Хорор пресметка меѓу црногорски кланови: Лесковчанец бил измачуван и заѕидан во тврдината во Котор - Канал 5

Балкан

Хорор пресметка меѓу црногорски кланови: Лесковчанец бил измачуван и заѕидан во тврдината во Котор

Во голема акција на црногорската полиција во Бар и Тиват, уапсени се тројца членови на кланот Шкаљари, со што се расветлуваат дури шест брутални убиства извршени помеѓу 2017 и 2019 година.

Хорор пресметка меѓу црногорски кланови: Лесковчанец бил измачуван и заѕидан во тврдината во Котор

Најстрашните детали од истрагата се однесуваат на смртта на Илија Крстиќ од Лесковац, чие тело е пронајдено по шестгодишна потрага, објави Телеграф.

Со апсењето на Предраг Пеѓо Ѓуришиќ, Малиша Бубоња и Лазар Клакор, истражните органи на Црна Гора му зададоа уште еден силен удар на „кланот Шкаљари“. Според истрагата, оваа група е директно одговорна за смртта на Илија Крстиќ, но и за убиствата на Слободан Шарановиќ, Марко Сјеклоќа, Жељко Булатовиќ, Синиша Влаховиќ и Давор Прелевиќ.

Од „убиец“ до жртва

Илија Крстиќ, кој бил регистриран во полициските евиденции како член на „Кавачкиот клан“, станал жртва на сурова измама во пролетта 2019 година. Според истрагата, тој бил намамен во Будва под изговор дека треба да учествува во ликвидацијата на Марко Љубиша Кан, високо рангиран „Шкаљарец“.

Наместо цел, членови на соперничкиот клан го чекале Крстиќ во изнајмен стан.

„Користејќи го своето познанство со него, осомничениот Вук Лакиќевиќ го контактирал Крстиќ и го намамил во станот каде што наводно требало да подготват напад врз Кан. Сепак, штом влегол, Крстиќ бил киднапиран“, се наведува во документите на истражителот.

Ужасна тортура и обид за запалување на телото

За време на притворањето во Будва, Крстиќ бил подложен на ужасна тортура. „Шкаљарците“ насилно извлекле информации од него за активностите на Кавачкиот клан. Под притисок на тортурата, тој наводно признал дека неговите соработници, Жељко Булатовиќ и Марко Сјеклоќа, подготвувале нови ликвидации, кои подоцна ја запечатиле нивната судбина.

По тортурата, Крстиќ бил однесен во тврдината Грабовац во Котор. Таму бил убиен, а џелатите се обиделе да го запалат неговото тело. Кога тоа не успеало целосно, го фрлиле телото во криптата (стар камен резервоар за вода), а влезот во него го бетонирале.

Темната тајна на тврдината Грабовац била чувана шест години, сè додека не биле пронајдени остатоците од телото на 19 мај минатата година. Клучната пресвртница во истрагата ја донесе анализата на Скај Комуникејшнс, но и сведоштвото на сега починатиот Едмонд Мустафа.

Мустафа, кој бил член на кланот Шкаљари, пред неговата ликвидација во 2024 година, детално му раскажал на обвинителството за механизмите на Адвокатската ќелија на кланот предводен од Алан Кожар.

Уапсените остануваат во притвор

Тројцата уапсени, Ѓуричковиќ, Бубоња и Клакор, се означени како директни сторители (извршители). Откако биле испрашувани од Специјалното државно обвинителство во Подгорица, им е одреден притвор. Тие се обвинети за создавање криминална организација и тешко убиство.

Хронологија на злосторствата решени со оваа операција:

Слободан Шарановиќ (2017)

Синиша Влаховиќ (2018)

Давор Прелевиќ (2018)

Илија Крстиќ (2019)

Жељко Булатовиќ (2019)

Марко Сјеклоќа (2019)

Тагови: кланот Котор

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВРЕДИ: Груби пред правдата, „пеењето“ на Бујар даде резултат…

Денес „пеењето“ на Бујар Османи добива поинакво значење: Артан Груби е пред правдата, а Бујар сè уште го чека моментот да направи чекор кон лидерската позиција во ДУИ.

ВРЕДИ: Груби пред правдата, „пеењето“ на Бујар даде резултат…

Со месеци Бујар молчи за Груби, иако некогаш двајцата беа на врвот на ДУИ. Денес се однесува како никогаш да немале заедничка политичка историја.

Наместо мандатот како министер за надворешни работи да го користи во интерес на државата, Бујар го искористи и за своите внатрепартиски пресметки во ДУИ, „пеејќи“ де ваму де таму и правејќи сметки за преземање на раководството на ДУИ.

