Хрватска се подготвува за нови поплави, и војската поставува барикади - Канал 5

Балкан

Хрватска се подготвува за нови поплави, и војската поставува барикади

Околу 150 припадници на хрватската армија со соодветни материјални средства се ангажирани за одбрана од поплави во делови од Сисачко-мославинската жупанија во Хрватска.  

Хрватска се подготвува за нови поплави, и војската поставува барикади

100 војници се распоредени во областа Нова Дренчина и 50 војници во областа Хрватска Костајница, соопштија од Министерството од одбраната.

Поради обилните врнежи што наврнаа викендов и покачувањето на водостојот на реката Уна, прогласени се вонредни мерки за одбрана од поплави на подрачјето на Хрватска Костајница. Според информациите на Хрватскиот авто клуб, поради големото количество вода на коловозот, државниот пат ДЦ47 Двор-Хрватска Костајница во градот Куљани е затворен за секаков сообраќај, а обиколницата е Дивуша-Јовац-Хрватска Костајница.

Градоначалникот на Хрватска Костајница Далибор Бишќан за ХТВ изјави дека во текот на денот ги посетиле сите куќи кои се најзагрозени и дека засега нема никакви проблеми и дека водата не навлегла во ниту една куќа.

Министерот за одбрана Марио Баножиќ попладнево ги посети припадниците на ВВ кои се ангажирани во одбраната од поплави во областа Нова Дренчина кај Петриња. Тој им се заблагодари за одличното ниво на подготвеност, велејќи дека најважната служба на хрватската армија е службата за хрватскиот народ.

„Вашите задачи ги извршувате совесно, одговорно и професионално, а тоа го докажавте и со вашата вклученост во Нова Дренчина. Драго ми е што од прва рака гледам како брилијантно соработувате меѓу себе и давате поддршка на граѓанските институции“, рече министерката Баножиќ. Припадниците на ВВ биле ангажирани врз основа на Решение на министерот за одбрана согласно барањето на Управата за цивилна заштита, објави хрватски Индекс.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Неделен лабораториски извештај за квалитетот и безбедноста на водата за пиење

ЈП Водовод и канализација – Скопје со цел подобра информираност на граѓаните на град Скопје, го објавува неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола. 

Неделен лабораториски извештај за квалитетот и безбедноста на водата за пиење

Секторот за санитарна контрола во периодот од 05.10.2026 до 09.10.2026 зема 208 примероци за физичко-хемиска и 208 примероци за микробиолошка анализа на вода за пиење од 53 мерни места во Градот Скопје.

Согласно добиените резултати од испитувањата, сите примероци ОДГОВАРААТ на Правилникот за барања за безбедност и квалитет на водата за пиење (Службен весник на РМ, бр.183/18).

Тагови: Водовод и канализација

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Царинска управа: Пронајдена дрога кај германски државјанин, случајот снимен со боди-камерите

Царинските службеници на граничниот премин Табановце, на влез во државата, запленија хашиш, амфетамин, MDMA и тетрахидроканабинол пронајдени кај германски државјанин кој патувал со својот сопружник. 

Царинска управа: Пронајдена дрога кај германски државјанин, случајот снимен со боди-камерите

Случајот е документиран и со снимка од телесните камери кои беа обезбедени како донација од Министерството за правда на САД.

Во случајот, откако автомобилот бил селектиран за контрола, царинските службеници пронајдоа супстанца со зеленкаста боја спакувана во црна кесичка, жолта восочна супстанца спакувана во црни кутивчиња, дрога во форма на бомбони како и дробилки и вага за прецизно мерење. Извршен е и личен претрес на осомничениот, при што се пронајдени дополнителни количини на супстанци со зеленкаста боја, бела прашкаста материја, гел во бела боја и таблети со портокалова и кафена боја.

Лицето е приведено од страна на инспектори од Одделението за истраги и преземени се предистражни дејствија, во чии рамки под налог на јавен обвинител, извршено е и вештачење на дрогата со кое е утврден нејзиниот состав. Против сторителот е поднесена кривична пријава до ОЈО Куманово за неовластено производство и пуштање во промет на наркотични дроги, психотропни супстанци и прекурсори.

Тагови: Царинска управа

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Изминатата седмица санкционирани 135 непрописно паркирани возила на територија на Општина Центар

ЈП Паркинзи на Општина Центар во периодот од 05.10 до 11.10.2026 година, со помош на специјалните возила „Пајак“ отстранија 135 непрописно паркирани возила кои го попречувале нормалното и безбедно одвивање на сообраќајот.

Изминатата седмица санкционирани 135 непрописно паркирани возила на територија на Општина Центар

За трајно решение на сообраќајниот метеж и проблемот со неправилното паркирање неопходна е поголема сообраќајна култура, затоа ЈП ПОЦ во наредниот период ќе продолжи со секојдневно отстранување на сите непрописно и несовесно паркирани автомобили во Општина Центар со цел да се подигне сообраќајната свест на повисоко ниво и да се зголеми безбедноста во сообраќајот.

ЈП ПОЦ

Тагови: ЈП ПОЦ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер