средина и просторно планирање Нурхан Изаири информираше дека во соработка со владите на Финска и Австрија веќе спроведуваат стручни мерења на неколку локации на воздухот во Тетово и Скопје што треба точно да го утврдат хемискиот состав на честичките во воздухот.

Истражувањата започнале во мај минатата година и треба да завршат некаде до крајот на февруари а се спроведуваат на тој начин што овие специјални мерни станици остануваат на едно место 52 дена.

Министерот Изаири очекува дека резултатите од анализите што ќе бидат извршени во Австрија и Финска ќе ги добиеме до средината на април по што точно ќе се знаат причините за загадувањето на воздухот во Скопје и Тетово и со тоа кои и какви мерки ќе треба да се применат за подобрување на состојбите.

-Тогаш ќе знаеме точно колку влијаат домаќинствата, колку влијае возниот парк – сообраќајот, колку влијае индустријата, колку влијае малата индустрија, колку влијае градежништвото. Параметрите што ќе ги покажат хемиските анализи ќе ни дадат точни индикатори и нема да се шпекулира кој колку проценти загадува. – изјави Нурхан Изаири, министер за животна средина и просторно планирање.

Од друга страна за жителите на Јегуновце од кои голем дел работат во Југохром неоправданата кампања на невладините организации од Тетово дека токму оваа фабрика е главен причинител на загадувањето на градот иако се наоѓа на 12 километри воздушна линија од него придонела раководството на Југохром самоиницијативно да донесе одлука за привремен прекин на работата во јануари и февруари. Со тоа жителите велат дека неоправдано се доведува во прашање нивната економска и друга егзистенција.

-Епа сега нека се запрашаат тие Еко Герила и нека ги повикаат најголемите светски експерти. Нека го испитаат воздухот во Тетово и да видиме кој го загадува тоа Тетово. Југохром гарантирам дека пет отсто не загадува во оваа околина. –изјави жител на Јагуновце.

-Тука сме единствено врзани со фирмата и се се врти околу Југохром. И сите економски објекти тука и општината и вработените во Југохром сите зависиме од тој Југохром. Ако до март не се отвори тој Југохром ќе мораме и ќе бидеме присилени да бегаме од ова село бидејќи ќе немаме никаква егзистенција. – изјави жител на Јагуновце.

Од раководството на Југохром при најавата за приверемениот прекин на работата посочија дека паралелно ќе продолжат со поставување на системите за отпрашување на фабричките оџаци и оти ќе го испочитуваат законскиот рок за примена на еколошките стандарди во работата.



Македонија

Ковачевски: Гласањето ПРОТИВ е краткорочна казна со долгорочни последици за државата

Гласањето ПРОТИВ е краткорочна казна со долгорочни последици за државата, гласањето ЗА значи прогрес и подобра држава.

Претседателот на СДСМ, Димитар Ковачевски, на вечерашниот митинг во Крушево, ги повика граѓаните пред да гласаат на 8-ми мај, убаво да размислат дали ќе дадат глас „за“ или глас „против“. Го повикувам сите граѓани да размислат кој заслужува да ја води државата, рече Ковачевски.

„Гласањето ПРОТИВ не ѝ носи добро на Македонија. Само ако гласаме ЗА може да одиме напред и да изградиме подобра држава за нашите деца, држава во која тие ќе сакаат да живеат. Со глас ПРОТИВ можеби ќе казните некого, но во исто време ќе ги казните и сопствените деца. Таа краткорочна казна може да има долгорочни последици за државата. Затоа ве повикувам масовно да гласате ЗА европска иднина. Да гласате ЗА Стево Пендаровски, за претседател и ЗА СДСМ и Коалицијата за европска иднина на парламентарните избори“, порача Ковачевски.

При тоа, Ковачевски им се заблагодари на членовите, симпатизерите и поддржувачите на СДСМ кои останале доследни на социјал-демократската идеја на партијата.

„Многу е поголемо задоволството кога ќе се измачиш во борба со својот политички и идеолошки противник, отколку да ја избереш полесната опција и да се свртиш против своите. Тоа е јалова борба, во која никогаш нема победник, а тој што се борел против своите си оди дома како најголем губитник. Затоа ние избравме да се бориме со идеи, со визија, со конкретни проекти, а не со кавга со довчерашните сојузници и истомисленици“, истакна Ковачевски.

Лидерот на СДСМ порача дека основната цел на програмата на Коалицијата за европска иднина е брзи, ефикасни и успешни преговори со ЕУ затоа што само на тој начин како држава може да обезбедиме повисок животен стандард, поефикасна борба против криминалот и корупцијата, подобро образование и здравство.

Скопје, 28 април 2024

СДСМ

Шоу биз

Убавата Ирина Шајк во потрага по ново момче!?

Руската убавица Ирина Шајк во последно време дефинитовно нема среќа во љубовта.

По разводот со актерот Бредли Купер, со кој има ќерка, убавата манекенка стапи во врска со познатиот НФЛ играч Том Брејди, но и таа врска не траеше долго и „пукна“, па сега Ирина е во потрага по ново момче.

Сексапилната манекенки наводно бара некој кој е познат, убав и има пари, изјави извор за „PageSix“.

Сепак, не е лесно Ирина Шајк да го пронајде вистинското момче кое ќе ги задоволи сите нејзини критериуми.

"Таа бара дечко, но има малку луѓе со кои излегува. Потребни ѝ се познати, згодни и богати.

Колку се такви, пет, десет", рекол извор кој сугерира дека новиот дечко на Ирина би можел да биде големиот холивудски заводник, актерот Том Круз, која неодамна раскина со атрактивната Русинка Елсина Каиров.

Свет

Саудиска Арабија предупреди на економските последици од војната во Газа

Саудиските власти денеска повикаа на смирување на тензиите на Блискиот исток и предупредија на економските последици од војната во Појасот Газа, на отворањето на специјалната средба на Светскиот економски форум.

Дводневниот форум се одржува во Ријад во присуство на многу лидери и високи функционери, меѓу кои и американскиот државен секретар Ентони Блинкен, палестински претставници и високи дипломати вклучени во напорите за ставање крај на конфликтот меѓу Израел и палестинското движење Хамас.

-Војната во Газа, како и конфликтите во Украина и на други места, вршат „голем притисок“ врз економското опкружување, изјави саудискиот министер за финансии Мохамед ал Џадан.

- Израел не е претставен на состанокот, додека преговорите за примирје со посредство на САД, Катар и Египет се во тек на други места, но настанот ќе биде можност за разговори со клучните играчи, рече саудискиот министер.

Блинкен утре ќе пристигне во Ријад каде што ќе „разговара за тековните напори за постигнување прекин на огнот во Газа што овозможува ослободување на заложниците“, соопшти Стејт департментот.

притисни ентер