Обвинителите во Лос Анџелес го опишаа Гаргуло како ,,ладнокрвен сериски убиец” , кој ги следел жените и ги планирал нападите . Тој е прогласен за виновен , благодарејќи на сведочењето на неговата трета жртва, 26- годишната Мишел Марфи , која успеала да му побегне.
Меѓу сведоците во процесот беше и холивудскиот актер Ештон Качер , кој бил во врска со една од жртвите. Неговата девојка Ешли Елерин била убиена ноќта кога требале заедно да одат на забава по доделувањето на наградите Греми во 2001 .
Нејзиното тело , избодено 47 пати , било најдено следното утро.
Втората жртва е Марија Бруно , која живеела во иста зграда со убиецот. Таа била нападната додека спиела во својот стан во 2005 година.
Поротата по долгиот судски процес , денеска го прогласи Мајкл Гаргуло за виновен и се очекува смртна казна , иако државата Калифорнија неодамна ги сопре егзекуциите на осудените на смрт.