Денес сценариото станува сè појасно: Груби пред судот, Али Ахмети под притисок, а Бујар ја чека фотелјата на претседателот на ДУИ.

Но, прашањето е едноставно: зошто Бујар молчеше за Груби кога беа заедно на врвот на ДУИ? Што знае тој за оваа приказна и зошто денес се однесува како Груби никогаш да не постоел?

Зашто во политиката, понекогаш не е важно само кој зборува, туку и зошто досега молчел.

Ако „пеењето“ на Бујар било за правда, нека го каже тоа отворено. Ако било за власт и за фотелјата на Али Ахмети, тоа веќе сите го разбираат.

Груби нека одговара пред правдата. Бујар нека им одговори на граѓаните.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Видео- Фото: Халанд со нова фризура во нови победи со Сити

Светската фудбалска ѕвезда, норвешкиот стрелец Ерлинг Халанд со нов имиџ, кратка коса се појави на старот на  новата сезона со Манчестер Сити во Премиер лигата. 

Видео- Фото: Халанд со нова фризура во нови победи со Сити

Напаѓачот на Манчестер Сити, Ерлинг Халанд (26), ја скрати долгата коса и ја започна сезоната во Премиер лигата со драстично поинаква фризура.

На милиони негови фанови ќе им биде тешко да се навикнат на фактот дека норвешката машина за голови сега изгледа вака:

Халанд се појави на натпреварот против Борнмут на стадионот „Етихад“ со кратка коса, а пред почетокот на мечот објави видео од својата нова фризура на својот профил на социјалната мрежа X.

Поради новиот изглед на Халанд на социјалните мрежи се јавија и неговиот долгогодишен тренер, легендарниот Пеп Гвардиола и светската ѕвезда Златан Ибрахимовиќ.

Во видеото во кое Халанд е со новиот имиџ може да се види и изненадената реакција на неговиот поранешен тренер Пеп Гвардиола, кој не можеше да поверува во она што го гледа. Шпанецот реагираше побурно, па дури и опцу за време на нивниот видео-повик.

„Не е можно... Среќник си што воопшто имаш коса, и јас би сакал да имам“, рече Гвардиола со насмевка.

„Што по ѓаволите си направил? О Боже, што е ова? Да не изгуби во некој облог или слично? Блокирај ме, избриши ми го бројот“, му рече Златан Ибрахимовиќ.

Секако реагираа и многу соиграчи на Халанд.

Ерлинг Халанд со години носеше долга коса и беше препознатлив по неа. Последен пат настапи со косата врзана во опавче на Светското првенство во Америка, каде што испиша историја со националниот тим: го елиминираа Бразил и стигнаа до четвртфиналето, откако во нокаут-фазата ја совладаа Брегот на Слоновата Коска.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Филипче со потсмев ја поздрави одлуката на Абази со која беше ослободен од одговорност за трагедијата со модуларната болница

Филипче со потсмев ја поздрави одлуката на Абази со која беше ослободен од одговорност за трагедијата со модуларната болница во Тетово.

ВМРО-ДПМНЕ: Филипче со потсмев ја поздрави одлуката на Абази со која беше ослободен од одговорност за трагедијата со модуларната болница

Откако 5 години предметот за модуларната болница во Тетово се чуваше во фиоките на Вилма Русковска и Елизабета Јосифовска од СЈО, во која животите ги изгубија 14 лица, Венко Филипче, како тогашен министер за здравство, не беше повикан ниту на разговор.

За да биде појасно што се случувало, треба да се потсетиме дека модуларните болници биле поставувани без соодветен надзор, без одобренија од општините и без одобрение од надлежното министерство, односно спротивно на правилата предвидени со Законот за градење.

Филипче склучил анекс на договорот со фирмата која ги поставувала модуларните болници, со што цената била зголемена за 20%.

Овој случај, во кој 14 луѓе го загубија животот, Абази го затвори со тоа што го спаси Венко Филипче. A што станува со измените на Законот за градење, за отсуството на елаборат за електрична енергија, како и за недостатокот на основни технички спецификации?

Досега, условни затворски казни добија поранешните директори на Клиничката болница во Тетово, Флорин Бесими и Артан Етеми, додека и самата болница како правно лице беше парично казнета.

Но, Абази оценил дека нема основ за одговорност од Венко Филипче.

Очигледно за Абази не биле доволни документите и вештачењата за да се отвори постапка против Филипче.

Па така, не е ни чудно што Филипче со потсмев ја поздравува оваа одлука, затоа што Абази си ја заврши задачата за која беше поставен во време на СДС, а тоа е да аргати за Заев, Филипче и Ахмети.

Секако, се појават нови докази, постапката за истото дело може повторно да биде отворена.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер