Хрватска воведува задолжителен воен рок - Канал 5

Балкан

Хрватска воведува задолжителен воен рок

Хрватскиот министер за одбрана Иван Анушиќ денеска изјави дека очекува законите за одбрана и служба во вооружените сили да бидат изгласани во парламентот следната недела.

Хрватска воведува задолжителен воен рок

Хрватскиот министер за одбрана Иван Анушиќ денеска изјави дека очекува законите за одбрана и служба во вооружените сили да бидат изгласани во парламентот следната недела, по што ќе започнат подготовките и повиците за првите регрути, кои се очекуваат во касарните веќе во јануари следната година, пренесе Телеграф.

„Дискусиите за Законот за одбрана и Законот за служба во вооружените сили во Комисијата за одбрана и ребаланс се предуслови за парламентарна дебата и гласање веќе следната недела, а потоа ќе започне спроведувањето на законот“, најави Анушиќ пред седницата на Комисијата за одбрана.

Во ноември и декември, додаде тој, ќе започнат со потребните активности и повици за основна воена обука, а од 1 јануари следната година ги очекуваат првите војници во касарната. Тој истакна дека ова исто така значи дека последната генерација од оние кои доброволно поминале воена обука сега е во Пожега.

Основната воена обука ќе трае два месеци, рече Анушиќ и најави дека наскоро ќе објави каква обука ќе поминат регрутите и какви вештини ќе научат во тој период.

Тој исто така истакна дека пред обуката, тие ќе бидат подложени на лекарски преглед за да се утврди дали се способни за обука, но тој преглед нема да вклучува тестирање за опијати бидејќи, забележува тој, тие не можат законски да го спроведуваат ова без нивна согласност.

Иако имаше сугестии задолжителната воен рок да трае подолго, Анушиќ објасни дека се одлучиле за два месеци бидејќи од 2008 година постои доброволна воена служба во која волонтерите ја поминуваат целата основна обука за два месеци и ги стекнуваат сите вештини што мора да ги има еден војник-стрелец.

Веќе постои, нагласува тој, воспоставен модел и рамка, а толкувањето и советите на инструкторите кои интензивно работат со нив и ги обучуваат два месеци е дека ова е сосема доволно и дека не се потребни три или четири месеци за стекнување на овие вештини, но не е проблем да се продолжи периодот доколку се покаже дека е потребно.

„За два месеци ќе ги совладаат сите основни воени вештини, и за преживување и за самоодбрана, моторни вештини, физичка подготвеност, исхрана, а доколку регрутот одлучи да оди понатаму, тогаш ќе потпише договор за професионално воено лице, а потоа ќе оди на специјализирана воена обука“, рече Анушиќ, како што објави Хина. Анушиќ рече дека воената обука ќе ја чини Хрватска околу 20 милиони евра годишно, а за цивилна обука, додаде тој, треба да се праша Министерството за внатрешни работи. Тој само забележа дека надоместокот за оние што отслужуваат цивилна служба ќе биде значително помал отколку за војниците во касарните. Покрај неговото Министерство за одбрана, во целиот процес ќе бидат вклучени и министерствата за внатрешни работи и за здравство.

Тагови: воен рок Хрватска

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Посебен режим на сообраќај поради Скопскиот маратон

МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.

Посебен режим на сообраќај поради Скопскиот маратон

На 04.10.2026 (недела) со почеток во 08:00 часот, во организација на Сојуз на спортови на Скопје, ќе се одржи - „Виз Ер Скопски маратон 2026“ со следните траси на движење: траса на движење на трката од 5км – Старт на ул.„11-ти Октомври“ (кај зелен пазар), право по ул.„11-ти Октомври“, лево по бул.„Крушевска Република“, десно по бул.„3-та Македонска Бригада“, полукружно на крстосница помеѓу бул.„3-та Македонска Бригада“ и ул.„Коста Новаковиќ“ и по истата траса назад до целта – плоштад „Македонија“ на ул.„11-ти Октомври“ и траса на движење на маратонот, полумаратонот и штафетната трка (по наведената траса за штафетната трка и маратонот натпреварувачите се движат 2 пати) – Старт Собрание на РСМ на ул.„11-ти Октомври“, право кон „Рекорд“ односно по ул.„Димитрие Чуповски“, право по ул.„Митрополит Теодосиј Гологанов“, право по ул.„Војвода Васил Чакаларов“, се до крстосница со ул.„Ангел Динев“ каде се врти полукружно назад по истата траса се до Собрание на РСМ на ул.„11-ти Октомври“ и се продолжува право по ул.„11-ти Октомври“, лево по бул.„Крушевска Република“, десно по бул.„3-та Македонска Бригада“, лево по ул.„Васко Карангелевски“, десно по бул.„Јане Сандански“ се до крстосница со бул.„Србија“ каде се врти полукружно и во истата коловозна лента назад по бул.„Јане Сандански“ се до крстосница со бул.„Кузман Јосифовски Питу“ каде се врти полукружно назад во истата коловозна лента до крстосница со ул.„Васко Карангелевски“, десно по ул.„Васко Карангелевски“, десно по бул.„3-та Македонска Бригада“, лево по бул.„Крушевска Република“, десно по ул.„11-ти Октомври“ до целта- Плоштад Македонија.

Од тие причини Единица за безбедност на патниот сообраќај ќе преземе мерки за посебен режим на сообраќај, при што сообраќајот ќе се пренасочува по околните сообраќајници.

МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.

Тагови: Скопски маратон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Драма: Авион исчезна над океанот

Според неофицијални информации, авион од типот „ Gulfstream G100# со шест лица во него – кој летал од Бермудски Острови кон Бостон – се урнал во Атлантскиот Океан.

Драма: Авион исчезна над океанот

Авионот изгубил контакт за време на летот, по што започнала потрага по леталото и лицата во него.

Врз основа на моментално достапните информации, авионот исчезнал рано утринава, а потрагата е насочена кон областа во близина на брегот на Нантакет, Масачусетс.

Американската крајбрежна стража потврди дека во потрагата се вклучени воздушни и поморски единици, пренесува британскиот таблоид „The Sun“.

Засега нема официјална потврда дека авионот навистина се урнал, ниту пак се познати околностите на наводната несреќа.

Надлежните служби ја продолжуваат потрагата, а дополнителни информации се очекуваат штом ќе бидат познати резултатите од операцијата.

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Маскиран демонстрант запалил лице на жена, протетсите во Франција надвор од контрола

Протестите на средношколците од посиромашните предградија на Париз ја зафатија целата земја. Десетици илјади ученици и нивни поддржувачи излегоа на улиците во Франција и се чини излегоа од контрола.

Маскиран демонстрант запалил лице на жена, протетсите во Франција надвор од контрола

Како што јавија дел од медиумите маскиран тинејџер во Марсеј бил приведен откако се обидел со спреј и запалка да запали лице на жена.

Причината за протестите е поради лошата состојба на училиштата, преполните училници и недостигот на наставен кадар, а особено е лоша состојбата во посиромашните населби, тврдат демоинстрантите

Неделава на протестите учествуваа ученици од над 1000 средни училишта, а за време на немирите беа уапсени повеќе од 5000 лица, но имаше и сериозно повредени демонстранти, еден ученик бил повреден од гумен куршум

Францускиот министер за внатрешни работи Лоран Нуњез повика на враќање на редот.

Протестите започнаа во предградијата на Париз, каде што нивото на сиромаштија е високо, а потоа се проширија во самиот Париз и други француски градови, вклучувајќи ги Марсеј, Стразбур, Тур и Лил.

YouTube video

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер